Evening Snacks: ಚಳಿ ಜೊತೆಗೆ ಬಿಸಿ-ಬಿಸಿ ಚಿಲ್ಲಿ ಬ್ರೆಡ್​ ತಿನ್ನಿ, ಕಳೆದು ಹೋಗ್ತೀರಾ!

ಬ್ಯೂಸಿ ಶೆಡ್ಯೂಲ್ಗಳಿಂದ ಇತ್ತೀಚಿನ ದಿನಗಳಲ್ಲಿ ಅನೇಕ ಮಂದಿಗೆ ಅಡುಗೆ ಮಾಡಲು ಕೂಡ ಸಮಯವಿಲ್ಲ. ಹಾಗಾಗಿ ಕೆಲ ಮಂದಿ ಹೋಟೆಲ್ನ ಮೊರೆ ಹೋಗಿದ್ದರೆ, ಮತ್ತೆ ಕೆಲವರು ಮನೆಯಲ್ಲಿಯೇ ಬ್ರೆಡ್ ಆಮ್ಲೆಟ್, ಬ್ರೆಡ್ ಸ್ಯಾಂಡ್‌ವಿಚ್, ಬ್ರೆಡ್ ಟೋಸ್ಟ್‌ನಂತಹ ಸುಲಭವಾಗಿ ತಯಾರಿಸಬಹುದಾದ ಫುಡ್ಗಳನ್ನು ಮಾಡಿಕೊಂಡು ತಿನ್ನುತ್ತಾರೆ.

ಆದರೆ ಇವುಗಳನ್ನೇ ತಿಂದು, ತಿಂದು ಬೋರ್ ಆಗಿದ್ದರೆ, ನಾವಿಂದು ನಿಮಗೆ ಬ್ರೇಡ್​ನಲ್ಲಿಯೇ ಮಾಡಬಹುದಾದ ಹೊಸ ಟೇಸ್ಟಿ ರೆಸಿಪಿಯೊಂದನ್ನು ಹೇಳಿಕೊಡುತ್ತೇವೆ. ಅಲ್ಲದೇ ಇದನ್ನು ಬಹಳ ಸರಳವಾಗಿ ಮತ್ತು ಸುಲಭವಾಗಿ ತಯಾರಿಸಬಹುದು. ವಿಶೇಷವೆಂದರೆ ಇದನ್ನು ತಯಾರಿಸಲು ನಿಮಗೆ ಹೆಚ್ಚು ಸಮಯ ಕೂಡ ಬೇಕಿಲ್ಲ. ಅದ್ಯಾವುದು ಅಂತ ಯೋಚಿಸಬೇಡಿ, ಅದುವೇ ಟೇಸ್ಟಿ ಆ್ಯಂಡ್ ಚಿಲ್ಲಿ ಬ್ರೆಡ್ ರೆಸಿಪಿ. ಇದನ್ನು ಮಾಡುವುದೇಗೆ ಎಂಬುವುದರ ಕುರಿತ ಮಾಹಿತಿ ಈ ಕೆಳಗಿನಂತಿದೆ ನೋಡಿ.

ಚಿಲ್ಲಿ ಬ್ರೆಡ್ ಮಾಡಲು ಬೇಕಾಗಿರುವ ಸಾಮಾಗ್ರಿಗಳು: ಬ್ರೆಡ್ ಪೀಸ್ಗಳು - 5, ಕತ್ತರಿಸಿದ ಬೆಳ್ಳುಳ್ಳಿ - 1 ಟೇಬಲ್ ಸ್ಪೂನ್, ಕತ್ತರಿಸಿದ ಶುಂಠಿ - 1 ಟೇಬಲ್ ಸ್ಪೂನ್, ಕತ್ತರಿಸಿದ ಹಸಿರು ಮೆಣಸಿನಕಾಯಿಗಳು - 2 ಟೇಬಲ್ ಸ್ಪೂನ್, (ಕತ್ತರಿಸಿದ) ಈರುಳ್ಳಿ – 1, (ಕತ್ತರಿಸಿದ) ಮೆಣಸಿನಕಾಯಿ - 1, ಉಪ್ಪು - 1/4 ಚಮಚ, ಕಾಳುಮೆಣಸಿನ ಪುಡಿ - 1/2 ಚಮಚ, ವಿನೆಗರ್ – 1ಟೇಬಲ್ ಸ್ಪೂನ್, ಸೋಯಾ ಸಾಸ್ - 2 ಟೀಸ್ಪೂನ್, ಎಣ್ಣೆ – ಅಗತ್ಯಕ್ಕೆ ತಕ್ಕಷ್ಟು. ಚಿಲ್ಲಿ ಪೇಸ್ಟ್ – 1 ಟೇಬಲ್ ಸ್ಪೂನ್, ಟೊಮೆಟೊ ಕೆಚಪ್ - 2 ಚಮಚ, ಜೋಳದ ಹಿಟ್ಟು - 1 1/2 ಚಮಚ, ನೀರು - 1/4 ಕಪ್, ಈರುಳ್ಳಿ ಎಲೆ – 1ಟೇಬಲ್ ಸ್ಪೂನ್, ಕೊತ್ತಂಬರಿ ಸೊಪ್ಪು - ಒಂದು ಗೊಂಚಲು.

ಚಿಲ್ಲಿ ಬ್ರೆಡ್ ಮಾಡುವ ವಿಧಾನ: ಮೊದಲಿಗೆ, ಬ್ರೆಡ್ ಅನ್ನು ಟೋಸ್ಟ್ ಮಾಡಲು, ಬ್ರೆಡ್ ತುದಿಗಳನ್ನು ಕತ್ತರಿಸಿ ಸಣ್ಣ ತುಂಡುಗಳಾಗಿ ಕತ್ತರಿಸಿ. ಈಗ ಪ್ಯಾನ್ ಅನ್ನು ಎಣ್ಣೆಯಿಂದ ಬಿಸಿ ಮಾಡಿ. ಕತ್ತರಿಸಿದ ಬ್ರೆಡ್ ಅನ್ನು ಹಾಕಿ, ಮಧ್ಯಮ ಉರಿಯಲ್ಲಿ ಗೋಲ್ಡನ್ ಬ್ರೌನ್ ಬರುವವರೆಗೆ ಟೋಸ್ಟ್ ಮಾಡಿ.

ಮೆಣಸಿನಕಾಯಿಯನ್ನು ನೀರಿನಲ್ಲಿ ಕುದಿಸಿ ಮೆಣಸಿನಕಾಯಿ ಪೇಸ್ಟ್ ಮಾಡಲು, ಅದು ತಣ್ಣಗಾದ ನಂತರ ನುಣ್ಣಗೆ ಪೇಸ್ಟ್ ಮಾಡಿ. ನಂತರ ಒಲೆಯಲ್ಲಿ ಬಾಣಲೆಯನ್ನುಇಟ್ಟು, ಅದಕ್ಕೆ ಎಣ್ಣೆ ಹಾಕಿ, ಕತ್ತರಿಸಿದ ಬೆಳ್ಳುಳ್ಳಿ, ಶುಂಠಿ ಮತ್ತು ಹಸಿರು ಮೆಣಸಿನಕಾಯಿಯನ್ನು ಹಾಕಿ ಫ್ರೈ ಮಾಡಿ.

ಅದಾದ ನಂತರ, ಕತ್ತರಿಸಿದ ಈರುಳ್ಳಿ ಮತ್ತು ಮೆಣಸಿನಕಾಯಿಯನ್ನು ಸೇರಿಸಿ. 5 ನಿಮಿಷಗಳ ಕಾಲ ಫ್ರೈ ಮಾಡಿ. ಇದೇ ವೇಳೆ ಉಪ್ಪು ಮತ್ತು ಕಾಳುಮೆಣಸಿನ ಪುಡಿ ಸೇರಿಸಿ ಮಿಶ್ರಣ ಮಾಡಿ. ಸಿಮ್ನಲ್ಲಿ ಸ್ಟವ್ ಇಟ್ಟು, ವಿನೆಗರ್, ಸೋಯಾ ಸಾಸ್, ರುಬ್ಬಿದ ಚಿಲ್ಲಿ ಪೇಸ್ಟ್, ಟೊಮೆಟೊ ಕೆಚಪ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಈಗ ಕತ್ತರಿಸಿದ ಈರುಳ್ಳಿ ಎಲೆಗಳು ಮತ್ತು ಈರುಳ್ಳಿ ಸೇರಿಸಿ, ಅದನ್ನೂ ಮಿಶ್ರಣ ಮಾಡಿ. ನಂತರ ಅದಕ್ಕೆ ನೀರು ಹಾಕಿ ಕುದಿಸಿ. ನಂತರ ಕಾರ್ನ್ ಫ್ಲೋರ್ ಮತ್ತು ನೀರನ್ನು ಹಾಕಿ ಗಂಟುಗಳಿಲ್ಲದಂತೆ ಬಾಣಲೆಗೆ ಸೇರಿಸಿ. ನಂತರ ಟೋಸ್ಟ್ ಮಾಡಿದ ಬ್ರೆಡ್ ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿ. ಕೊನೆಗೆ ಸಣ್ಣಗೆ ಹೆಚ್ಚಿದ ಈರುಳ್ಳಿ ಸೊಪ್ಪು ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿದರೆ ಮಸಾಲೆಯುಕ್ತ ಚಿಲ್ಲಿ ಬ್ರೆಡ್ ಸಿವಿಯಲು ಸಿದ್ಧ.