Hair Fall Remedy: ಕೂದಲ ಸಮಸ್ಯೆಗೆ ಹಣ ಖರ್ಚು ಮಾಡ್ಬೇಡಿ, ಅಂಗೈನಲ್ಲಿದೆ ಪರಿಹಾರ

ಲ್ಯಾವೆಂಡರ್ ಎಣ್ಣೆ: ಈ ಲ್ಯಾವೆಂಡರ್ ಎಣ್ಣೆಯಲ್ಲಿ ಕೂದಲ ಬೆಳವಣಿಗೆಗೆ ಬೇಕಾಗುವ ಅಂಶಗಳಿದೆ. ಇದನ್ನು ನೀವು ಕೂದಲಿಗೆ ಹಚ್ಚುವುದು ಬುಡದಿಂದ ಕೂದಲನ್ನು ಗಟ್ಟಿಗೊಳಿಸಲು ಸಹಾಯ ಮಾಡುತ್ತದೆ. 2 ದಿನಕ್ಕೆ ಒಮ್ಮೆ ಇದನ್ನು ಹಚ್ಚಿ ಕೂದಲಿಗೆ ಸ್ಟೀಮ್ ತೆಗೆದುಕೊಳ್ಳುವುದು ಉತ್ತಮ

ಪುದೀನಾ ಎಣ್ಣೆ: ಪುದೀನಾ ಎಣ್ಣೆ ಸಹ ಕೂದಲ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತದೆ. ನಿಮಗೆ ಒತ್ತಡ ಹೆಚ್ಚಾದಾಗ ಸಹ ಕೂದಲು ಉದುರುತ್ತದೆ. ಹಾಗಾಗಿ ಮೊದಲು ಒತ್ತಡ ಕಡಿಮೆ ಮಾಡಿಕೊಳ್ಳಬೇಕು. ಅದಕ್ಕೆ ನಿಮಗೆ ಈ ಪುದೀನಾ ಎಣ್ಣೆ ಸಹಾಯ ಮಾಡುತ್ತದೆ. ಅಲ್ಲದೇ ಇದು ಕೂದಲನ್ನು ಸಹ ಗಟ್ಟಿ ಮಾಡುತ್ತದೆ.

ರೋಸ್​ಮೆರಿ ಎಣ್ಣೆ: ಈ ರೋಸ್​ಮೆರಿ ಎಣ್ಣೆಯನ್ನು ಸಹ ನೀವು ಕೂದಲಿಗೆ ಹಚ್ಚುವುದು ಕೂದಲ ಬೆಳವಣಿಗೆಗೆ ಹಾಗೂ ಕೂದಲು ಉದುರುವುದನ್ನ ತಡೆಯಲು ಸಹಾಯ ಮಾಡುತ್ತದೆ. ತಲೆಸ್ನಾನ ಮಾಡುವ 1 ಗಂಟೆ ಮೊದಲು ಇದನ್ನು ಹಚ್ಚಿದರೆ ಒಳ್ಳೆಯದು.

ಮೊಟ್ಟೆಯ ಮಾಸ್ಕ್: ಮೊಟ್ಟೆಯ ಹಳದಿ ಭಾಗವನ್ನು ಒಂದು ಬೌಲ್​ನಲ್ಲಿ ಹಾಕಿ, ಅದಕ್ಕೆ ಸ್ವಲ್ಪ ಆಲಿವ್ ಎಣ್ಣೆಯನ್ನು ಸೇರಿಸಿ ಮಿಶ್ರಣ ಮಾಡಿ. ಈ ಮಿಶ್ರಣಕ್ಕೆ ಜೇನುತುಪ್ಪ ಹಾಕಿ ಕಲಸಿ ತಲೆಗೆ ಹಚ್ಚಿ. ಸುಮಾರು 1 ಗಂಟೆಯ ನಂತರ ತಲೆಸ್ನಾನ ಮಾಡಿ.

ತೆಂಗಿನ ಹಾಲು: ತೆಂಗಿನ ಹಾಲು ಕೂದಲಿಗೆ ಬೇಕಾದ ಅಗತ್ಯ ಕೊಬ್ಬು ಹಾಗೂ ಪ್ರೋಟೀನ್​ ಅನ್ನು ಕೂಡ ಹೊಂದಿದೆ. ಈ ತೆಂಗಿನ ಹಾಲಿಗೆ ಪುಡಿ ಮಾಡಿದ ಮೆಂತ್ಯೆ ಬೀಜ ಸೇರಿಸಿ ತಲೆಗೆ ಹಚ್ಚಿದರೆ ಕೂದಲು ಉದುರುವುದು ನಿಲ್ಲುತ್ತದೆ.

ಗ್ರೀನ್​ ಟೀ: ಗ್ರೀನ್​ ಟೀ ತೂಕ ಇಳಿಸುವುದಕ್ಕೆ ಮಾತ್ರವಲ್ಲದೇ ಕೂದಲಿನ ಸಮಸ್ಯೆಗೆ ಸಹ ಪರಿಹಾರ ನೀಡುತ್ತದೆ. ನಿಮ್ಮ ಕೂದಲಿನ ಉದ್ದಕ್ಕೆ ಅನುಸಾರ ಗ್ರೀನ್​ ಟೀ ಬ್ಯಾಗ್​ಗಳನ್ನು ಬಿಸಿ ನೀರಿನಲ್ಲಿ ನೆನೆಸಿಡಿ. ಅದನ್ನು ನಿಮ್ಮ ಕೂದಲಿಗೆ ಹಚ್ಚಿ ತೊಳೆಯಿರಿ. ನಂತರ ತಣ್ಣಗಿನ ನೀರಿನಲ್ಲಿ ಮತ್ತೆ ತಲೆಸ್ನಾನ ಮಾಡಿ.

ಬೀಟ್​ರೂಟ್​ ರಸ: ಬೀಟ್​ರೂಟ್​ ನಿಮ್ಮ ಕೂದಲಿಗೆ ಸುಂದರವಾದ ಬಣ್ಣ ನೀಡುತ್ತದೆ ಮತ್ತು ನೆತ್ತಿಯನ್ನು ಸ್ವಚ್ಛವಾಗಿಡಲು ಸಹಾಯ ಮಾಡುತ್ತದೆ. ಬೀಟ್​ರೂಟ್​ ತುರಿ ಮಾಡಿಕೊಂಡು, ಅದನ್ನು ಮಿಕ್ಸ್ ಮಾಡಿ. ಆ ಪೇಸ್ಟ್​ ಅನ್ನು ಸೋಸಿಕೊಂಡು ಕೇವಲ ರಸ ತೆಗೆದುಕೊಳ್ಳಿ. ಅದನ್ನು ಕೂದಲಿಗೆ ಹಚ್ಚಿ ಸಾಕು.

ಅಲೋವೆರಾ: ಅಲೋವೆರಾ ಕೂದಲ ಸಮಸ್ಯೆಗಳಿಗೆ ರಾಮಬಾಣ ಎಂದು ಎಲ್ಲರಿಗೂ ಗೊತ್ತಿದೆ. ತಾಜಾ ಅಲೋವೆರಾ ತೆಗೆದುಕೊಂಡು ಅದನ್ನು ಕೂದಲಿಗೆ ವಾರಕ್ಕೆ 3 ಬಾರಿ ಹಚ್ಚುವುದು ಕೂದಲು ಉದುರುವ ಸಮಸ್ಯೆಗೆ ಪರಿಹಾರ ನೀಡುತ್ತದೆ.