Paneer Manchurian: ಬಾಯಲ್ಲಿ ನೀರೂರಿಸುವ ರೆಸ್ಟೋರೆಂಟ್​ ಸ್ಟೈಲ್​ ಪನೀರ್​ ಮಂಚೂರಿ ರೆಸಿಪಿ ನಿಮಗಾಗಿ!

ಪನೀರ್ ಒಂದು ಡೈರಿ ಉತ್ಪನ್ನವಾಗಿದ್ದು, ಶುದ್ಧ ಹಾಲಿನಿಂದ ತಯಾರಿಸುವ ಪನೀರ್ ಅನ್ನು ತರವೇರಿ ಅಡುಗೆಗಳಲ್ಲಿ ಬಳಸಲಾಗುತ್ತದೆ. ಪನೀರ್ನಿಂದ ತಯಾರಿಸಿ ಆಹಾರ ಪದಾರ್ಥಗಳು ಸ್ವಾದದಿಂದ ಕೂಡಿರುವುದಷ್ಟೇ ಅಲ್ಲದೇ, ದೇಹಕ್ಕೆ ಸಾಕಷ್ಟು ಪ್ರಯೋಜನಗಳು ಸಿಗುತ್ತದೆ. ಸಾಮಾನ್ಯವಾಗಿ ಪನೀರ್ ಅನ್ನು ಇಷ್ಟಪಡದವರೇ ಇಲ್ಲ. ಇನ್ನೂ ಸಸ್ಯಾಹರಿಗಳಿಗಂತೂ ಪನೀರ್ ಅಚ್ಚುಮೆಚ್ಚು.

ಏಕೆಂದರೆ ಮಾಂಸಹಾರಿಗಳು ಚಿಕನ್​ನಿಂದ ವೆರೈಟಿ ಫುಡ್ ಮಾಡಿ ತಿಂದರೆ, ಚಿಕನ್​ನಲ್ಲಿ ಹೇಗೆ ಬಗೆಗೆಯ ಫುಡ್​ಗಳನ್ನು ತಯಾರಿಸಲಾಗುತ್ತದೆಯೋ, ಅದೇ ರೀತಿ ಪನೀರ್​ನಲ್ಲಿ ಸಸ್ಯಾಹಾರಿಗಳು ತರವೇರಿ ಟೇಸ್ಟಿ ಆಹಾರ ಪದಾರ್ಥಗಳನ್ನು ಮಾಡಿ ಸವಿಯುತ್ತಾರೆ. ಸದ್ಯ ನಾವಿಂದು ಚಿಕನ್ ಮಂಚೂರಿಯಂತೆ, ಸಸ್ಯಾಹಾರಿಗಳಿಗಾಗಿ ಪನೀರ್​ನಿಂದ ಮಾಡುವ ಪನೀರ್ ಮಂಚೂರಿಯನ್ನು ಮಾಡುವುದು ಹೇಗೆ ಎಂದು ಹೇಳಿಕೊಡುತ್ತೇವೆ ಬನ್ನಿ.

ಪನೀರ್ ಹುರಿಯಲು ಬೇಕಾಗಿರುವ ಪದಾರ್ಥಗಳು: ಪನೀರ್ - 400 ಗ್ರಾಂ, ಮೈದಾ – 2ಟೇಬಲ್ ಸ್ಪೂನ್, ಕಾರ್ನ್ ಫ್ಲೋರ್ - 4 ಚಮಚ, ಉಪ್ಪು - 1/2 ಚಮಚ, ಕಾಳುಮೆಣಸಿನ ಪುಡಿ - 1/2 ಚಮಚ, ಮೆಣಸಿನ ಪುಡಿ - 1 ಚಮಚ, ಎಣ್ಣೆ – ಅಗತ್ಯಕ್ಕೆ ತಕ್ಕಷ್ಟು.

ಪನೀರ್ ಮಂಚೂರಿಯನ್ ಮಾಡಲು ಬೇಕಾಗಿರುವ ಸಾಮಾಗ್ರಿಗಳು: ಎಣ್ಣೆ - 3 ಟೀಸ್ಪೂನ್, ಕತ್ತರಿಸಿದ ಬೆಳ್ಳುಳ್ಳಿ - 1 ಚಮಚ, ಕತ್ತರಿಸಿದ ಶುಂಠಿ - 1 ಚಮಚ, ಕತ್ತರಿಸಿದ ಈರುಳ್ಳಿ - 1, ಮೆಣಸಿನ ಪುಡಿ - 2 ಚಮಚ, ಕಾಳುಮೆಣಸಿನ ಪುಡಿ - 1/2 ಚಮಚ, ಟೊಮೆಟೊ ಕೆಚಪ್ - 1/2 ಕಪ್, ಸೋಯಾ ಸಾಸ್ - 2 ಟೀಸ್ಪೂನ್, ಕಾರ್ನ್ ಫ್ಲೋರ್ ಮಿಶ್ರಣ - 1/2 ಕಪ್, ಈರುಳ್ಳಿ ಹೂ - 2, ಈರುಳ್ಳಿ ಎಲೆ ಪಾಲಕ್ - ಕಾಲು ಕಪ್.

ಪನೀರ್ ಮಂಚೂರಿಯನ್ ಮಾಡುವ ವಿಧಾನ: ಮೊದಲು ಪನೀರ್ ಅನ್ನು ಉದ್ದವಾಗಿ ಕತ್ತರಿಸಿ. ನಂತರ, ಒಂದು ಪಾತ್ರೆಯಲ್ಲಿ ಮೈದಾ, ಕಾರ್ನ್ ಫ್ಲೋರ್, ಉಪ್ಪು, ಕಾಳುಮೆಣಸಿನ ಪುಡಿ ಹಾಕಿ ಅದಕ್ಕೆ ಸ್ವಲ್ಪ ನೀರು ಬೆರೆಸಿ ಮತ್ತು ಕತ್ತರಿಸಿದ ಪನೀರ್ ಸೇರಿಸಿ, ಮಿಶ್ರಣ ಮಾಡಿ.

ಈಗ ಬಾಣಲೆಯಲ್ಲಿ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಮಸಾಲಾ ಬೆರೆಸಿದ ಪನ್ನಿರನ್ನು ಹಾಕಿ ಹುರಿಯಿರಿ. ಅದಾದ ನಂತರ, ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ. ಕತ್ತರಿಸಿದ ಬೆಳ್ಳುಳ್ಳಿ ಮತ್ತು ಶುಂಠಿಯನ್ನು ಫ್ರೈ ಮಾಡಿ. ನಂತರ ಕತ್ತರಿಸಿದ ಈರುಳ್ಳಿ ಸೇರಿಸಿ, 3 ನಿಮಿಷಗಳ ಕಾಲ ಹುರಿಯಿರಿ.

ಈರುಳ್ಳಿ ಜೊತೆಗೆ, ಮೆಣಸಿನ ಪುಡಿ ಹಾಕಿ ಮತ್ತೆ ಹುರಿಯಿರಿ. ಇದಾದ ನಂತರ, ಟೊಮೆಟೊ ಕೆಚಪ್, ಸೋಯಾ ಸಾಸ್ ಸೇರಿಸಿ, ಮಧ್ಯಮ ಉರಿಯಲ್ಲಿ ಮಿಶ್ರಣ ಮಾಡಿ. ನಂತರ ಸ್ವಲ್ಪ ನೀರು ಹಾಕಿ 2 ನಿಮಿಷ ಕುದಿಸಿ.

ನಂತರ ಗಂಟು ಇಲ್ಲದಂತೆ ಕಾರ್ನ್ ಫ್ಲೋರ್ ಅನ್ನು ನೀರಿನಲ್ಲಿ ಕರಗಿಸಿ ಮಿಶ್ರಣಕ್ಕೆ ಸೇರಿಸಿ. ಬಳಿಕ ಹುರಿದ ಪನೀರ್ ಹಾಕಿ ಮಿಕ್ಸ್ ಮಾಡಿ. ಈರುಳ್ಳಿ, ಈರುಳ್ಳಿ ಹೂ ಮತ್ತು ಸೊಪ್ಪನ್ನು ಹಾಕಿ ಮತ್ತೆ ಮಿಕ್ಸ್ ಮಾಡಿದರೆ ರುಚಿಯಾದ ಪನೀರ್ ಮಂಚೂರಿಯನ್ ರೆಡಿ ಟೂ ಈಟ್.