Teeth Whitening: ಮನೆಯಲ್ಲಿನ ಈ ವಸ್ತುಗಳಿಂದ ಹಲ್ಲುಜ್ಜಿದ್ರೆ ಹೊಳೆಯುವ ನಗು ನಿಮ್ಮದಾಗುತ್ತೆ

ಹೆಚ್ಚಿನ ಜನರು ಹಲ್ಲು ನೋವು, ಕೊಳೆ, ಊತ, ದವಡೆಗಳಲ್ಲಿನ ನೋವಿಂದ ಬಳಲುತ್ತಾರೆ. ಇದರಿಂದ ಹಲ್ಲುಗಳು ಹಳದಿಯಾಗಿ ಕಾಣುತ್ತವೆ. ಇತರರೊಂದಿಗೆ ಮಾತನಾಡುವಾಗ ಈ ಹಳದಿ ಬಣ್ಣವು ಮುಜುಗರ ಉಂಟು ಮಾಡುತ್ತವೆ. ಹಲ್ಲು ಹಳದಿಯಾಗಲು ಹಲವು ಕಾರಣಗಳಿವೆ. ಇದು ಖನಿಜಗಳು ಮತ್ತು ಜೀವಸತ್ವಗಳ ಕೊರತೆಯಿಂದಾಗಿ ಅಥವಾ ಇತರ ಯಾವುದೇ ರೋಗಗಳ ಕಾರಣದಿಂದಾಗಿರಬಹುದು. ಹಲ್ಲುಗಳ ಹಳದಿ ಬಣ್ಣವನ್ನು ಮನೆಯಲ್ಲಿ ಸಿಗುವ ವಸ್ತುಗಳಿಂದಲೇ ಸ್ವಚ್ಛಗೊಳಿಸಬಹುದು.

ಆಯಿಲ್ ಪುಲ್ಲಿಂಗ್: ಆಯಿಲ್ ಪುಲ್ಲಿಂಗ್ ಹಲ್ಲುಗಳಿಂದ ಹಳದಿ ಬಣ್ಣವನ್ನು ತೆಗೆದುಹಾಕಲು ಉತ್ತಮ ಆಯ್ಕೆಯಾಗಿದೆ. ಆಯಿಲ್ ಪುಲ್ಲಿಂಗ್ ಬಾಯಿಯಲ್ಲಿರುವ ಕೆಟ್ಟ ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತದೆ. ಭಾರತದಲ್ಲಿ ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಆಯಿಲ್ ಪುಲ್ಲಿಂಗ್ ಅನ್ನು ಶತಮಾನಗಳಿಂದ ಬಳಸಲಾಗುತ್ತಿದೆ.

ಆಯಿಲ್ ಪುಲ್ಲಿಂಗ್ ಗಾಗಿ ತೆಂಗಿನ ಎಣ್ಣೆಯನ್ನು ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ಅಂದಹಾಗೆ, ಸಾಸಿವೆ ಎಣ್ಣೆಯಲ್ಲಿ ಉಪ್ಪನ್ನು ಬೆರೆಸಿ ಹಲ್ಲುಜ್ಜುವುದರಿಂದ ಹಲ್ಲುಗಳು ಶುದ್ಧವಾಗುತ್ತವೆ, ಹಲ್ಲುಗಳಿಗೆ ಹೊಳಪು ಬರುತ್ತದೆ.

ಅಡಿಗೆ ಸೋಡಾ: ಅಡಿಗೆ ಸೋಡಾದಿಂದ ಹಲ್ಲುಗಳನ್ನು ಸ್ವಚ್ಛಗೊಳಿಸಿದ್ರೆ ಹಲ್ಲುಗಳಲ್ಲಿ ಹೊಳಪು ಇರುತ್ತದೆ. ಬೇಕಿಂಗ್ ಸೋಡಾವು ಕ್ಷಾರೀಯ ಗುಣವನ್ನು ಹೊಂದಿದ್ದು, ಬ್ಯಾಕ್ಟೀರಿಯಾದ ಬೆಳವಣಿಗೆಗೆ ಅವಕಾಶ ನೀಡುವುದಿಲ್ಲ. ಇದಕ್ಕಾಗಿ ಬೆಳಿಗ್ಗೆ ಮತ್ತು ರಾತ್ರಿಯಲ್ಲಿ ಅಡಿಗೆ ಸೋಡಾವನ್ನು ಬಳಸಿ.

ಹೈಡ್ರೋಜನ್ ಪೆರಾಕ್ಸೈಡ್: ಹೈಡ್ರೋಜನ್ ಪೆರಾಕ್ಸೈಡ್ ನೈಸರ್ಗಿಕ ಬ್ಲೀಚಿಂಗ್ ಏಜೆಂಟ್ ಆಗಿದ್ದು ಅದು ಬ್ಯಾಕ್ಟೀರಿಯಾವನ್ನು ತಕ್ಷಣವೇ ಕೊಲ್ಲುತ್ತದೆ. ಜನರು ಹೈಡ್ರೋಜನ್ ಪೆರಾಕ್ಸೈಡ್ ನಿಂದ ಗಾಯವನ್ನು ಸ್ವಚ್ಛಗೊಳಿಸುತ್ತಾರೆ, ಇದರಿಂದಾಗಿ ಗಾಯದಲ್ಲಿರುವ ಬ್ಯಾಕ್ಟೀರಿಯಾವನ್ನು ಕೊಲ್ಲಬಹುದು. ನೀವು ಹೈಡ್ರೋಜನ್ ಪೆರಾಕ್ಸೈಡ್ ನಿಂದ ನಿಮ್ಮ ಹಲ್ಲುಗಳನ್ನು ಸ್ವಚ್ಛಗೊಳಿಸಬಹುದು.

ಹಣ್ಣು ಮತ್ತು ತರಕಾರಿ: ಹಲ್ಲುಗಳು ಬೆಳ್ಳಗೆ ಇರಬೇಕು ಎಂದರೆ ಇದಕ್ಕಾಗಿ ಪ್ರತಿದಿನ ಹಸಿರು ತರಕಾರಿಗಳು ಮತ್ತು ಹಣ್ಣುಗಳನ್ನು ಸೇವಿಸಿ. ಹಸಿರು ತರಕಾರಿಗಳು ಮತ್ತು ಹಣ್ಣುಗಳು ಹಲ್ಲುಗಳಿಗೆ ಹೊಳಪನ್ನು ಕೊಡುವುದು ಮಾತ್ರವಲ್ಲದೆ, ಇದು ಅನೇಕ ರೋಗಗಳಿಂದ ರಕ್ಷಿಸುತ್ತದೆ.

ಸ್ಟ್ರಾಬೆರಿ: ಫಂಗಸ್ ಅಥವಾ ಬ್ಯಾಕ್ಟೀರಿಯಾದ ದಾಳಿಯು ನಮ್ಮ ದೇಹದಲ್ಲಿ ಕೆಲವು ಅಗತ್ಯ ಜೀವಸತ್ವಗಳು ಮತ್ತು ಅಗತ್ಯವಾದ ಖನಿಜಗಳ ಕೊರತೆ ಇದ್ದಾಗ ಮಾತ್ರ ಸಂಭವಿಸುತ್ತದೆ. ಇದರಿಂದಾಗಿ ಜಿಂಗೈವಿಟಿಸ್ ಮತ್ತು ಪಿರಿಯಾಂಟೈಟಿಸ್, ದಂತಕ್ಷಯ, ನೋವು, ಊತ, ಹಳದಿ ಮುಂತಾದ ಗಂಭೀರ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ಈ ಎಲ್ಲಾ ಸಮಸ್ಯೆಗಳಿಗೆ, ನಿಮ್ಮ ಆಹಾರದಲ್ಲಿ ಕೆಲವು ವಿಶೇಷ ಹಣ್ಣುಗಳನ್ನು ಸೇರಿಸಬೇಕು. ಇದಕ್ಕಾಗಿ ನೀವು ಮಜ್ಜಿಗೆ, ತಾಜಾ ಹಣ್ಣುಗಳು, ಸ್ಟ್ರಾಬೆರಿಗಳು, ಬ್ಲೂಬೆರ್ರಿಗಳು, ಬೀಜಗಳು, ಅನಾನಸ್ ಇತ್ಯಾದಿಗಳನ್ನು ಸೇವಿಸಬೇಕು.