House Cleaning Tips: ನೆಲ ಫಳಫಳ ಹೊಳಿಬೇಕು ಅಂದ್ರೆ ನೀರಿಗೆ ಈ ವಸ್ತು ಮಿಕ್ಸ್ ಮಾಡಿ

ಯಾರೇ ಆಗಲಿ ಮನೆಯೆಂದಾಗ ಸ್ವಚ್ಛವಾಗಿಟ್ಟುಕೊಳ್ಳಬೇಕು ಅಂದುಕೊಂಡಿರುತ್ತಾರೆ. ಆದರೆ ಕೆಲವೊಂದು ಬಾರಿ ಎಷ್ಟೇ ಕ್ಲೀನ್​ ಮಾಡಿದ್ರೂ ನಮಗೆ ಗೊತ್ತಿಲ್ಲದ ಹಾಗೆಯೇ ಕಲೆಯಾಗಿಬಿಡುತ್ತೆ. ಇದನ್ನು ಕ್ಲೀನ್​ ಮಾಡಲೆಂದು ಎಷ್ಟೋ ಜನರು ಹರಸಾಹಸ ಪಡುತ್ತಾರೆ.

ಸಾಮಾನ್ಯವಾಗಿ ಜನರು ಮನೆಯ ನೆಲದಲ್ಲಾದ ಮಣ್ಣಿನ ಕಲೆಯಿಂದ, ಧೂಳಿನಿಂದ ತುಂಬಾ ಅಸಮಾಧಾನಗೊಳ್ಳುತ್ತಾರೆ. ಈ ಸಮಸ್ಯೆಯನ್ನು ಹೋಗಲಾಡಿಸಲು  ಬಹಳಷ್ಟು ವಿಧಾನಗಳನ್ನು ಅನುಸರಿಸುತ್ತಾರೆ. ಆದರೆ ಈ ಲೇಖನದಲ್ಲಿ ನೀಡಲಾದ ಕೆಲವು ಸಲಹೆಗಳು ನಿಮಗೆ ತುಂಬಾ ಉಪಯುಕ್ತವಾಗಬಹುದು. ಇದರ ಸಹಾಯದಿಂದ ನಿಮ್ಮ ಮನೆಯ ನೆಲವನ್ನು ಹೊಳೆಯುವಂತೆ ಮಾಡ್ಬಹುದು.

ನೀವು ಮನೆಯ ನೆಲವನ್ನು ಹೊಳೆಯುವಂತೆ ಮಾಡಲು ಬಯಸಿದರೆ, ಒಂದು ಬಕೆಟ್ ನೀರಿನಲ್ಲಿ ನಿಂಬೆ ರಸವನ್ನು ಮಿಶ್ರಣ ಮಾಡಿ. ಬಳಿಕ ನೆಲವನ್ನು ಸ್ವಚ್ಛಗೊಳಿಸಿದೆ. ಈ ರೀತಿ ಮಾಡುವುದರಿಂದ ನೆಲವನ್ನು ಹೊಳೆಯುವಂತೆ ಮಾಡುವುದಲ್ಲದೆ ನೆಲದಲ್ಲಿದ್ದ ಹಳದಿ ಬಣ್ಣವನ್ನು ಸಹ ಹೋಗಲಾಡಿಸಬಹುದು.

ನೆಲವನ್ನು ಹೊಳೆಯುವಂತೆ ಮಾಡಲು ನೀವು ಅಡುಗೆ ಸೋಡಾವನ್ನು ಸಹ ಬಳಸಬಹುದು. ಅಡುಗೆ ಸೋಡಾದ ಪುಡಿಯನ್ನು ಒಂದು ಮಗ್ ನೀರಿನಲ್ಲಿ ಬೆರೆಸಿ ಹತ್ತಿ ಬಟ್ಟೆಯನ್ನು ಅದ್ದಿ ನೆಲವನ್ನು ಅಥವಾ ಕಲೆ ಆದ ಜಾಗದಲ್ಲಿ ಸ್ವಚ್ಛಗೊಳಿಸಿ. ಈ ರೀತಿ ಮಾಡುವುದರಿಂದ ನೆಲವನ್ನು ಬೇಗನೆ ಸ್ವಚ್ಛಗೊಳಿಸಬಹುದು. ಅಲ್ಲದೆ ಕಲೆಗಳನ್ನು ಸಹ ತೆಗೆದುಹಾಕಬಹುದು.

ಒಂದು ಮಗ್ ನೀರಿನಲ್ಲಿ ಸೀಮೆಎಣ್ಣೆ ಮಿಕ್ಸ್​ ಮಾಡಿ. ನಂತರ ಆ ಬಕೆಟ್​ನಲ್ಲಿ ಹತ್ತಿ ಬಟ್ಟೆಯನ್ನು ನೆನೆಸಿಡಿ. ಬಳಿಕ ನೆಲದ ಮೇಲಿರುವ ಕಲೆಗಳನ್ನು ಆ ಬಟ್ಟೆಯಿಂದ ಸ್ವಚ್ಛಗೊಳಿಸಿ. ಸ್ವಚ್ಛಗೊಳಿಸಿದ ನಂತರ, ಉಗುರು ಬೆಚ್ಚಗಿನ ನೀರಿನಿಂದ ನೆಲವನ್ನು ತೊಳೆಯಿರಿ. ಹೀಗೆ ಮಾಡುವುದರಿಂದ ನೆಲವನ್ನು ಸ್ವಚ್ಚವಾಗಿಡಬಹುದು.

ಇನ್ನು ಈ ರೀತಿಯ ವಸ್ತುಗಳನ್ನೆಲ್ಲಾ ಬಳಸಿ ತೆಳುವಾದ ಬಟ್ಟೆಯಿಂದ ನೆಲವನ್ನು ಒರಸಬೇಡಿ. ಬದಲಿಗೆ ದಪ್ಪವಾದ ಬಟ್ಟೆಯಿಂದ ಒರೆಸಿ. ತೆಳುವಾದ ಬಟ್ಟೆಯಿಂದ ಒರೆಸಿದರೆ ಬಟ್ಟೆ ಹರಿದು ಹೋಗಬಹುದು.

ಇನ್ನು ನೆಲವನ್ನು ಒರೆಸುವಾಗ ಹೆಚ್ಚು ನೀರಿನ ಅಂಶವನ್ನು ಬಳಸಬೇಡಿ. ಇದರಿಂದ ಕೆಲವೊಂದು ಕಡೆಗಳಲ್ಲಿ ಕಲೆ ಹಾಗೆನೇ ಉಳಿದುಕೊಳ್ಳುತ್ತದೆ. ಹಾಗೆಯೇ ಈ ನೀರು ಬೇಗನೆ ಒಣಗುವುದಿಲ್ಲ ಇದರಿಂದ ಮಕ್ಕಳು ಓಡಾಡುವ ಸಂದರ್ಭದಲ್ಲಿ ಜಾಗರೂಕರಾಗಿರಬೇಕು.

(Disclaimer: ಮೇಲಿನ ಲೇಖನದ ವರದಿಯು ತಜ್ಞರು ಹೇಳಿರುವ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ