Pickle: ಸಖತ್​ ಖಾರವಾಗಿ ಮನೆಯಲ್ಲೇ ಮಾಡ್ಬೋದು ತರಕಾರಿಯ ಉಪ್ಪಿನಕಾಯಿ!

ಉಪ್ಪಿನಕಾಯಿ ಅಂದ್ರೆ ಯಾರಿಗೆ ತಾನೆ ಇಷ್ಟ ಇಲ್ಲ ಹೇಳಿ? ಎಲ್ಲೋ ಶೇಕಡ 10ರಷ್ಟು ಜನರಿಗೆ ಬೇಡ ಅಂತ ಅನಿಸ್ಬೋದು. ಆದ್ರೆ ಊಟಕ್ಕಿಲ್ಲದ ಉಪ್ಪಿನ ಕಾಯಿ ಅಂತ ಮಾತೇ ಇದೆ.

ಆದ್ರೆ ಇಂದು ನಿಮಗೆ ಸ್ಪೆಷಲ್​ ಆಗಿ ಮಾಡೋ ತರಕಾರಿ ಉಪ್ಪಿನಕಾಯಿಯ ಬಗ್ಗೆ ನಿಮಗೆ ತಿಳಿಸಿಕೊಡ್ತೀವಿ. ಸಖತ್​ ಈಸಿ, ಖಾರ ಖಾರ ಕೂಡ.

ಬೇಕಾಗುವ ಸಾಮಾಗ್ರಿಗಳು: ಮೆಂತ್ಯೆ, ಜೀರಿಗೆ, ಕೊತ್ತಂಬರಿ ಕಾಳು, ಸಾಸಿವೆ, ಎಣ್ಣೆ, ಸೋಂಪು, ಇಂಗು, ಕ್ಯಾರೇಟ್​, ಶುಂಠಿ, ಬೆಳ್ಳುಳ್ಳಿ, ಮೆಣಸಿನಕಾಯಿ, ಅರಿಶಿಣ.

ಒಂದು ಬಾಣಲೆಗೆ ಸಾಸಿವೆ, ಜೀರಿಗೆ, ಸೋಂಪು, ಕೊತ್ತಂಬರಿ ಕಾಳು, ಮೆಂತ್ಯೆ ಹಾಕಿ ಪರಿಮಳ ಬರುವವರೆಗೆ ಚೆನ್ನಾಗಿ ಹುರಿಯಿರಿ.

ಇಷ್ಟು ಚೆನ್ನಾಗಿ ಹುರಿದ ನಂತರ ಎಲ್ಲವೂ ಮಿಶ್ರಣ ಮಾಡಿ ಈಗ ರುಬ್ಬಿಕೊಳ್ಳಿ. ಮಿಕ್ಸಿಗೆ ಹಾಕಿದ್ರೂ ಆಗುತ್ತೆ ಅಥವಾ ಕಲ್ಲಿಗೆ ಹಾಕಿ ರುಬ್ಬಿದ್ರೂ ಆಗುತ್ತೆ.

ಇನ್ನೊಂದು ಬಾಣಲೆಗೆ ಸ್ವಲ್ಪ ಎಣ್ಣೆಯನ್ನು ಹಾಕಿ ಅದಕ್ಕೆ ಸಾಸಿವೆಯನ್ನು ಹಾಕಿ ಚೆನ್ನಾಗಿ ಬಿಸಿ ಮಾಡಬೇಕು. ನಂತರ ತಣ್ಣಗಾಗುವ ತನಕ ಬಿಡಬೇಕು.

ಅದೇ ಬಾಣಲೆಗೆ ಸಾಸಿವೆ, ಸೋಂಪು, ಮೆಂತ್ಯೆ ಕಾಳು, ಇಂಗು ಹಾಕಿ ಪರಿಮಳ ಬರುವ ಹಾಗೆ ಚೆನ್ನಾಗಿ ಹುರಿಬೇಕು. ಇದರ ಹಸಿ ಹೋಗಬೇಕು, ಅಲ್ಲಿಯ ತನಕ ಹುರಿಬೇಕು. ನಂತರ ಅದೇ ಬಾಣಲೆಗೆ ಕ್ಯಾರೇಟ್​, ಮೆಣಸಿನ ಕಾಯಿ, ಅರಿಶಿಣ ಮತ್ತು ಉಪ್ಪನ್ನು ಹಾಕಬೇಕು.

ತರಕಾರಿಗಳನ್ನೆಲ್ಲಾ ಪರಿಮಳ ಬರುವ ತನಕ ಚೆನ್ನಾಗಿ ಹುರಿಯಿರಿ. ನಂತರ ಅದೇ ಬಾಣಲೆಗೆ ವಿಬೆಗರ್​ ಹಾಕಿ ಎಲ್ಲವನ್ನೂ ಚೆನ್ನಾಗಿ ಮಿಕ್ಸ್​ ಮಾಡಬೇಕು. ಉಪ್ಪಿನಕಾಯಿ ಇದೀಗ ರೆಡಿ.