Skin Facial: ಐಸ್ ವಾಟರ್ ಫೇಶಿಯಲ್ ಬಗ್ಗೆ ಗೊತ್ತಾ? ಇದ್ರಿಂದ ನಿಮ್ಮ ಮುಖ ಕಾಂತಿಯಿಂದ ಕಂಗೊಳಿಸುತ್ತೆ!

ಬೇಸಿಗೆಯಲ್ಲಿ ಚರ್ಮದ ದದ್ದು, ಮೊಡವೆ ಸಮಸ್ಯೆ ಹೆಚ್ಚುತ್ತವೆ. ಸೂರ್ಯನ ಹಾನಿಕಾರಕ ಕಿರಣಗಳ ಪರಿಣಾಮವು ಚರ್ಮಕ್ಕೆ ಹಾನಿ ಮಾಡುತ್ತವೆ. ಸರಿಯಾದ ಕಾಳಜಿಯಿಂದ ತ್ವಚೆಯ ಆರೋಗ್ಯ ಕಾಪಾಡಬಹುದು. ಇದಕ್ಕಾಗಿ ಮಹಿಳೆಯರು ವಿವಿಧ ಮನೆಮದ್ದು ಬಳಸುತ್ತಾರೆ. ಇದಕ್ಕಾಗಿ ನೀವು ಐಸ್ ವಾಟರ್ ಫೇಶಿಯಲ್ ಮಾಡಬಹುದು.

ಐಸ್ ವಾಟರ್ ಫೇಶಿಯಲ್ ಯಾವುದೇ ಅಡ್ಡ ಪರಿಣಾಮ ನೀಡಲ್ಲ. ಇದು ಹೇಗೆ ಕೆಲಸ ಮಾಡುತ್ತದೆ ನೋಡೋಣ. ಮೊದಲು ಐಸ್ ಫೇಶಿಯಲ್ ನಿಮ್ಮ ಚರ್ಮಕ್ಕೆ ಹೇಗೆ ಪ್ರಯೋಜನ ನೀಡುತ್ತದೆ ಎಂದು ತಿಳಿಯೋಣ. ಕಣ್ಣುಗಳ ಕೆಳಗೆ ಪಫಿನೆಸ್ ಮತ್ತು ಕಪ್ಪು ವಲಯ ನಿವಾರಣೆಗೆ ಸಹಕಾರಿ.

ನಿದ್ರೆಯ ಕೊರತೆಯಿಂದ ಕಣ್ಣುಗಳು ಊದಿಕೊಳ್ಳುತ್ತವೆ. ಇದಕ್ಕಾಗಿ ಸರಿಯಾದ ನಿದ್ರೆ ಮಾಡುವುದರ ಜೊತೆಗೆ ಐಸ್ ಫೇಶಿಯಲ್ ಮಾಡಿ. ಕಪ್ಪು ವರ್ತುಲ ಸಮಸ್ಯೆಯಿಂದ ಪರಿಹಾರ ಪಡೆಯಲು ಐಸ್ ಫೇಶಿಯಲ್ ಮಾಡಿ. ಇದಕ್ಕಾಗಿ ಹತ್ತಿ ಬಟ್ಟೆಯಲ್ಲಿ ಐಸ್ ತುಂಡು ಸುತ್ತಿ ಕಣ್ಣುಗಳ ಕೆಳಗೆ ಹಚ್ಚಿರಿ. ಇದು ಸಮಸ್ಯೆ ಕಡಿಮೆ ಮಾಡುತ್ತದೆ.

ತ್ವಚೆಯ ಆರೈಕೆ ಉತ್ಪನ್ನಗಳಾದ ಸೀರಮ್, ಫೇಸ್ ಪ್ಯಾಕ್ ಇತ್ಯಾದಿ ತ್ವಚೆಯ ಮೇಲೆ ಹಚ್ಚಿರಿ. ಅದಕ್ಕೂ ಮೊದಲು ಐಸ್ ಫೇಶಿಯಲ್ ಮಾಡಿ. ಚರ್ಮದ ಒಳ ಪದರಗಳಲ್ಲಿ ಇದು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಸನ್ ಟ್ಯಾನಿಂಗ್ ನಿವಾರಣೆಗೆ ಸಹಕಾರಿ. ಐಸ್ ಫೇಶಿಯಲ್ ತ್ವಚೆಗೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ. ಸನ್ ಬರ್ನ್, ಟ್ಯಾನಿಂಗ್, ರಕ್ತ ಪರಿಚಲನೆ ಹೆಚ್ಚಿಸಿ, ನೈಸರ್ಗಿಕವಾಗಿ ಹೊಳೆಯುವಂತೆ ಕಾಣುತ್ತದೆ.

ಮೊಡವೆ ಸಮಸ್ಯೆ ನಿವಾರಣೆಗೆ ಸಹಕಾರಿ. ಉರಿಯೂತದ ಗುಣಲಕ್ಷಣ ಕಡಿಮೆ ಆಗುತ್ತದೆ. ಮೊಡವೆ ಸಮಸ್ಯೆ ಕಡಿಮೆಯಾಗುತ್ತದೆ. ಚರ್ಮವನ್ನು ಎಕ್ಸ್ಫೋಲಿಯೇಟ್ ಮಾಡುತ್ತದೆ. ಹಾಲನ್ನು ಘನೀಕರಿಸಿ, ಐಸ್ ಕ್ಯೂಬ್‌ ಮಾಡಿ. ಇದನ್ನು ಚರ್ಮದ ಮೇಲೆ ಉಜ್ಜಿರಿ. ಹಾಲಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲವು ಸತ್ತ ಚರ್ಮದ ಕೋಶಗಳನ್ನು ತೆಗೆದು ಹಾಕುತ್ತದೆ.

ಐಸ್ ವಾಟರ್ ಫೇಶಿಯಲ್ ಮಾಡಲು ಒಂದು ಬೌಲ್‌ ನಲ್ಲಿ 10 ಐಸ್ ಕ್ಯೂಬ್‌ ತೆಗೆದುಕೊಳ್ಳಿ. ಬಟ್ಟಲಿಗೆ ಸ್ವಲ್ಪ ನೀರು ಸೇರಿಸಿ ಮತ್ತು ಐಸ್ ತುಂಡುಗಳು ಕರಗಲು ಬಿಡಿ. ನಂತರ ಚರ್ಮಕ್ಕೆ ಹಚ್ಚಿರಿ. ಪದೇಪದೇ ಕೋಟಿಂಗ್ ಮಾಡಿ. ಒಣಗಿದ ನಂತರ ತೊಳೆಯಿರಿ. ಅಕ್ಕಿಯನ್ನು ನೀರಿನಲ್ಲಿ ನೆನೆಸಿ, ಅದರ ನೀರನ್ನು ಘನೀಕರಿಸಿ, ನಂತರ ತ್ವಚೆಗೆ ಹಚ್ಚಿರಿ.

ಸೌತೆಕಾಯಿ, ನಿಂಬೆ ರಸ ಮತ್ತು ಜೇನುತುಪ್ಪ ನೀರಿನಲ್ಲಿ ಮಿಶ್ರಣ ಮಾಡಿ. ನೀರನ್ನು ಐಸ್ ಟ್ರೇಗೆ ಹಾಕಿ ಫ್ರೀಜ್ ಮಾಡಿ. ಇದನ್ನು ತ್ವಚೆಗೆ ಹಚ್ಚಿರಿ. ಅಲೋವೆರಾ ಮತ್ತು ತುಳಸಿ ಎಲೆಗಳನ್ನು ಪುಡಿಮಾಡಿ ನೀರಿನಲ್ಲಿ ಬೆರೆಸಿ ಐಸ್ ಕ್ಯೂಬ್‌ ತಯಾರಿಸಿ, ಅದನ್ನು ತ್ವಚೆಗೆ ಹಚ್ಚಿರಿ.

ದಾಲ್ಚಿನ್ನಿ ನೀರಿನಲ್ಲಿ ಕುದಿಸಿ. ನೀರು ತಣ್ಣಗಾದ ನಂತರ ಐಸ್ ಟ್ರೇಗೆ ಹಾಕಿ ಐಸ್ ಕ್ಯೂಬ್ ತಯಾರಿಸಿ, ಚರ್ಮಕ್ಕೆ ಹಚ್ಚಿರಿ. ಪ್ರತಿದಿನ ಬೆಳಿಗ್ಗೆ ಮತ್ತು ಸಂಜೆ ದಿನಕ್ಕೆ ಎರಡು ಬಾರಿ ಚರ್ಮಕ್ಕೆ ಐಸ್ ನೀರು ಹಚ್ಚಿರಿ. ಚರ್ಮವನ್ನು 30 ಸೆಕೆಂಡುಗಳಿಗಿಂತ ಹೆಚ್ಚು ಐಸ್ ನೀರಿನಲ್ಲಿ ಇರದಂತೆ ನೋಡಿಕೊಳ್ಳಿ.