Sweet: ಮೈದಾ ಮಾತ್ರವಲ್ಲ, ಗೋಧಿ ಹಿಟ್ಟಿನಲ್ಲೂ ಮಾಡಬಹುದು​ ಗುಲಾಬ್ ಜಾಮೂನ್; ಮನೆಯಲ್ಲಿ ಮಾಡಿ ಟೇಸ್ಟ್​ ನೋಡಿ

ಸಾಮಾನ್ಯವಾಗಿ ನಾವು ಮೈದಾ ಹಿಟ್ಟಿನಲ್ಲಿ ಗುಲಾಬ್ ಜಾಮೂನ್ ಮಾಡುವುದನ್ನು ನೋಡಿದ್ದೇವೆ. ಆದರೆ ಅನಾರೋಗ್ಯವನ್ನುಂಟು ಮಾಡುವ ಮೈದಾ ಹಿಟ್ಟಿನ ಬದಲಿಗೆ ಗೋಧಿ ಹಿಟ್ಟನ್ನು ಬಳಸಿ ಕೂಡ ಗುಲಾಬ್ ಜಾಮೂನ್ ತಯಾರಿಸಬಹುದು. ಅದು ಹೇಗೆ ಅಂತೀರಾ? ಹಾಗಾದ್ರೆ ಈ ಸ್ಟೋರಿ ಓದಿ, ನಾವು ನಿಮಗೆ ಗೋಧಿ ಹಿಟ್ಟಿನಲ್ಲಿ ಗುಲಾಬ್ ಜಾಮೂನ್ ಮಾಡುವುದು ಹೇಗೆ ಅಂತ ಹೇಳಿ ಕೊಡುತ್ತೇವೆ.

ಗೋಧಿ ಹಿಟ್ಟಿನ ಗುಲಾಬ್ ಜಾಮೂನ್ ಮಾಡಲು ಬೇಕಾಗಿರುವ ಸಾಮಾಗ್ರಿಗಳು: ಗೋಧಿ ಹಿಟ್ಟು - 1 ಕಪ್, ತುಪ್ಪ - 6 ಟೇಬಲ್ ಸ್ಪೂನ್, ಅಡಿಗೆ ಸೋಡಾ - 1/2 ಟೇಬಲ್ ಸ್ಪೂನ್, ಹಾಲಿನ ಪುಡಿ - 4 ಟೇಬಲ್ ಸ್ಪೂನ್, ಹಾಲು - 1/4 ಕಪ್, ಸಕ್ಕರೆ - 1 ಕಪ್, ಏಲಕ್ಕಿ – 3, ಕಿತ್ತಳೆ ಬಣ್ಣ - 1 ಪಿಂಚ್, ಎಣ್ಣೆ - ಕಾಲು ಲೀಟರ್.

ಗೋಧಿ ಹಿಟ್ಟಿನಲ್ಲಿ ಗುಲಾಬ್ ಜಾಮೂನ್ ಮಾಡುವ ವಿಧಾನ: ಗುಲಾಬ್ ಜಾಮೂನ್ ಮಾಡುವ ಮುನ್ನ ಜಾಮೂನ್ ಮಾಡಲು ತೆಗೆದಿಟ್ಟುಕೊಂಡ ಗೋಧಿ ಹಿಟ್ಟನ್ನು ಜರಡಿಯಾಡಿ ಧೂಳು ತೆಗೆದು ಸ್ವಚ್ಛವಾಗಿಟ್ಟುಕೊಳ್ಳಿ. ಅದೇ ಸಮಯದಲ್ಲಿ, ಜಾಮೂನ್ ಮಾಡಲು ಅಗತ್ಯವಿರುವ ಎಲ್ಲಾ ಪದಾರ್ಥಗಳನ್ನು ತಯಾರಿಸಿ. ಈಗ ಒಲೆಯ ಮೇಲೆ ಬಾಣಲೆ ಇಟ್ಟು ತುಪ್ಪ ಹಾಕಿ ಬಿಸಿ ಮಾಡಿ. ತುಪ್ಪ ಕರಗಿದಾಗ ಅದಕ್ಕೆ ಒಂದು ಕಪ್ ಗೋಧಿ ಹಿಟ್ಟನ್ನು ಹಾಕಿ ಮಧ್ಯಮ ಉರಿಯಲ್ಲಿ ಹುರಿಯಿರಿ. 2 ನಿಮಿಷಗಳ ನಂತರ 2 ಚಮಚ ತುಪ್ಪದೊಂದಿಗೆ ಮತ್ತೊಮ್ಮೆ ಫ್ರೈ ಮಾಡಿ ಮತ್ತು ಪ್ರತ್ಯೇಕ ಪ್ಯಾನ್ಗೆ ವರ್ಗಾಯಿಸಿ.

ಈಗ, ಗೋಧಿ ಹಿಟ್ಟಿನ ಬಟ್ಟಲಿನಲ್ಲಿ, ಹಾಲಿನ ಪುಡಿ, ಅಡಿಗೆ ಸೋಡಾ, 2 ಚಮಚ ತುಪ್ಪ, ಕಾಲು ಕಪ್ ಹಾಲು ಬೆರೆಸಿ, ಹಿಟ್ಟನ್ನು ದೊಡ್ಡ ಉಂಡೆ ಮಾಡಿ 10 ನಿಮಿಷಗಳ ಕಾಲ ನೆನೆಸಿ. ನಂತರ ಚಿಕ್ಕ ಚಿಕ್ಕ ಉಂಡೆಗಳಾಗಿ ಕಟ್ಟಿ. ಇದೇ ವೇಳೆ ಬಾಣಲೆಯನ್ನು ಒಲೆ ಇಟ್ಟು, ಎಣ್ಣೆಯನ್ನು ಹಾಕಿ ಬಿಸಿ ಮಾಡಿ. ಎಣ್ಣೆ ಚೆನ್ನಾಗಿ ಕುದಿಯುತ್ತಿರುವಾಗ, ಗೋಧಿ ಹಿಟ್ಟಿನ ಸಣ್ಣ ಉಂಡೆಗಳನ್ನು ತೆಗೆದುಕೊಂಡು ಎಣ್ಣೆಯಲ್ಲಿ ಗೋಲ್ಡನ್ ಬ್ರೌನ್ ರವರೆಗೆ ಫ್ರೈ ಮಾಡಿ.

ನಂತರ ಸಕ್ಕರೆ ಪಾಕವನ್ನು ತಯಾರಿಸಲು, ಒಲೆಯ ಮೇಲೆ ಬಾಣಲೆಯನ್ನು ಇಟ್ಟು, ಸಕ್ಕರೆ ಮತ್ತು ನೀರನ್ನು ಸೇರಿಸಿ, ಅದನ್ನು ಬಿಸಿ ಮಾಡಿ. ಸಕ್ಕರೆ ಕರಗಿ ಸಕ್ಕರೆ ಪಾಕ ಸಿದ್ಧವಾದಾಗ ಕಿತ್ತಳೆ ಬಣ್ಣ ಮತ್ತು ಏಲಕ್ಕಿಯನ್ನು ತುರಿದು ಹಾಕಿ.

ಅದರ ನಂತರ, ಗೋಲ್ಡನ್ ಫ್ರೈ ಮಾಡಿದ ಜಾಮೂನ್ ಉಂಡೆಗಳನ್ನು ಸಿದ್ಧಪಡಿಸಿದ ಸಕ್ಕರೆ ಪಾಕದಲ್ಲಿ ನೆನೆಸಿ. ಇದನ್ನು 2 ಗಂಟೆಗಳ ಕಾಲ ಬಿಡಿ. ಈಗ ರುಚಿಕರವಾದ 'ಗೋಧಿ ಹಿಟ್ಟಿನ ಗುಲಾಬ್ ಜಾಮೂನ್ ಸವಿಯಲು ಸಿದ್ಧ.

ಸಿಹಿ ರುಚಿಯೊಂದಿಗೆ, ಈ ಗೋಧಿ ಗುಲಾಬ್ ಜಾಮೂನ್ ಊಟದ ನಂತರ ಬಡಿಸಲು ಬೆಸ್ಟ್ ಸ್ವೀಟ್ ಆಗಿದೆ. ನೀವು ಈ ಜಾಮೂನ್ಗಳನ್ನು ಒಂದು ಕಪ್ನಲ್ಲಿ ಸ್ವಲ್ಪ ಸಕ್ಕರೆ ಪಾಕದೊಂದಿಗೆ ಬಡಿಸಬಹುದು. ಇದು ಮೈದಾ ಕುಲೋಬ್ ಜಾಮೂನಿಗಿಂತಲೂ ಆರೋಗ್ಯಕರವಾಗಿದೆ.