Health Tips: ಖರ್ಜೂರ ನಾಲಿಗೆಗಷ್ಟೇ ರುಚಿಯಲ್ಲ, ದೇಹಕ್ಕೂ ಹಿತ; ಈ ರೀತಿ ತಿಂದ್ರೆ 9 ಕಾಯಿಲೆಗಳಿಂದ ಸಿಗುತ್ತೆ ಮುಕ್ತಿ!

ಖರ್ಜೂರದಲ್ಲಿ ಕಬ್ಬಿಣಾಂಶ ಹೇರಳವಾಗಿರುತ್ತದೆ. ಕರ್ಜೂರದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚಾಗಿರುತ್ತದೆ ಎಂಬುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಹಾಲಿನಲ್ಲಿ ಕರ್ಜೂರ ನೆನೆಸಿ ತಿನ್ನುವುದರಿಂದ ಹೆಚ್ಚು ಪ್ರಯೋಜನಕಾರಿಯಾಗಿದೆ ಎಂಬುವುದು ಯಾರಿಗೂ ಅಷ್ಟಾಗಿ ತಿಳಿದಿಲ್ಲ. ಹೌದು, ಕರ್ಜೂರ ನೆನೆಸಿದ ಹಾಲಿನಲ್ಲಿ ಲೆಕ್ಕವಿಲ್ಲದಷ್ಟು ಪ್ರಯೋಜನಗಳಿದೆ. ಸಕ್ಕರೆ ಇಷ್ಟವಿಲ್ಲದವರು ಖರ್ಜೂರದ ಜೊತೆಗೆ ಹಾಲು ಕುಡಿದರೆ ಅಧಿಕ ಲಾಭವಾಗುತ್ತದೆ. ಹಾಗಾದರೆ ನೆನೆಸಿದ ಹಾಲು ಮತ್ತು ಖರ್ಜೂರದಿಂದ ಆಗುವ ಪ್ರಯೋಜನಗಳನ್ನು ತಿಳಿಯೋಣ.

ಕೆಮ್ಮು: ಬಿಸಿ ಹಾಲಿನೊಂದಿಗೆ ಖರ್ಜೂರ ನೆನೆಸಿದ ಹಾಲನ್ನು ಕುಡಿಯುವುದರಿಂದ ನಿರಂತರ ಕೆಮ್ಮು ನಿವಾರಣೆಯಾಗುತ್ತದೆ. ಕೆಲವು ಖರ್ಜೂರವನ್ನು ಹಾಲಿನಲ್ಲಿ ಕುದಿಸಿ ಬಿಸಿ ಬಿಸಿಯಾಗಿ ಕುಡಿದರೆ ಗಂಟಲು ನೋವು ಹೋಗುತ್ತದೆ.

ರಕ್ತಹೀನತೆ, ನರರೋಗಗಳು, ದುರ್ಬಲತೆ: ಖರ್ಜೂರಕ್ಕೆ ಈ ಮೂರು ಸಮಸ್ಯೆಗಳನ್ನು ನಿವಾರಿಸುವ ಶಕ್ತಿ ಇದೆ. ಆದ್ದರಿಂದ ಖರ್ಜೂರವನ್ನು ಹಾಲಿನಲ್ಲಿ 24 ಗಂಟೆ ಅಥವಾ ರಾತ್ರಿ ನೆನೆಸಿ ಮರುದಿನ ಸ್ವಲ್ಪ ಕೇಸರಿ, ಏಲಕ್ಕಿ ಮತ್ತು ಶುಂಠಿಯೊಂದಿಗೆ ಕುಡಿಯುವುದು ಉತ್ತಮ ಫಲಿತಾಂಶವನ್ನು ನೀಡುತ್ತದೆ

ನಿದ್ರಾಹೀನತೆ: ನಿದ್ರಾಹೀನತೆಯಿಂದ ಬಳಲುತ್ತಿರುವವರು ಬೆಚ್ಚಗಿನ ನೀರಿನಲ್ಲಿ ಖರ್ಜೂರವನ್ನು ಬೆರೆಸಿ ಕುಡಿಯಬಹುದು.

ಎದೆನೋವು: ಹೃದಯದ ಬಡಿತ ಹೆಚ್ಚಾಗಿದ್ದರೆ ಅಥವಾ ಹೃದಯದ ತೊಂದರೆಗಳಿದ್ದರೆ, 2 ಖರ್ಜೂರವನ್ನು ಅರ್ಧ ಲೋಟ ಹಾಲಿನಲ್ಲಿ ನೆನೆಸಿ 2 ಚಮಚ ಜೇನುತುಪ್ಪವನ್ನು ಸೇವಿಸಿದರೆ ನೀವು ಅದನ್ನು ನಿಯಂತ್ರಿಸಬಹುದು.

ಮಲಬದ್ಧತೆ : 5-8 ಖರ್ಜೂರವನ್ನು ಅರ್ಧ ಲೀಟರ್ ಹಾಲಿನಲ್ಲಿ ಕುದಿಸಿ ಮತ್ತು ತಣ್ಣಗಾದ ನಂತರ ಕುಡಿಯಿರಿ. ಖಾಲಿ ಹೊಟ್ಟೆಯಲ್ಲಿ ಬೆಳಗ್ಗೆ ಅದನ್ನು ಕುಡಿಯಿರಿ ಅಥವಾ ಬೆಳಗಿನ ಉಪಾಹಾರದೊಂದಿಗೆ ಖರ್ಜೂರವನ್ನು ಸೇವಿಸಿ.

ಅಧಿಕ ರಕ್ತದೊತ್ತಡ : ಬೆಳಗಿನ ಉಪಾಹಾರ ಸೇವಿಸುವ 30 ನಿಮಿಷಗಳ ಮುನ್ನ ಹಾಲಿನಲ್ಲಿ ನೆನೆಸಿದ 50-70 ಗ್ರಾಂ ಖರ್ಜೂರವನ್ನು ಸೇವಿಸಿ. ಮೂರು ವಾರಗಳ ಕಾಲ ಬೆಳಗ್ಗೆ ಇದನ್ನು ಫಾಲೋವ್ ಮಾಡಿ.

ಗ್ಯಾಸ್ಟ್ರಿಕ್ಟ್: ಗ್ಯಾಸ್ ಇದ್ದರೆ ಜೀರಿಗೆಯನ್ನು ಖರ್ಜೂರದ ಹಣ್ಣಿನೊಂದಿಗೆ 2:1 ರ ಅನುಪಾತದಲ್ಲಿ ಹಾಲಿನೊಂದಿಗೆ ಬೆರೆಸಿ ಸೇವಿಸಿ ಗ್ಯಾಸ್ಟ್ರಿಕ್ಟ್ ಇದ್ದರೆ ನಿವಾರಣೆಯಾಗುತ್ತದೆ.

ಹ್ಯಾಂಗೊವರ್: ಹಾಲಿನಲ್ಲಿ ನೆನೆಸಿದ ಖರ್ಜೂರವನ್ನು ತಿನ್ನುವುದರಿಂದ ಹ್ಯಾಂಗೊವರ್ ಗುಣವಾಗುತ್ತದೆ.

ಹಾಲುಣಿಸುವ ತಾಯಂದಿರಿಗೆ ಒಳ್ಳೆಯದು: ಹಾಲಿನಲ್ಲಿ ನೆನೆಸಿದ ಖರ್ಜೂರವನ್ನು ನಿಯಮಿತವಾಗಿ ಸೇವಿಸುವುದು ಹಾಲುಣಿಸುವ ತಾಯಂದಿರಿಗೆ ಒಳ್ಳೆಯದು. ಹಾಲು ಕೂಡ ಚೆನ್ನಾಗಿ ಸ್ರವಿಸುತ್ತದೆ. ( ಹಕ್ಕು ನಿರಾಕರಣೆ : ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಪರಿಶೀಲಿಸಿಲ್ಲ ಮತ್ತು ಇದಕ್ಕೆ ಯಾವುದೇ ಪುರಾವೆಗಳಿಲ್ಲ.)