‘ಎನ್​​​​ಪಿಎಸ್​‘​ ಖಾತೆಗೆ ‘ಪಿಎಫ್‘ ಹಣವನ್ನು ವರ್ಗಾಯಿಸುವುದು ಹೇಗೆ?; ಇಲ್ಲಿದೆ ಮಾಹಿತಿ

ಉದ್ಯೋಗ ಭವಿಷ್ಯ ನಿಧಿ (ಇಪಿಎಫ್) ಖಾತೆಯಲ್ಲಿರುವ ಹಣವನ್ನು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (ಎನ್​​​ಪಿಎಸ್) ಖಾತೆಗೆ ವರ್ಗಾಯಿಸಬಹುದಾಗಿದೆ. ಆ ಮೂಲಕ ಉದ್ಯೋಗಿಗಳು ಹೆಚ್ಚಿನ ರಿಟನ್ಸ್ ಪಡೆಯಹುದಾಗಿದೆ. ಆದರೆ  ಪಿಂಚಣೆ ನಿಧಿ ನಿರ್ವಹಣೆ ಮತ್ತು ಅಭಿವೃದ್ಧಿ ಪ್ರಾಧಿಕಾರ ಕೆಲವು ಷರತ್ತುಗಳ  ಹಾಕಿದೆ.

ಫಿನೋಲಜಿ ಸಿಇಓ ಪ್ರಾಂಜಲ್ ಕಮ್ರಾ ಈ ಬಗ್ಗೆ ಮಾತನಾಡಿ, ಎನ್​​​ಪಿಎಸ್ ಮೂಲಕ ಹೆಚ್ಚಿನ ಉಳಿತಾಯ ಮಾಡಬಹುದಾಗಿದೆ. ಉದ್ಯೋಗಿಗಳ ಭವಿಷ್ಯ ನಿಧಿ (ಇಪಿಎಫ್) ಹೋಲಿಸಿದರೆ ಹೆಚ್ಚಿನ ಮೊತ್ತ ಸಿಗುತ್ತದೆ. ಹಾಗಾಗಿ ಅನೇಕರು ಉದ್ಯೋಗ ಭವಿಷ್ಯ ನಿಧಿಯಲ್ಲಿರುವ ಹಣವನ್ನು ಎನ್​​​ಪಿಎಸ್ ಖಾತೆಗೆ ವರ್ಗಾಯಿಸಲು ಇಚ್ಛಿಸುತ್ತಾರೆ ಎಂದು ಹೇಳಿದರು.

ದೀರ್ಘ ಕಾಲದ ಹಣಕಾಸಿನ ಗುರಿ ಮುಟ್ಟಲು ಎನ್​​​ಪಿಎಸ್ ಖಾತೆ ಉತ್ತಮವಾಗಿದೆ. ನಿವೃತ್ತಿ ಕಾಲಘಟ್ಟದಲ್ಲಿ ಇದರಿಂದ ಹೆಚ್ಚಿನ ಪ್ರಯೋಜನ ಸಿಗಲಿದೆ. ಎನ್​​​ಪಿಎಸ್ ಖಾತೆಯಲ್ಲಿ ಹೂಡಿಕೆ ಮಾಡುವುದರಿಂದ ಸೆಕ್ಷನ್ 80ಸಿಸಿಡಿ (1ಬಿ) ಹೂಡಿಕೆದಾರರು ಹೆಚ್ಚಿನ ವಿನಾಯಿತಿ ಪಡೆಯಬಹುದು ಎನ್ನುತ್ತಾರೆ ಗ್ರೋವ್ ಸಂಸ್ಥೆಯ ಸಹ-ಸಂಸ್ಥಾಪಕ ಮತ್ತು ಸಿಒಒ ಹರ್ಷ್ ಜೈನ್

ಇಪಿಎಫ್​​ನಿಂದ ಎನ್​​​ಪಿಎಸ್ ಖಾತೆಗೆ ಹಣ ವರ್ಗಾಹಿಸಲು ಕೆಲವು ಷರತ್ತುಗಳಿಗೆ. ಅದರ ಅನ್ವಯ ಈ ಸೇವೆಯನ್ನು ಪಡೆಯಬಹುದಾಗಿದೆ, ಎನ್​​​ಪಿಎಸ್ ಖಾತೆಗೆ ಹಣ ವರ್ಗಾಯಿಸುವ ಉದ್ಯೋಗಿಗಳು 5 ವರ್ಷ ನಿರಂತರವಾಗಿ ಕೆಲಸ ಮಾಡಿರಬೇಕು.

5 ವರ್ಷಕ್ಕಿಂತ ಮೊದಲು  50 ಸಾವಿರಕ್ಕಿಂತ ಅಧಿಕ ಹಣವನ್ನು ವರ್ಗಾಯಿಸಿದರೆ ಟಿಡಿಎಸ್ ಕಡಿತ ಮಾಡಲಾಗುತ್ತದೆ. ಹಾಗಾಗಿ ಕೆಲವು ಷರತ್ತುಗಳ ಮೇಲೆ ಎನ್​​​ಪಿಎಸ್ ಖಾತೆಗೆ ಹಣ ವರ್ಗಾಯಿಸಬಹುದಾಗಿದೆ.

ಉದ್ಯೋಗ ಭವಿಷ್ಯನಿಧಿಯಿಂದ ಎನ್​​​ಪಿಎಸ್ ಖಾತೆಗೆ ಹಣವರ್ಗಾಯಿಸವವರು ಮೊದಲಿಗೆ ಸಂಬಂಧಿಸಿದ ಉದ್ಯೋಗದಾತರಿಗೆ ಅರ್ಜಿಸಲ್ಲಿಸಬೇಕು. ನಂತರ ಉದ್ಯೋಗದಾತರು ನೀಡಿದ ಅರ್ಜಿಯನ್ನು ಇಪಿಎಫ್ಒ ನೋಡಲ್ ಶಾಖೆಗೆ ಕಳುಹಿಸಲಾಗುತ್ತದೆ.

ಎಲ್ಲಾ ವಿವರಗಳು ಸರಿಯಾದ ಬಳಿಕ ಹಣ ಎನ್​​​ಪಿಎಸ್ ಖಾತೆಗೆ ವರ್ಗಾವಣೆಯಾಗುತ್ತದೆ. ಜೊತೆಗೆ ಉದ್ಯೋಗದಾತರಿಗೆ ದೃಢೀಕರಣ ಪತ್ರ ಸಿಗುತ್ತದೆ.

ನಂತರ ಉದ್ಯೋಗ ಭವಿಷ್ಯ ನಿಧಿ ಹೊಂದಿವರಿಗೆ ಚೆಕ್ ಅಥವಾ ಡಿಡಿ ಬರುತ್ತದೆ. ಇಪಿಎಸ್ ಖಾತೆಯಿಂದ ಪತ್ರವು ಸಿಗುತ್ತದೆ. ನಂತರ ಅದನ್ನು ಪಿಒಪಿಯ ನೋಡಲ್ ಅಧಿಕಾರಿಗೆ ಸಲ್ಲಿಬೇಕು. ಇಪಿಎಫ್ ಖಾತೆಯಿಂದ ಹಣ ವರ್ಗಾವಣೆಯಾದ ನಂತರ ಎನ್​​​ಪಿಎಸ್ ಖಾತೆ ಅಫ್ಡೇಟ್ ಆಗುತ್ತದೆ.