Idli Upma Recipe: ನಿನ್ನೆ ಮಾಡಿದ ಇಡ್ಲಿ ಮಿಕ್ಕಿದೆ ಅಂತ ಎಸೆಯಬೇಡಿ, ಟೇಸ್ಟಿ ಉಪ್ಪಿಟ್ಟು ಮಾಡಿ! ಈಸಿ ರೆಸಿಪಿ ಇಲ್ಲಿದೆ ಓದಿ

ರಾತ್ರಿ ಆಗುತ್ತಿದ್ದಂತೆಯೇ ಮನೆಯ ಹೆಂಗಸರಿಗೆ ಒಂದೇ ಯೋಚನೆ ಅದುವೇ ನಾಳೆ ಬೆಳಗ್ಗೆ ತಿಂಡಿ ಏನು ಅಂತ. ಹೌದು, ಪ್ರತೀ ನಿತ್ಯವೂ ನಾಳೆ ಬೆಳಗ್ಗೆ ಏನು ತಿಂಡಿ ಮಾಡೋದು ಅನ್ನೋದೆ ದೊಡ್ಡ ಯೋಚನೆ ಆಗಿರುತ್ತೆ.

ನಿಮಗಾಗಿ ಇಂದು ಸೂಪರ್​ ಆಗಿರುವ ತಿಂಡಿಯ ಸಲಹೆಯನ್ನು ಕೊಡ್ತೀವಿ ನೋಡಿ. ಇಡ್ಲಿ ಉಪ್ಪಿಟ್ಟು ಇಂದಿನ ರೆಸಿಪಿ.

ಹೌದು, ಇಡ್ಲಿ ಯಾರ ಮನೆಯಲ್ಲಿ ಮಾಡೋದಿಲ್ಲ ಹೇಳಿ? ಸಾಮಾನ್ಯ ಇಡ್ಲಿ ಅಥವಾ ರವೆ ಇಡ್ಲಿಯನ್ನು ಮಾಡುತ್ತೇವೆ. ಹಾಗೆಯೇ ಮಲ್ಲಿಗೆ ಇಡ್ಲಿ ಎಂದರೆ ಹಲವಾರು ಜನರಿಗೆ ಅಚ್ಚು ಮೆಚ್ಚು, ಇದನ್ನು ಮಾಡುವುದು ಅಪರೂಪ.

ಹೀಗೆ ಮಾಡಿದ ಇಡ್ಲಿ ಉಳಿಯಿತು ಅಂದ್ರೆ ಅದನ್ನು ಎಸೆಯಬೇಡಿ. ಇದರಿಂದ ತಯಾರಿಸಬಹುದು ಸೂಪರ್ ಟೇಸ್ಟಿ​ ಉಪ್ಪಿಟ್ಟು.

ಉಳಿದ ಇಡ್ಲಿಯನ್ನು ಚೆನ್ನಾಗಿ ನಿಮಗೆ ಬೇಕಾದ ಗಾತ್ರದಲ್ಲಿ ಕಟ್​ ಮಾಡ್ಬೋದು ಅಥವಾ ಫುಲ್​ ಪುಡಿ ಮಾಡಿ. ನಂತರ ಚಿಕ್ಕದಾಗಿ ಈರುಳ್ಳಿಯನ್ನು ಕತ್ತರಿಸಿಕೊಳ್ಳಿ.

ಮೊದಲು ಒಂದು ಬಾಣಲೆಗೆ ಕೊಂಚ ಅಡುಗೆ ಎಣ್ಣೆಯನ್ನು ಹಾಕಿ. ಅದಕ್ಕೆ ಸಾಸಿವೆ, ಜೀರಿಗೆ, ಕಡಲೆಕಾಯಿ ಹಾಕಿ ಚೆನ್ನಾಗಿ ಹುರಿಯಿರಿ, ನಂತರ ಬೇಕಾದ್ರೆ ಕತ್ತರಿಸಿದ ಹಸಿ ಮೆಣಸಿನ ಕಾಯಿಯನ್ನು ಹಾಕ್ಬೋದು.

ಇದೆಲ್ಲಾ ಹುರಿದ ನಂತರ ಈಗ ನೀವು ಪುಡಿ ಮಾಡಿದ ಇಡ್ಲಿಯ ಹುಡಿಯನ್ನು ಹಾಕಿ. ರುಚಿಗೆ ಬೇಕಾದಷ್ಟು ಉಪ್ಪನ್ನು ಹಾಕಿ, ನಿಂಬೆ ರಸವನ್ನು ಸ್ವಲ್ಪ ಹಾಕಿ, ಅರಿಶಿಣ ಕೂಡ ಹಾಕಿ ಚೆನ್ನಾಗಿ ಕಲಸಿ.

ಇದೀಗ ರುಚಿ ರುಚಿಯಾದ ಇಡ್ಲಿ ಉಪ್ಪಿಟ್ಟು ತಿನ್ನಲು ಸಿದ್ಧವಾಗಿದೆ. ನೀವು ಇದನ್ನು ಬೆಳಗ್ಗಿನ ತಿಂಡಿಗಾದ್ರೂ ತಿನ್ಬೋದು ಅಥವಾ ಸಂಜೆಯ ವೇಳೆಗಾದ್ರೂ , ಕಾಫಿಯೊಂದಿಗೆ ತಿನ್ನಬಹುದು.