Weight Loss: ಸಿರಿಧಾನ್ಯಗಳನ್ನು ತಿಂದು ತೂಕ ಇಳಿಸಿ; ಹೊಟ್ಟೆ ಬೊಜ್ಜು ಕರಗಿಸಲು ಸಿಂಪಲ್ ಮನೆಮದ್ದು

ಫೈಬರ್ ಸಮೃದ್ಧವಾದ ಆಹಾರ ಪದಾರ್ಥಗಳಲ್ಲಿ ರಾಗಿ ಕೂಡ ಒಂದು, ಇದು ತೂಕವನ್ನು ಹೆಚ್ಚಾಗಲು ಬಿಡುವುದಿಲ್ಲ. ರಾಗಿಯನ್ನು ತಿನ್ನುವುದರಿಂದ ಕೊಲೆಸ್ಟ್ರಾಲ್ ಮತ್ತು ಸಕ್ಕರೆಯ ಮಟ್ಟವೂ ನಿಯಂತ್ರಣದಲ್ಲಿರುತ್ತದೆ. ದೇಹದಲ್ಲಿನ ರಕ್ತದ ಕೊರತೆಯನ್ನು ಇದು ನೀಗಿಸುತ್ತೆ. ಇದಲ್ಲದೆ, ರಾಗಿಯ ಸೇವನೆಯು ತೂಕ ಇಳಿಕೆಗೆ ಕಾರಣವಾಗುತ್ತದೆ.

ನೀವೂ ಕೂಡ ತೂಕ ಇಳಿಸಿಕೊಳ್ಳಲು ಬಯಸುತ್ತಿದ್ದರೆ ರಾಗಿಯಿಂದ ತಯಾರಿಸಲಾದ ದೋಸೆ ಅಥವಾ ರೊಟ್ಟಿಯನ್ನು ಸೇವಿಸಬಹುದು. ರಾಗಿಯಲ್ಲಿ ನಾರಿನಾಂಶ ಸಮೃದ್ಧವಾಗಿದೆ.

ಬೆಳಗಿನ ಆಹಾರವಾಗಿ ರಾಗಿಯಲ್ಲಿ ಮಾಡಿದ ಫುಡ್ ತೆಗೆದುಕೊಳ್ಳಿ. ನಾರಿನ ಸೇವನೆಯಿಂದ ಹೊಟ್ಟೆ ತುಂಬಿದ ಭಾವನೆಯು ದೀರ್ಘಕಾಲದವರೆಗೆ ಇರುತ್ತದೆ. ಈ ಕಾರಣದಿಂದಾಗಿ, ನಿಮಗೆ ಬೇಗನೆ ಹಸಿವಾಗುವುದಿಲ್ಲ ಮತ್ತು ಹೆಚ್ಚಾಗಿ ತಿನ್ನುವುದನ್ನು ತಪ್ಪಿಸಬಹುದು.

ರಾಗಿಯಲ್ಲಿ ಪ್ರೋಟೀನ್ ನಿಂದ ಸಮೃದ್ಧವಾಗಿದೆ. ಪ್ರೋಟೀನ್ ಸ್ನಾಯುಗಳ ಆರೋಗ್ಯಕ್ಕೆ ಉತ್ತಮ ನಿತ್ಯ ರಾಗಿಯನ್ನು ಸೇವಿಸಿದರೆ ದೇಹದಲ್ಲಿ ಕೊಬ್ಬು ಹೆಚ್ಚಾಗುವ ಸಮಸ್ಯೆ ಇರುವುದಿಲ್ಲ. ಆದರೂ ಕೂಡ ತೂಕ ಇಳಿಸಿಕೊಳ್ಳಲು ಬಯಸುವವರು ರಾಗಿಯನ್ನು ಎಷ್ಟು ಸೇವಿಸಬೇಕು ಎಂಬುದನ್ನು ಆಹಾರ ತಜ್ಞರನ್ನು ಸಂಪರ್ಕಿಸಿ ತಿಳಿದುಕೊಳ್ಳಬಹುದು.

ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವುದರ ಜೊತೆಗೆ ತೂಕ ಕಳೆದುಕೊಳ್ಳುವ ಚಿಂತೆಯಲ್ಲಿ ಇದ್ದರೆ ನೀವು ಪ್ರತಿನಿತ್ಯ ರಾಗಿ ಬಳಕೆಯನ್ನು ಮಾಡಲೇಬೇಕು.. ಬಾಳೆಹಣ್ಣಿನೊಂದಿಗೆ ರಾಗಿ ಗಂಜಿ ಸೇವನೆ ಮಾಡುವುದು ತೂಕ ಇಳಿಸಿಕೊಳ್ಳಲು ಸಹಕಾರಿಯಾಗಿದೆ..

ಸಿರಿಧಾನ್ಯಗಳಲ್ಲಿ ನಾರಿನಾಂಶ ಅಧಿಕವಾಗಿರುವುದರಿಂದ, ಸಕ್ಕರೆ ಕಾಯಿಲೆ ನಿಯಂತ್ರಣ ಹಾಗೂ ಸ್ಥೂಲಕಾಯ ನಿಯಂತ್ರಣಕ್ಕೆ, ಸಿರಿಧಾನ್ಯಗಳಿಂದ ಮಾಡಿದ ಕಿಚಡಿ ಸಹಕಾರಿಯಾಗಿದೆ..ಸಾಮೆ ಅಕ್ಕಿ ಜೊತೆಗೆ ಕರಿಬೇವು,ಈರುಳ್ಳಿ,ಮೆಣಸಿನಕಾಯಿ, ಸಾಸಿವೆ, ಶುಂಠಿ, ಜೀರಿಗೆ, ಹಾಗೂ ತರಕಾರಿಗಳ ಜೊತೆಗೆ ಸಿರಿಧಾನ್ಯಗಳ ಕಿಚಡಿಯನ್ನು ಮನೆಯಲ್ಲಿಯೇ ಮಾಡಬಹುದಾಗಿದೆ.

ತೂಕ ಇಳಿಕೆ ಮಾಡಿಕೊಳ್ಳಲು ಚಿಂತಿಸುವವರಿಗೆ, ಜೋಳದಿಂದ ಮಾಡಿದ ಆಹಾರ ಪದಾರ್ಥಗಳು ಸಹಕಾರಿಯಾಗಿವೆ. ಹೀಗಾಗಿಯೇ ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುತ್ತಿರುವವರು ತಮ್ಮ ಪ್ರತಿನಿತ್ಯದ ಡಯಟ್ ಪ್ಲಾನ್ ನಲ್ಲಿ ಜೋಳದಿಂದ ಮಾಡಿದ ಚಪಾತಿಯನ್ನು ಇಟ್ಕೊಂಡೆ ಇರ್ತಾರೆ..

ಸಿರಿಧಾನ್ಯದಿಂದ ಮಾಡಿರುವ ಕೆಲವು ರುಚಿಕರವಾದ ಆಹಾರ ಪದಾರ್ಥಗಳು ನಮ್ಮ ತೂಕ ಇಳಿಕೆಗೆ ಸಹಕಾರಿಯಾಗುತ್ತದೆ