Nonveg Spicy Recipe: ಮಕ್ಕಳ ಬಾಯಲ್ಲಿ ನೀರೂರಿಸುವ ಜಿಂಜರ್ ಚಿಕನ್ ಗ್ರೇವಿ!

ನಾನ್ವೆಜ್ ಎಂದಾಕ್ಷಣ ಮೊದಲು ಎಲ್ಲರಿಗೂ ನೆನೆಪಾಗುವುದೇ ಚಿಕನ್. ಏಕೆಂದರೆ ಅನೇಕ ಮಂದಿಗೆ ಚಿಕನ್ ಅಂದರೆ ಬಹಳ ಇಷ್ಟ. ನಿಮಗೂ ಚಿಕನ್ ತುಂಬಾ ಇಷ್ಟವಾದರೆ ಈಗ್ಲೆ ಅಂಗಡಿಗೆ ಹೋಗಿ ಚಿಕನ್ ಖರೀದಿಸಿ. ಚಿಕನ್ ಜಿಂಜರ್ ರೆಸಿಪಿ ಟ್ರೈ ಮಾಡಿ.

ಹೌದು, ಸಾಮಾನ್ಯವಾಗಿ ಚಿಕನ್ನಲ್ಲಿ ನಾನಾ ತರಹದ ಖಾದ್ಯಗಳನ್ನು ನೀವು ತಿಂದಿರುತ್ತೀರಿ. ಆದರೆ ನೀವು ಚಿಕನ್ನಲ್ಲಿ ಹೊಸ ಟೇಸ್ಟಿ ಫುಡ್ ಸವಿಯಲು ಇಷ್ಟಪಡುವುದಾದರೆ, ಮನೆಯಲ್ಲಿರುವ ಕೆಲವು ಪದಾರ್ಥಗಳನ್ನೇ ಬಳಸಿಕೊಂಡು ಸ್ಪೈಸಿ ಜಿಂಜರ್ ಚಿಕನ್ ರೆಸಿಪಿ ತಯಾರಿಸಿ. ಮನೆಮಂದಿಯೆಲ್ಲಾ ಒಟ್ಟಿಗೆ ಕುಳಿತುಕೊಂಡು ಸವಿಯಿರಿ. ಅದರಲ್ಲಿಯೂ ಈ ಜಿಂಜರ್ ಚಿಕನ್ ಗ್ರೇವಿ ನಿಮ್ಮ ಮಕ್ಕಳಿಗೆ ಬಹಳ ಇಷ್ಟವಾಗುತ್ತದೆ. ಇದೀಗ ನಾವು ನಿಮಗೆ ಜಿಂಜರ್ ಚಿಕನ್ ಗ್ರೇವಿ ಮಾಡುವುದೇಗೆ ಎಂದು ತಿಳಿಸುತ್ತೇವೆ ಬನ್ನಿ.

ಚಿಕನ್ ಜಿಂಜರ್ ಮಾಡಲು ಬೇಕಾಗುವ ಸಾಮಾಗ್ರಿಗಳು: ಚಿಕನ್ - 1 ಕೆಜಿ, ಟೊಮೆಟೊ – 4, ಹಾಲು - 250 ಗ್ರಾಂ, ಅರಿಶಿನ - 1/4 ಚಮಚ, ಮೆಣಸಿನ ಪುಡಿ - 1/2 ಚಮಚ, ಕೊತ್ತಂಬರಿ ಬೀಜಗಳು – 1ಟೇಬಲ್ ಸ್ಪೂನ್, ಶುಂಠಿ - 100 ಗ್ರಾಂ, ಉಪ್ಪು, ಎಣ್ಣೆ – ಅಗತ್ಯಕ್ಕೆ ತಕ್ಕಷ್ಟು.

ಚಿಕನ್ ಜಿಂಜರ್ ಮಾಡುವ ವಿಧಾನ: ಮೊದಲು ಟೊಮೆಟೊ ಮತ್ತು ಶುಂಠಿಯನ್ನು ಸ್ವಚ್ಛಗೊಳಿಸಿ, ಅವುಗಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ. ನಂತರ ಮಿಕ್ಸಿಂಗ್ ಜಾರ್ನಲ್ಲಿ ಟೊಮೆಟೊ ಮತ್ತು ಶುಂಠಿಯನ್ನು ಹಾಲಿನೊಂದಿಗೆ ಬೆರೆಸಿ, ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ ಪೇಸ್ಟ್ ಮಾಡಿಕೊಂಡು ಇಡಬೇಕು.

ಇದೇ ವೇಳೆ, ಚಿಕನ್ ತುಂಡುಗಳನ್ನು ಅರಿಶಿನ ಮತ್ತು ಕಲ್ಲು ಉಪ್ಪಿನೊಂದಿಗೆ ಸ್ವಚ್ಛಗೊಳಿಸಿ. ಸಣ್ಣ ಪೀಸ್ಗಳಾಗಿ ಕತ್ತರಿಸಿಟ್ಟು ಕೊಳ್ಳಿ. ಈಗ ಜಿಂಜರ್ ಚಿಕನ್ ಮಾಡಲು, ಒಲೆಯ ಮೇಲೆ ಪ್ಯಾನ್ ಇಟ್ಟು ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಚೆನ್ನಾಗಿ ಆರಿದ ನಂತರ ಚಿಕನ್ ತುಂಡುಗಳನ್ನು ಹಾಕಿ ಚೆನ್ನಾಗಿ ಹುರಿಯಿರಿ.

ನಂತರ ಮೆಣಸಿನ ಪುಡಿ, ಅರಿಶಿನ ಪುಡಿ ಮತ್ತು ಕೊತ್ತಂಬರಿ ಬೀಜಗಳನ್ನು ಸೇರಿಸಿ ಮತ್ತು 4-5 ನಿಮಿಷಗಳ ಕಾಲ ಹುರಿಯಿರಿ. ಇದಾದ ಬಳಿಕ ಮಿಕ್ಸರ್ನಲ್ಲಿ ರುಬ್ಬಿದ ಹಾಲು-ಟೊಮೊಟೊ ಮಿಶ್ರಣವನ್ನು ಹಾಕಿ, ಚೆನ್ನಾಗಿ ಬೆರೆಸಿ.

ಅಗತ್ಯವಿರುವಷ್ಟು ಉಪ್ಪು ಮತ್ತು ನೀರನ್ನು ಸೇರಿಸಿ. ಈ ಚಿಕನ್ ಮಿಶ್ರಣವನ್ನು ಕುದಿಸಿ. ನಂತರ ಸ್ವಲ್ಪ ಗಟ್ಟಿಯಾಗಿ ಗ್ರೇವಿಯಂತೆ ಆದಾಗ ಒಲೆಯನ್ನು ಆಫ್ ಮಾಡಿ. ಈಗ ಜಿಂಜರ್ ಚಿಕನ್ ಸವಿಯಲು ಸಿದ್ಧವಾಗಿದೆ. ಈ ಸ್ಪೈಸಿ ಜಿಂಜರ್ ಚಿಕನ್ ಅನ್ನು ನಿಮ್ಮ ನೆಚ್ಚಿನ ಭಕ್ಷ್ಯಗಳಾದ ಅಕ್ಕಿ ರೊಟ್ಟಿ ಮತ್ತು ಚಪಾತಿಯೊಂದಿಗೆ ತಿನ್ನಬಹುದಾಗಿದೆ.