Online Addiction: ಪೋಷಕರೇ, ನಿಮ್ಮ ಮಕ್ಕಳ ಕೈಗೆ ಮೊಬೈಲ್ ಕೊಟ್ಟಿದ್ದೀರಾ? ಈ ಲಕ್ಷಣಗಳು ಕಂಡು ಬಂದ್ರೆ ಕೂಡಲೇ ಎಚ್ಚೆತ್ತುಕೊಳ್ಳಿ!

ಇದು ಆನ್​ಲೈನ್ ಯುಗವಾಗಿದೆ. ಎಲ್ಲವೂ, ಎಲ್ಲರೂ ಆನ್​ಲೈನ್ ಮೇಲೆ ಅವಲಂಬಿತರಾಗಿದ್ದಾರೆ. ಪರಿಚಯ, ಸ್ನೇಹ, ಪ್ರೀತಿ ಏನೇ ಆಗಿರಲಿ ಎಲ್ಲವೂ ಆನ್​ಲೈನ್​ನಲ್ಲಿಯೇ ಶುರುವಾಗಿದೆ.

ಆನ್​ಲೈನ್ ಮೂಲಕ ಆರಂಭವಾಗುವ ರಿಲೇಶನ್ಶಿಪ್, ಫ್ರೆಂಡ್ಶಿಪ್ ನಲ್ಲಿ ಮೋಸ ಹೆಚ್ಚಾಗಿ ನಡೆಯುತ್ತಿದೆ. ಆದರೆ ನಾಣ್ಯಕ್ಕೆ ಎರಡು ಮುಖಗಳಿರುವಂತೆ ಆನ್ಲೈನ್ನಲ್ಲಿ ಗೆಳೆತನ ಮಾಡುವವರೆಲ್ಲರೂ ಕೆಟ್ಟವರು ಎಂದರ್ಥವಲ್ಲ. ಆದರೆ ತಮ್ಮ ಜೊತೆಗಿರುವ ಜೀವದ ಸ್ನೇಹಿತರನ್ನು ಮರೆತು ಜನ ಆನ್​ಲೈನ್​ನಲ್ಲಿ ಪರಿಚಯವಾಗುವ ಸ್ನೇಹಿತರ ಜೊತೆ ಮಾತನಾಡುವುದರಲ್ಲಿ ಬ್ಯುಸಿಯಾಗಿದ್ದಾರೆ.

ದಿನದಿಂದ ದಿನಕ್ಕೆ ಮೊಬೈಲ್ ಬಳಸುವವರ ಸಂಖ್ಯೆ ಮಿತಿ ಮೀರುತ್ತಿದೆ. ಅದರಲ್ಲಿಯೂ ಮೊಬೈಲ್ ಬಳಕೆ ಬಳಕೆ ಹಲವರಿಗೆ ಚಟವಾಗಿಬಿಟ್ಟಿದೆ. ಇದರಿಂದ ಭಯ, ಆತಂಕ, ಕೋಪ, ಬೇಸರ, ಖಿನ್ನತೆ, ನಿದ್ರಾಹೀನತೆ, ಹಸಿವಿನ ಕೊರತೆಯಂತಹ ಸಮಸ್ಯೆಗಳು ಬರುವ ಸಾಧ್ಯತೆ ಇದೆ. ಈ ಎಲ್ಲಾ ರೋಗಲಕ್ಷಣ ಎಲ್ಲರಲ್ಲೂ ಕಂಡುಬರುವುದಿಲ್ಲ. ಆದರೆ ಇದು ಕೆಲವು ವೈಶಿಷ್ಟ್ಯಗಳನ್ನು ಹೊಂದಿದೆ.

ನೀವು ಆನ್​ಲೈನ್ ವ್ಯಸನಿಯಾಗಿದ್ದೀರಿ ಎಂದು ನೀವು ಭಾವಿಸಿದರೆ, ತಕ್ಷಣ ಮನೋವೈದ್ಯರನ್ನು ಸಂಪರ್ಕಿಸಿ.

ಕೊರೊನಾ ಕಾಲದಿಂದಲೂ ಇಂತಹ ಪ್ರಕರಣಗಳು ಹೆಚ್ಚಾಗುತ್ತಿವೆ. ಅನೇಕ ಮಕ್ಕಳು ಮತ್ತು ಹದಿಹರೆಯದವರು ಆನ್​ಲೈನ್ ಜಗತ್ತಿನಲ್ಲಿ ಮುಳುಗಿದ್ದಾರೆ. ಹೊರ ಜಗತ್ತಿನೊಂದಿಗೆ ಸಂಪರ್ಕವನ್ನು ಕಳೆದುಕೊಂಡಿದ್ದಾರೆ ಎಂದು ಮನೋವೈದ್ಯೆ ಡಾ.ಪಲ್ಲವಿ ಸಕ್ಸೇನಾ ಹೇಳಿದ್ದಾರೆ.

ಮತ್ತು ಮಕ್ಕಳು ಆನ್​ಲೈನ್ ಗೇಮಿಂಗ್ಗೆ ಹೆಚ್ಚಿನ ಸಮಯವನ್ನು ನೀಡುತ್ತಿದ್ದಾರೆ. ಅದೊಂದು ಅಭ್ಯಾಸವಾಗಿ ಮಾರ್ಪಟ್ಟು ಪಟ್ಟಿದ್ದು, ಈಗಾಗಲೇ ಅನೇಕ ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ಆಟವಾಡಲು ಬಿಡಲಿಲ್ಲ ಎಂಬ ಕಾರಣಕ್ಕೆ ಪಾಲಕರನ್ನು ಕೊಂದ ಘಟನೆಗಳು ಕೂಡ ನಡೆದಿದೆ.

ಇಷ್ಟೇ ಅಲ್ಲದೇ ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಪೋಸ್ಟ್​​ಗಳಿಗೆ ಲೈಕ್ ಬರುತ್ತಿಲ್ಲ ಎಂಬ ಚಿಕ್ಕ ಕಾರಣಕ್ಕೆ ಅದೆಷ್ಟೋ ಮಕ್ಕಳು ತೀವ್ರ ಒತ್ತಡಕ್ಕೆ ಒಳಗಾಗಿದ್ದಾರೆ.

ಹಾಗಾಗಿ ಈ ಎಲ್ಲಾ ಕಾರಣಗಳಿಂದ ಪೋಷಕರು ತಮ್ಮ ಮಕ್ಕಳ ಮೇಲೆ ನಿಗಾ ಇಡಬೇಕು. ಅವರ ನಡವಳಿಕೆಯಲ್ಲಿ ಬದಲಾವಣೆ ಕಂಡುಬಂದಲ್ಲಿ ಅವರನ್ನು ಮನೋ ವೈದ್ಯರ ಬಳಿ ಕರೆದುಕೊಂಡು ಹೋಗಬೇಕು. ಇದೇ ವೇಳೆ ಚಿಕ್ಕ ಮಕ್ಕಳ ಮೊಬೈಲ್ ಬಳಕೆ ಸಮಯವನ್ನು ಕಡಿಮೆ ಮಾಡಬೇಕು. (Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)