Jackfruit Chips: ಈ ವಿಧಾನ ಬಳಸಿ- ಮನೆಯಲ್ಲೇ ಗರಿಗರಿಯಾದ ಹಲಸಿನಕಾಯಿ ಚಿಪ್ಸ್​​ ಮಾಡಿ

ಮೊದಲಿಗೆ ಮರದಿಂದ ಹಸಿರಾದ ಬೆಳೆದ ಹಲಸಿನಕಾಯಿಗಳನ್ನು ಕೊಯ್ದು ತಂದು ನಂತರ ಅದನ್ನು ಸರಿಯಾಗಿ ಕತ್ತರಿಸಿ ಮೇಣ ತೆಗೆಯಿರಿ. ನಂತರ ಅದನ್ನು ಮುಂದಿನ ಹಂತವಾಗಿ ನಾವು ಹೇಳಿರುವಂತೆ ಮಾಡಿ.

ಈ ರೀತಿ ಹಲಸಿನ ತೊಳೆಗಳನ್ನು ಒಂದೊಂದಾಗಿ ಬಿಡಿಸಿ. ಅದರಲ್ಲಿರುವ ಬೀಜವನ್ನು ತೆಗೆಯಿರಿ. ನಂತರ ಅದನ್ನು ಉದ್ದನೆಯ ಆಕಾರದಲ್ಲಿ ಕತ್ತರಿಸಿ.

ನಂತರ ಒಂದು ದೊಡ್ಡ ಬಾಣಲೆಗೆ ತುಂಬಾ ಎಣ್ಣೆ ಹಾಕಿ. ಆ ಎಣ್ಣೆ ಚೆನ್ನಾಗಿ ಕಾಯುವಂತೆ ಮಾಡಿ. ಎಣ್ಣೆ ಕಾದಿದೆಯಾ ನೋಡಲು ಒಂದು ಹಲಸಿನಕಾಯಿ ಚಿಪ್ಸ್​ ಚೂರು ಹಾಕಿ.

ನಂತರ ಎಣ್ಣೆ ಕಾದಿದೆ ಎಂದು ತಿಳಿದರೆ ನಂತರ ನೀವು ಕಟ್​ ಮಾಡಿದ ಚಿಪ್ಸ್​ ತುಂಡುಗಳನ್ನು ಬಾಣಲೆಗೆ ಬಿಡಿ. ನಂತರ  ಅದರಲ್ಲಿ ಒಂದು ರೀತಿ ಶಬ್ಧ ಬರುತ್ತದೆ ಆ ಶಬ್ಧ ನಿಂತ ನಂತರ ಅದನ್ನು ಎಣ್ಣೆಯಿಂದ ಹೊರತೆಗೆಯಿರಿ.

ತುಂಬಾ ಹೊತ್ತು ಹಾಗೇ ಬಿಟ್ಟರೆ ಅದು ಕಂದು ಬಣ್ಣಕ್ಕೆ ತಿರುಗುತ್ತದೆ. ಆದ್ದರಿಂದ ಅದಕ್ಕಿಂತ ಮುಂಚಿತವಾಗಿ ಎಣ್ಣೆಯಿಂದ ಹೊರತೆಗೆಯಿರಿ. ಕೆಲವರು ಎಣ್ಣೆಯಲ್ಲೇ ಉಪ್ಪನ್ನು ಹಾಕುತ್ತಾರೆ.

ಇನ್ನು ಕೆಲವರು ಎಣ್ಣೆಗೆ ಹಲಸಿನಕಾಯಿ ತುಂಡುಗಳನ್ನು ಹಾಕಿದ ತಕ್ಷಣ ಬಾಣಲೆಗೆ ಉಪ್ಪು ಹಾಕುತ್ತಾರೆ. ಇದು ರೂಢಿ ಇಲ್ಲದವರಿಗೆ ಕಷ್ಟವಾಗಬಹುದು. ಈ ರೀತಿಯೂ ನೀವು ಮಾಡಬಹುದು.

ಎಣ್ಣೆಯಿಂದ ಹೊರತೆಗೆದ ನಂತರ ನೀವು ಅದಕ್ಕೆ ಉಪ್ಪು, ಅರಶಿನ, ಖಾರದ ಪುಡಿ, ಬೇಕಾದರೆ ಬ್ಲಾಕ್​ ಸಾಲ್ಟ್​ ಕೂಡಾ ಹಾಕಬಹುದು.