Eyes Care: ಕಾರಣವಿಲ್ಲದೇ ನಿಮ್ಮ ಕಣ್ಣುಗಳು ಉರಿತಿದ್ರೆ ಈ ಟಿಪ್ಸ್​ಗಳನ್ನು ಫಾಲೋ ಮಾಡಿ

ನಮ್ಮ ದೇಹದಲ್ಲಿ ಇರುವ ಪಂಚೇಂದ್ರಿಯಗಳಲ್ಲಿ ಕಣ್ಣು ಕೂಡ ಒಂದು. ಈ ಭಾಗ ಇಲ್ಲ ಎಂದರೆ ಜೀವನವಿಡೀ ಕತ್ತಲು. ಹಾಗಾಗಿ ಕಣ್ಣಿನ ಬಗ್ಗೆ ಅದೆಷ್ಟು ಕಾಳಜಿ ವಹಿಸಿದರೂ ಕೂಡ ಸಾಕಾಗುವುದಿಲ್ಲ.

ಇತ್ತೀಚಿನ ದಿನಗಳಲ್ಲಿ ಸಣ್ಣ ವಯಸ್ಸಿಗೆ ಅದೆಷ್ಟೋ ಜನರು ಕಣ್ಣು ನೋವಿನಿಂದ ಬಳಲುತ್ತಿದ್ದಾರೆ. ಕಣ್ಣು ಮಂದ ಕಾಣುವುದು, ಕಣ್ಣಿನ ಪೊರೆ ಸಮಸ್ಯೆ, ಇದಕ್ಕಾಗಿ  ಆಪರೇಷನ್​ ಹೀಗೆ ನಾನಾರೀತಿಯ ತೊಂದರೆಗಳನ್ನು ಅನುಭವಿಸುತ್ತಾರೆ. ಇದರ ಕಾರಣಗಳನ್ನು ತಿಳಿಯೋಣ.

ಮೊಬೈಲ್​ ಮತ್ತು ಕಂಪ್ಯೂಟರ್​: ಎಸ್​, ನಾವು ಅತಿಯಾಗಿ ಮೊಬೈಲ್​, ಕಂಪ್ಯೂಟರ್​ಗಳನ್ನು ಬಳಸುತ್ತಿದ್ದೇವೆ ಅಂದ್ರೆ ಸೂಕ್ತವಾದ ಸ್ಪೆಕ್ಸ್​ಗಳನ್ನು ಹಾಕಿ ಯೂಸ್​ ಮಾಡಬೇಕು. ಯಾಕೆಂದರೆ, ಇದರಿಂದ ಬರುವ ಡಾರ್ಕ್ ಲೈಟ್ ನೇರವಾಗಿ ನಮ್ಮ ಕಣ್ಣುಗಳಿಗೆ  ಬೀಳುತ್ತವೆ. ಆರಂಭದ ಕೆಲವು ದಿನಗಳ ಕಾಲ ಇದರ ಪ್ರಭಾವ ಗೊತ್ತಾಗುವುದಿಲ್ಲ. ಬರ್ತಾ ಬರ್ತಾ  ಇದರ ಅಡ್ಡಪರಿಣಾಮಗಳು ಕಾಣಲಾರಂಭಿಸುತ್ತದೆ.

ಆರೋಗ್ಯವಂತರಾಗಿರಲು ಮನುಷ್ಯ ಕನಿಷ್ಠ 8 ಗಂಟೆಗಳ ಕಾಲ ನಿದ್ರೆ ಮಾಡಲೇಬೇಕು. ಇಲ್ಲವಾದಲ್ಲಿ ಇದರ ನೇರ ಪರಿಣಾಮ ನಮ್ಮ ಕಣ್ಣುಗಳಿಗೆ ಬೀರುತ್ತವೆ. ಮುಖ್ಯವಾಗಿ ,ದಿನವಿಡೀ ಕೆಲಸಗಳನ್ನು ಮಾಡಿ ದಣಿದು ಬಂದಿರುತ್ತೀರ. ಹೀಗಾಗಿ ನಿಮ್ಮ ಕಣ್ಣುಗಳಿಗೆ ತುಂಬಾ ವಿಶ್ರಾಂತಿ ಬೇಕಾಗುತ್ತದೆ. ದಯವಿಟ್ಟು ನಿಮ್ಮ ಜೀವನಶೈಲಿಯ ಮೇಲೆ ನಿಗಾವಹಿಸಿ.

ಹೊರಗಡೆಯಿಂದ ಬಂದ ಕೂಡಲೇ ತಣ್ಣೀರಿನಿಂದ ನಿಮ್ಮ ಕಣ್ಣುಗಳನ್ನು ಚೆನ್ನಾಗಿ ತೊಳೆಯಿರಿ. ಯಾವುದೇ ಸಾಬೂನು ಹಾಕದೇ ತಣ್ಣೀರಿನಲ್ಲಿ ಚೆನ್ನಾಗಿ ಕ್ಲೀನ್​ ಮಾಡಿಕೊಳ್ಳಿ. ಜೊತೆಗೆ ಸೌತೆಕಾಯಿಯ ಸ್ಲೈಡ್ಸ್​ ಇಟ್ಕೊಂಡ್ರೂ ಒಳಿತು.

ಎಂದಿಗೂ ಲಿಕ್ವಿಡ್​ಗಳನ್ನು ಬಳಸಬೇಡಿ:  ಕಣ್ಣುಗಳ  ಪೋಷಣೆಗಾಗಿ ಅದೆಷ್ಟೋ  ನೈಸರ್ಗಿಕವಾಗಿ   ಟಿಪ್ಸ್​ಗಳನ್ನು ಫಾಲೋ ಮಾಡಬಹುದು. ಕಣ್ಣು ತುರಿಕೆ ಆದ ಕೂಡಲೇ ನೀವು ಮೊದಲಿಗೆ ಚೆನ್ನಾಗಿ ಸೂಕ್ಷ್ಮವಾಗಿ ನೀರಿನಿಂದ ತೊಳೆಯಬೇಕು. ಅದರ ಬದಲು ಎಂದಿಗೂ ಲಿಕ್ವಿಡ್​ಗಳನ್ನು ಬಳಸುತ್ತಾ ಇದ್ರೆ, ಹಾನಿಯನ್ನುಂಟು ಮಾಡುತ್ತದೆ.

ಧೂಮಪಾನಗಳನ್ನು ಹೆಚ್ಚಾಗಿ   ಮಾಡೋದ್ರಿಂದ ಕೂಡ ಕಣ್ಣು ಮಬ್ಬು ಆಗುತ್ತದೆ. ನರಗಳಿಗೆ ನೇರವಾಗಿ ಕನೆಕ್ಷನ್ಸ್​ ಇರೋದ್ರಿಂದ, ಇದರಲ್ಲಿ ಬಿಡುಗಡೆಯಾಗುವ ಹೊಗೆಯು ನೇರವಾಗಿ ಕಣ್ಣುಗಳಿಗೆ ಅಡ್ಡಪರಿಣಾಮಗಳನ್ನು ಬೀರುತ್ತವೆ.

ನೀರನ್ನು ಹೆಚ್ಚಾಗಿ ಕುಡಿಯಬೇಕು: ನಿಜ, ಮನುಷ್ಯನ ಆರೋಗ್ಯಕ್ಕೆ ನೀರು ತುಂಬಾ ಮುಖ್ಯ ಪಾತ್ರವನ್ನುವಹಿಸುತ್ತದೆ. ಹೀಗಾಗಿ ಏನೇ ರೋಗ ರುಜಿನಗಳು ಬಾರದೆ ಇರಲು ನೀರು ಸಹಕಾರ ಮಾಡುತ್ತದೆ. ನೀರು ಕುಡಿಯುವುದರಿಂದ   ಕಣ್ಣಿನಲ್ಲಿ ನೀರನ ಪ್ರಮಾಣ ಹೆಚ್ಚಾಗಿ ಆರೋಗ್ಯವಾಗಿರಲು ಸಹಕರಿಸುತ್ತದೆ.