Belly Fat: ಡೊಳ್ಳು ಹೊಟ್ಟೆಯಿಂದ ಮುಜುಗರ ಪಡ್ತಿದ್ದೀರಾ? ಹಾಗಾದ್ರೆ ಕೊಬ್ಬು ಕರಗಿಸೋಕೆ ಇಲ್ಲಿವೆ ಉಪಾಯ

ಹೊಟ್ಟೆಯ ಕೊಬ್ಬು ಕರಗಿಸುವುದು ತುಂಬಾ ಕಷ್ಟ. ಹೊಟ್ಟೆಯ ಕೊಬ್ಬನ್ನು ಅತ್ಯಂತ ಕೆಟ್ಟ ಮತ್ತು ಹಠಮಾರಿ ಕೊಬ್ಬು ಎಂದು ಕರೆಯಲಾಗುತ್ತದೆ. ಇದರಿಂದಾಗಿ ಹೊಟ್ಟೆ ಭಾರ ಹೆಚ್ಚುತ್ತದೆ. ಹೊಟ್ಟೆ ಮುಂದೆ ನೇತಾಡುತ್ತದೆ. ಇದು ಕ್ರಮೇಣ ಹೆಚ್ಚುತ್ತಾ ಹೋಗುತ್ತದೆ. ಸೊಂಟದ ಸುತ್ತ ಟೈರ್ ರೂಪದಲ್ಲಿ ಬೊಜ್ಜು ಗಟ್ಟಿಯಾಗಿ ಕೂತು ಬಿಡುತ್ತದೆ.

ಹೀಗೆ ಕರಗಿಸಲು ಸಾಧ್ಯವಾಗದೇ ಗಟ್ಟಿಯಾಗಿ ಕೂರುವ ಹಠಮಾರಿ ಹೊಟ್ಟೆಯ ಕೊಬ್ಬು ಅನೇಕ ರೋಗಗಳಿಗೆ ಕಾರಣವಾಗುತ್ತದೆ. ಚಯಾಪಚಯ ಮತ್ತು ಡೈಜೆಷನ್ ಸಿಸ್ಟಮ್ ಹಾಳಾಗುತ್ತದೆ. ಹೊಟ್ಟೆಯ ಕೊಬ್ಬು ಜೀರ್ಣಕ್ರಿಯೆ ಹದಗೆಡಲು ಕಾರಣವಾಗುತ್ತದೆ. ಇದು ಮುಂದೆ ರೋಗಗಳ ಭಯ ಹೆಚ್ಚಿಸುತ್ತದೆ. ಅನಾರೋಗ್ಯ ಉಂಟು ಮಾಡುತ್ತದೆ.

ಹೊಟ್ಟೆಯ ಕೊಬ್ಬು ಕೆಲವೊಮ್ಮೆ ನಿಮಗೆ ಸಾಕಷ್ಟು ಅನಾರೋಗ್ಯ ಮತ್ತು ಅನಾನುಕೂಲತೆ ಉಂಟು ಮಾಡುತ್ತದೆ. ಹೊಟ್ಟೆಯ ಕೊಬ್ಬು ಕಾಣಿಸಿಕೊಳ್ಳಲು ಹಲವು ಕಾರಣಗಳಿವೆ. ಕೆಲವೊಮ್ಮೆ ಈ ಮೊಂಡುತನದ ಕೊಬ್ಬು ನಿಮ್ಮ ದೇಹದ ವಿನ್ಯಾಸ ಸಹ ಹಾಳು ಮಾಡುತ್ತದೆ. ಹೊಟ್ಟೆಯ ಕೊಬ್ಬು ಹೆಚ್ಚಾಗಲು ನಿಮ್ಮ ಕೆಟ್ಟ ಅಭ್ಯಾಸಗಳು ಕಾರಣವಾಗುತ್ತದೆ.

ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಸಾಕಷ್ಟು ಶ್ರಮ ಪಡಬೇಕಾಗುತ್ತದೆ. ಆದರೆ ಅದನ್ನು ಕಡಿಮೆ ಮಾಡಲು ನೀವು ಆಹಾರ ತ್ಯಜಿಸುವ ತಪ್ಪು ಮಾಡಬೇಡಿ. ಯಾಕಂದ್ರೆ ತೂಕ ನಷ್ಟದ ವೇಳೆ ದೇಹಕ್ಕೆ ಎಲ್ಲಾ ರೀತಿಯ ಪೋಷಕಾಂಶಗಳು ಬೇಕು. ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸಲು ಹಲವು ಅಂಶಗಳು ಕಾರಣವಾಗಿವೆ. ಹೊಟ್ಟೆಯ ಕೊಬ್ಬಿಗೆ ಕಾರಣವಾಗುವ ಅಂಶಗಳು ಹೀಗಿವೆ.

ಕುಳಿತುಕೊಳ್ಳುವ ಜೀವನಶೈಲಿ. ದೇಹದ ಚಟುವಟಿಕೆ ಕಡಿಮೆ ಇರುವುದು, ಕೆಲಸ ಮಾಡದೆ ಇರುವುದು, ಹೆಚ್ಚು ಹೊತ್ತು ಕುಳಿತೇ ಇರುವುದು ಹೊಟ್ಟೆಯ ಕೊಬ್ಬು ಹೆಚ್ಚಿಸುತ್ತದೆ. ಕಡಿಮೆ ದೈಹಿಕ ಚಟುವಟಿಕೆ, ಜಡ ಜೀವನಶೈಲಿಯು ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುತ್ತದೆ. ದೀರ್ಘಕಾಲ ಒಂದೇ ಸ್ಥಳದಲ್ಲಿ ಕುಳಿತು ಗಂಟೆಗಳ ಕಾಲ ಕೆಲಸ ಮಾಡುವುದು, ಜಡ ಜೀವನಶೈಲಿಯು ಹೊಟ್ಟೆಯ ಕೊಬ್ಬು ಉಂಟು ಮಾಡುತ್ತದೆ.

ಕಳಪೆ ಆಹಾರ ಸೇವನೆ. ಅಧಿಕ ಸಕ್ಕರೆ, ಸಂಸ್ಕರಿಸಿದ ಆಹಾರ ಮತ್ತು ಸ್ಯಾಚುರೇಟೆಡ್ ಕೊಬ್ಬು ಹೊಂದಿರುವ ಆಹಾರ ಸೇವನೆ ಹೊಟ್ಟೆಯ ಕೊಬ್ಬು ಹೆಚ್ಚಿಸುತ್ತದೆ. ನೀವು ಜಂಕ್ ಫುಡ್‌ ದಾಸರಾಗಿದ್ದರೆ ಇದು ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುತ್ತದೆ. ಹೆಚ್ಚು ಕರಿದ ಅಥವಾ ಹೆಚ್ಚು ಸಂಸ್ಕರಿಸಿದ ಆಹಾರ ಸೇವನೆ ತಪ್ಪಿಸಿ. ಜಂಕ್ ಫುಡ್‌ ಹೆಚ್ಚಿನ ಕ್ಯಾಲೋರಿ ಹೊಂದಿರುತ್ತದೆ. ಸ್ವಲ್ಪ ಪ್ರಮಾಣದ ಜಂಕ್ ಫುಡ್ ಸೇವನೆಯು ಸಹ ಕ್ಯಾಲೊರಿ ಹೆಚ್ಚಿಸುತ್ತದೆ.

ಹೆಚ್ಚು ಆಲ್ಕೊಹಾಲ್ ಸೇವನೆಯು ಕೆಟ್ಟ ಅಭ್ಯಾಸ. ಇದು ಸಹ ಮೂತ್ರಪಿಂಡದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಇದು ಮೂತ್ರಪಿಂಡ ವೈಫಲ್ಯಕ್ಕೆ ಕಾರಣವಾಗುತ್ತದೆ. ಆಲ್ಕೋಹಾಲ್ ಬಹಳಷ್ಟು ಕ್ಯಾಲೊರಿ ಹೊಂದಿರುತ್ತದೆ. ನೀವು ಹೆಚ್ಚು ಕುಡಿದರೆ ತೂಕ ಹೆಚ್ಚಿಸುವ ಅಪಾಯ ಹೆಚ್ಚುತ್ತದೆ. ನಿದ್ರೆಯ ಕೊರತೆಯು ಸಹ ಹೊಟ್ಟೆಯ ಕೊಬ್ಬು ಹೆಚ್ಚುತ್ತದೆ. ಕಳಪೆ ನಿದ್ರೆ ಹಸಿವು ಮತ್ತು ಚಯಾಪಚಯ ನಿಯಂತ್ರಿಸುವ ಹಾರ್ಮೋನುಗಳ ಮೇಲೆ ಪರಿಣಾಮ ಬೀರುತ್ತದೆ.

ಹೊಟ್ಟೆಯ ಕೊಬ್ಬು ಕಡಿಮೆ ಮಾಡಲು ದಿನವೂ ವ್ಯಾಯಾಮ ಮಾಡಿ. ಆರೋಗ್ಯಕರ ಆಹಾರ ಸೇವಿಸಿ. ಹಣ್ಣುಗಳು, ತರಕಾರಿಗಳು, ಧಾನ್ಯಗಳು, ನೇರ ಪ್ರೋಟೀನ್ಗಳು ಮತ್ತು ಆರೋಗ್ಯಕರ ಕೊಬ್ಬು ಪದಾರ್ಥ ಸೇವಿಸಿ. ಆಲ್ಕೊಹಾಲ್ ಸೇವನೆಯನ್ನು ಕಡಿಮೆ ಮಾಡಿ. ದಿನವೂ ಸರಿಯಾದ ಸಮಯಕ್ಕೆ ಮಲಗಿ ಏಳಿ. ಆಳವಾದ ನಿದ್ದೆ ಮಾಡಿ. ಒತ್ತಡ ಕಡಿಮೆ ಮಾಡಿ. ಧ್ಯಾನ ಮಾಡಿ. ಉತ್ತಮ ಜೀವನಶೈಲಿ ಫಾಲೋ ಮಾಡಿ.