Hyderabad Foodies: ನಲ್ಲಿ ಬೊಕ್ಕ ಹಲೀಮ್ ಸವಿಯಲು ಮುಗಿಬೀಳ್ತಿದ್ದಾರೆ ಜನ; ಅಷ್ಟಕ್ಕೂ ಏನಿದು?

ರಂಜಾನ್ ಹಿನ್ನೆಲೆ ಈ ತಿಂಗಳು ತೆಲಂಗಾಣದಲ್ಲಿರುವ ಹೈದರಾಬಾದ್​ನಲ್ಲಿ ಹಲೀಮ್, ದಹಿ ವಡಾ ಸೇರಿದಂತೆ ಹಲವಾರು ರುಚಿಕರವಾದ ಭಕ್ಷ್ಯಗಳು ಜನರನ್ನು ಆಕರ್ಷಿಸುತ್ತಿದೆ. ಅದರಲ್ಲಿಯೂ ವಿಶೇಷವಾಗಿ ಚಿಕನ್ ಮತ್ತು ಮಟ ದ ತಯಾರಿಸಲಾದ ಹಲೀಮ್ ಎಲ್ಲರ ಬಾಯಲ್ಲಿ ನೀರೂರಿಸುವಂತಿದೆ.

ಹಲೀಮ್ ಅನ್ನು ವಿಶಿಷ್ಟವಾಗಿ ಚಿಕನ್ ಅಥವಾ ಕುರಿ ಮಾಂಸದೊಂದಿಗೆ ತಯಾರಿಸಲಾಗುತ್ತದೆ, ಆದರೆ ಮೂಳೆಯಿಂದ ಮಾಡಿದ ಈ ನಲ್ಲಿ ಬೊಕ್ಕ ಹಲೀಮ್ ಎಂದು ಕರೆಯಲ್ಪಡುವ ವಿಶಿಷ್ಟವಾದ ಭಕ್ಷ್ಯ ಎಲ್ಲರ ಗಮನ ಸೆಳೆಯುತ್ತಿದೆ. (ಸಾಂದರ್ಭಿಕ ಚಿತ್ರ)

ನಲ್ಲಿ ಬೊಕ್ಕ ಹಲೀಮ್ ತಯಾರಿಸಲು ಮಾಮೂಲಿ ಹಲೀಮ್​ಗಿಂತ ಹೆಚ್ಚು ಸಮಯ ಬೇಕಾಗುತ್ತದೆ. ಸದ್ಯ ಈ ಖಾದ್ಯ ಸವಿಯಲು ಆಹಾರಪ್ರೇಮಿಗಳು ಕ್ಯೂನಲ್ಲಿ ಕಾಯುತ್ತಿದ್ದಾರೆ. ಹಲೀಮ್ ಉತ್ಸಾಹಿಗಳು ಮತ್ತು ತಯಾರಕರ ಪ್ರಕಾರ, ರಂಜಾನ್ ಸಮಯದಲ್ಲಿ ನಗರದಾದ್ಯಂತ ಹಲವಾರು ರೀತಿಯ ಹಲೀಮ್ ಲಭ್ಯವಿದೆ. ಆದರೆ ನಲ್ಲಿ ಬೊಕ್ಕ ಹಲೀಮ್ ಮಾತ್ರ ಎಲ್ಲ ಬಗೆಯ ಚಾರ್ಟ್ಗಳ ಸಾಲಿನಲ್ಲಿ ಅಗ್ರಸ್ಥಾನದಲ್ಲಿದೆ. (ಸಾಂದರ್ಭಿಕ ಚಿತ್ರ)

ರಂಜಾನ್ ತಿಂಗಳಿನಲ್ಲಿ ಹಲೀಮ್ ಅನ್ನು ನಗರದ ಪ್ರತಿಯೊಂದು ಮೂಲೆ, ಮೂಲೆಗಳಲ್ಲಿಯೂ ತಯಾರಿಸಲಾಗುತ್ತದೆ. ಆದರೆ ಬೆರಳೆಣಿಕೆಯಷ್ಟು ರೆಸ್ಟೋರೆಂಟ್ಗಳಲ್ಲಿ ನಲ್ಲಿ ಬೊಕ್ಕ ಹಲೀಮ್ ಕಾಣಬಹುದಾಗಿದೆ.

ಅದರಲ್ಲಿಯೂ ಹೈದರಾಬಾದ್​ನ ಮಸಾಬ್ ಟ್ಯಾಂಕ್​ನಲ್ಲಿರುವ ಕೆಫೆ 55ರಲ್ಲಿ ನಲ್ಲಿ ಬೊಕ್ಕ ಹಲೀಮ್ ಸಿಕ್ಕಾಪಟ್ಟೆ ಫೇಮಸ್ ಆಗಿದೆ. ಇನ್ನೂ ಈ ಫೇಮಸ್ ಖಾದ್ಯ ತಿನ್ನಲು ಕೆಫೆ 55 ಬಾಗಿಲಿನಲ್ಲಿ ಜನ ಮುಗಿ ಬೀಳುತ್ತಿದ್ದಾರೆ. ಅದರಲ್ಲಿಯೂ ಈ ಸುವಾಸನೆ ಭರಿತ ಹಲೀಮ್ ಸವಿಯಲು ಫ್ಯಾಮಿಸಿ ಸಮೇತ ಜನ ಆಗಮಿಸುತ್ತಿದ್ದಾರೆ.

ಇನ್ನೂ ಈ ರೆಸ್ಟೋರೆಂಟ್​ನಲ್ಲಿ ಸಾಮಾನ್ಯ ಮಟನ್ ಹಲೀಮ್ಗೆ 250 ರೂ. ಆಗಿದ್ದರೆ, ನಲ್ಲಿ ಬೊಕ್ಕ ಹಲೀಮ್ಗೆ 650 ರೂ. ಆಗಿದೆ. (ಸಾಂದರ್ಭಿಕ ಚಿತ್ರ)

ಇದೇ ವೇಳೆ ಈ ಬಗ್ಗೆ ಮಾತನಾಡಿದ ಕೆಫೆ 55 ಮಾಲೀಕರು, ಮೂಳೆ ಮಜ್ಜೆ ಮತ್ತು ಉತ್ತಮ ಗುಣಮಟ್ಟದ ತುಪ್ಪದ ಬಳಕೆ ಮಾಡುವುದರಿಂದ ಇದರ ಬೆಲೆ ಹೆಚ್ಚು. ಅಲ್ಲದೇ ಈ ಭಕ್ಷ್ಯ ಆರೋಗ್ಯಕ್ಕೆ ಪ್ರಯೋಜನಕಾರಿ ಆಗಿದ್ದು, ಸ್ನಾಯುಗಳು ಮತ್ತು ಮೂಳೆಗಳಿಗೆ ಹೆಚ್ಚು ಬಲ ನೀಡುತ್ತದೆ.