Home Remedies: ತಲೆನೋವು ನಿವಾರಣೆಗೆ ಮಾತ್ರೆ ಸೇವಿಸಬೇಡಿ, ಈ ಮನೆಮದ್ದು ಸೇವಿಸಿ ನೋಡಿ

ತಲೆನೋವು ಆಗೋದು ಸಾಮಾನ್ಯ. ಆದರೆ ವಿಪರೀತ ತಲೆನೋವಿದ್ದಾಗ ಕೆಲವರು ಮಾತ್ರೆಗಳ ಮೊರೆ ಹೋಗುತ್ತಾರೆ. ಆದರೆ ಎಚ್ಚರದ ಸಂಗತಿ ಎಂದರೆ ತಲೆನೋವು ನಿವಾರಣೆಗೆ ಆ್ಯಂಟಿಬಯೋಟಿಕ್ ಸೇವಿಸಿದರೆ ಜಠರ ಮತ್ತು ಕರುಳಿನ ಸಮಸ್ಯೆ ಉಲ್ಬಣಿಸುತ್ತದೆ.

ತುಳಸಿಯು ಬ್ಯಾಕ್ಟೀರಿಯಾ ವಿರೋಧಿ, ಉರಿಯೂತ ನಿವಾರಕ ಗುಣಗಳನ್ನು ಹೊಂದಿದ್ದು ಅದು ನಿಮ್ಮನ್ನು ತಲೆನೋವಿನಿಂದ ಶೀಘ್ರ ಉಪಶಮನ ಮಾಡುತ್ತದೆ. ತುಳಸಿಯನ್ನು ಪುಡಿ ಮಾಡಿ ಅಥವಾ ಅದರ ಎಲೆಗಳನ್ನು ಅಗಿಯಿರಿ, ರಸವನ್ನು ತೆಗೆದುಕೊಳ್ಳುವುದು ಉತ್ತಮ.

ಓಮಾದಲ್ಲಿ ಥೈಮಾಲ್ ಅಂಶವಿದ್ದು ಅದು ನೋವು ನಿವಾರಕವಾಗಿ ಕಾರ್ಯನಿರ್ವಹಿಸುತ್ತದೆ. ಸ್ವಲ್ಪ ಓಮ ಸೇವಿಸಿದರೆ ತಲೆನೋವು ಕಡಿಮೆಯಾಗುತ್ತದೆ. ಓಮಾಗೆ ಜೀರ್ಣ ಶಕ್ತಿಯೂ ಇದೆ. ಅದಕ್ಕಾಗಿಯೇ ಇದು ಅತ್ಯುತ್ತಮ ಮನೆಮದ್ದು. ಇದು ಎಲ್ಲರ ಮನೆಗಳಲ್ಲೂ ಇರುತ್ತದೆ.

ಪುದೀನಾ ಚಹಾ ಕುಡಿಯುವಾಗ ತಲೆನೋವು ನಿವಾರಿಸಲು ಸಹಾಯ ಮಾಡುತ್ತದೆ. ಪುದೀನ ಅನೇಕ ಆರೋಗ್ಯಕರ ಲಕ್ಷಣವನ್ನು ಸಹ ಒಳಗೊಂಡಿದೆ. ಪುದೀನಾ ಎಲ್ಲಾ ಋತುವಿನಲ್ಲಿ ಲಭ್ಯವಿದೆ. ಇದರ ಬೆಲೆಯೂ ಕಡಿಮೆ.

ಶುಂಠಿಯಲ್ಲಿ ಉತ್ಕರ್ಷಣ ನಿರೋಧಕ ಅಂಶವಿದ್ದು ಅದು ನೋವನ್ನು ಕಡಿಮೆ ಮಾಡುತ್ತದೆ. ಒಂದು ಚಮಚ ಶುಂಠಿ ರಸದೊಂದಿಗೆ ಬಿಸಿನೀರನ್ನು ಸೇರಿಸಿ ಕುಡಿದರೆ ತಲೆನೋವಿನಿಂದ ತಕ್ಷಣ ಪರಿಹಾರ ದೊರೆಯುತ್ತದೆ.

ತಲೆನೋವು ಹೆಚ್ಚಾದಾಗ, ಹೆಚ್ಚು ನೀರು ಕುಡಿಯಲು ಸೂಚಿಸಲಾಗುತ್ತದೆ. ಸಾಕಷ್ಟು ನೀರು ಕುಡಿಯುವುದರಿಂದ ತಲೆನೋವು ನಿವಾರಣೆಯಾಗುತ್ತದೆ. ತಲೆನೋವು ಇದ್ದಾಗ ಸಾಕಷ್ಟು ನೀರು ಕುಡಿಯಲು ವೈದ್ಯರು ಶಿಫಾರಸು ಮಾಡುತ್ತಾರೆ. ಇದರಿಂದ ತಲೆನೋವಿನ ಸಮಸ್ಯೆ ಕಡಿಮೆಯಾಗುತ್ತದೆ.

ತಲೆನೋವು ನಿವಾರಿಸಲು ಶುಂಠಿ ಸಹಾಯ ಮಾಡುತ್ತದೆ. ಒಂದು ಸಣ್ಣ ತುಂಡು ಶುಂಠಿಯನ್ನು ಬಿಸಿ ನೀರಿಗೆ ಹಾಕಿದರೆ ತಲೆನೋವು ಗುಣವಾಗುತ್ತದೆ. ಶುಂಠಿಯು ವಾಂತಿಯನ್ನೂ ತಡೆಯುತ್ತದೆ. ತಲೆನೋವಿನಿಂದ ಬೇಗನೆ ಉಪಶಮನ ಪಡೆಯಬಹುದು.

ಲವಂಗವು ಯುಜೆನಾಲ್, ಗ್ಯಾಲಿಕ್ ಆಮ್ಲವನ್ನು ಹೊಂದಿರುತ್ತದೆ, ಇದು ಫೀನಾಲಿಕ್ ಅಂಶವಾಗಿದೆ. ಇದು ಉರಿಯೂತದ ವಿರುದ್ಧ ಹೋರಾಡುವುದರಿಂದ ತಲೆನೋವನ್ನು ಕಡಿಮೆ ಮಾಡುತ್ತದೆ. ಇದು ಎಲ್ಲಾ ಅಡುಗೆಮನೆಗಳಲ್ಲಿ ಕಂಡುಬರುವ ಉತ್ತಮ ಮಸಾಲೆಯಾಗಿದೆ.