Lunch Box Tips: ಊಟದ ಡಬ್ಬಿಗೆ ಹಣ್ಣು ತರಕಾರಿಯನ್ನ ಈ ರೀತಿ ಪ್ಯಾಕ್ ಮಾಡಿ, ಆರೋಗ್ಯ ಚೆನ್ನಾಗಿರುತ್ತೆ

ಕತ್ತರಿಸಿದ ಹಣ್ಣುಗಳು ಮತ್ತು ತರಕಾರಿಗಳಲ್ಲಿ ಸಾಕಷ್ಟು ಪೋಷಕಾಂಶಗಳು ಇರುವುದಿಲ್ಲ ಎಂದು ಅನೇಕ ಮಂದಿ ಹೇಳುತ್ತಿರುತ್ತಾರೆ. ಹೀಗಿದ್ದರೂ ಕೆಲ ಮಂದಿ ಊಟದ ಬಾಕ್ಸ್ಗೆ ಕತ್ತರಿಸಿದ ಹಣ್ಣುಗಳು ಮತ್ತು ತರಕಾರಿಗಳನ್ನು ತುಂಬಿಕೊಂಡು ಹೋಗುತ್ತಾರೆ. ಈ ರೀತಿ ಮಾಡುವುದರಿಂದ ಪೋಷಕಾಂಶ ದೊರೆಯುವುದಿಲ್ಲ ಮತ್ತು ಅವು ಬೇಗ ಹಾಳಾಗುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಪ್ರತಿದಿನ ಕತ್ತರಿಸಿದ ಹಣ್ಣುಗಳು ಮತ್ತು ಹಸಿ ತರಕಾರಿಗಳನ್ನು ಕೆಲ ಗಂಟೆಗಳಲ್ಲಿ ಸೇವಿಸಬೇಕು. ಇದರಿಂದ ದೇಹಕ್ಕೆ ಪೋಷಕಾಂಶಗಳು ದೊರೆಯುತ್ತದೆ. ಈ ಬಗ್ಗೆ 2006 ರಲ್ಲಿ ನಡೆಸಿದ ಅಧ್ಯಯನವೊಂದು ಕೆಲವು ಗಂಟೆಗಳ ನಂತರ ಕತ್ತರಿಸಿದ ತರಕಾರಿಗಳು ಮತ್ತು ಹಣ್ಣುಗಳಲ್ಲಿ ಕಡಿಮೆ ಪೋಷಕಾಂಶವಿದೆ ಎಂದು ಸೂಚಿಸಿದೆ. ಹಾಗಾದರೆ ಹಣ್ಣು ಮತ್ತು ತರಕಾರಿಗಳನ್ನು ಯಾವ ರೀತಿ ಕಟ್ ಮಾಡಿ ಬಾಕ್ಸ್ಗೆ ಹಾಕಬೇಕು, ಅವುಗಳನ್ನು ಹೇಗೆ ರಕ್ಷಿಸಬೇಕು ಎಂಬುವುದರ ಬಗ್ಗೆ ಒಂದಷ್ಟು ಮಾಹಿತಿಯನ್ನು ಇಂದು ನಾವು ನಿಮಗೆ ನೀಡುತ್ತಿದ್ದೇವೆ.

ಮೊದಲಿಗೆ ನೀವು ಹಣ್ಣುಗಳು ಮತ್ತು ತರಕಾರಿಗಳನ್ನು ಖರೀದಿಸುವಾಗ ಜಾಗರೂಕರಾಗಿರಿ. ಏಕೆಂದರೆ ಅತಿಯಾಗಿ ಮಾಗಿದ ಹಣ್ಣು ಮತ್ತು ತರಕಾರಿಗಳು ಹೆಚ್ಚು ಹೊತ್ತು ಉಳಿಯುವುದಿಲ್ಲ. ಹಾಗಾಗಿ ನೋಡಿಕೊಂಡು ಖರೀದಿಸಬೇಕು. ಅಲ್ಲದೇ ಮೊದಲೇ ಕತ್ತರಿಸಿರುವ ಹಣ್ಣು ಮತ್ತು ತರಕಾರಿಯನ್ನು ಖರೀದಿಸುವುದು ಉತ್ತಮವಲ್ಲ.

ನೀವು ಊಟದ ಬಾಕ್ಸ್ಗೆ ಹಣ್ಣುಗಳು ಮತ್ತು ತರಕಾರಿಗಳನ್ನು ಕತ್ತರಿಸಿಕೊಂಡು ತೆಗೆದುಕೊಂಡು ಹೋಗಲು ಬಯಸಿದರೆ, ಕ್ಲೀನ್ ಡ್ರೈ ಚಾಪಿಂಗ್ ಬೋರ್ಡ್ ಅನ್ನು ಖಚಿತಪಡಿಸಿಕೊಳ್ಳಿ. ಏಕೆಂದರೆ ಚಾಪಿಂಗ್ ಬೋರ್ಡ್ಗಳು ಕೊಲಿ ಮತ್ತು ಲಿಸ್ಟೇರಿಯಾ ಇನೋಕುವಾವನ್ನು ಹರಡುತ್ತವೆ ಎಂದು ತಿಳಿದುಬಂದಿದೆ. ಕಚ್ಚಾ ಆಹಾರವನ್ನು ಸೇವಿಸಿದ ನಂತರ ನೀವು ಹೊಟ್ಟೆಯಲ್ಲಿ ನೋವು ಉಂಟಾಗಬಹುದು.

ತರಕಾರಿ ಮತ್ತು ಹಣ್ಣನ್ನು ಕತ್ತರಿಸಲು ಸ್ವಚ್ಛವಾದ, ಒಣಗಿರುವ ಮತ್ತು ಚೂಪಾದ ಚಾಕುವನ್ನು ಬಳಸಿ. ಚಾಕುವಿನ ಶುಚಿತ್ವವನ್ನು ಖಾತ್ರಿಪಡಿಸಬೇಕಾದರೆ, ಚಾಕುವನ್ನು ತೀಕ್ಷ್ಣವಾಗಿ ಇಟ್ಟುಕೊಳ್ಳುವುದು ಕತ್ತರಿಸಿದ ಹಣ್ಣು ಮತ್ತು ತರಕಾರಿಗಳಿಗೆ ಹಾನಿಯನ್ನು ಕಡಿಮೆ ಮಾಡುತ್ತದೆ.

ಕತ್ತರಿಸಿದ ಕೆಲವು ಹಣ್ಣುಗಳು ಮತ್ತು ತರಕಾರಿಗಳಿಂದ ಪೌಷ್ಟಿಕಾಂಶ ಕಡಿಮೆ ಆಗುವುದನ್ನು ತಡೆಗಟ್ಟಲು ಸಲಾಡ್ ಮಾಡಿ. ಇದಕ್ಕೆ ಕೊಂಚ ಎಣ್ಣೆಯನ್ನು ಬೆರೆಸುವುದರಿಂದ ಅವುಗಳನ್ನು ರಕ್ಷಿಸಬಹುದು. ಹೀಗೆ ಮಾಡುವುದರಿಂದ ಹಣ್ಣು ಮತ್ತು ತರಕಾರಿಗಳು ಪೋಷಕಾಂಶಗಳನ್ನು ಉತ್ತಮವಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.

ಕತ್ತರಿಸಿದ ಹಣ್ಣುಗಳು ಮತ್ತು ತರಕಾರಿಗಳನ್ನು ತುಂಬಿಕೊಳ್ಳುವ ಬಾಕ್ಸ್ಗೆ ಗಾಳಿಯಾಡದಂತೆ ನೋಡಿಕೊಳ್ಳಿ. ಸೂರ್ಯ ಮತ್ತು ಗಾಳಿಗೆ ಒಡ್ಡಿಕೊಳ್ಳುವುದರಿಂದ ಆಕ್ಸಿಡೀಕರಣದ ಪ್ರಕ್ರಿಯೆಯನ್ನು ವೇಗಗೊಳಿಸುತ್ತದೆ. ನಿಮ್ಮ ಊಟದ ಬಾಕ್ಸ್ ಅನ್ನು ಸರಿಯಾಗಿ ಸ್ವಚ್ಛಗೊಳಿಸಿ.

ಕ್ಯಾರೆಟ್‌ಗಳ ಮೇಲ್ಮೈ ಸಿಪ್ಪೆಸುಲಿಯುವಿಕೆಯು ಬ್ಯಾಕ್ಟೀರಿಯಾದ ಮಾಲಿನ್ಯದಿಂದ ತುಲನಾತ್ಮಕವಾಗಿ ಮುಕ್ತವಾಗಿದೆ. ಇದರಿಂದ ಬ್ಯಾಕ್ಟೀರಿಯಾವನ್ನು ತಪ್ಪಿಸಬಹುದು. ಕತ್ತರಿಸಿದ ಹಣ್ಣನ್ನು ಫ್ರಿಡ್ಜ್ನಲ್ಲಿ ಇಡುವುದರಿಂದ ತುಂಬಾ ಸಹಾಯಕವಾಗಿದೆ. ಆದರೆ ಬಿಸಿಲಿರುವ ಜಾಗದಲ್ಲಿ ಊಟದ ಬಾಕ್ಸ್ ಇಡುವುದಾದರೆ ಹಣ್ಣುಗಳನ್ನು ಕತ್ತರಿಸಿ ಪ್ಯಾಕ್ ಮಾಡಬೇಡಿ.