Vegetarian Recipe: ಬೇಸಿಗೆಗೆ ಈ ಬಸಳೆ ಸೊಪ್ಪಿನ ಸಾಂಬಾರ್​ ಬೆಸ್ಟ್​, ಈಸಿಯಾಗಿ ಮಾಡಿ ಈ ರೆಸಿಪಿ!

ಗೃಹಿಣಿಯರು ಮನೆಯಲ್ಲಿ ನಾನಾರೀತಿಯ ಅಡುಗೆ, ರೆಸಿಪಿಗಳನ್ನು ಕಂಡುಹಿಡಿದು, ಮನೆಯವರಿಗೆ ಉಣ ಬಡಿಸುತ್ತನೇ ಇರುತ್ತಾರೆ. ನಿಮಗೆ ಹಳ್ಳಿ ಶೈಲಿಯಲ್ಲಿ ಸಾಂಬಾರ್​ ಮಾಡುವ ವಿಧಾನದ ಬಗ್ಗೆ ಇಂದು ತಿಳಿಸಿಕೊಡಲಿದ್ದೇವೆ.

ಬಸಳೆ ಸೊಪ್ಪಿನ ಸಾಂಬಾರ್​ ಬಗ್ಗೆ ಹೇಳಲಿದ್ದೇವೆ. ಇದಕ್ಕೆ ಬೇಕಾಗುವ ಸಾಮಾಗ್ರಿಗಳು: ಬಸಳೆ ಸೊಪ್ಪು, ತೊಗರಿ ಬೇಳೆ, ಈರುಳ್ಳಿ, ಅರಿಶಿಣ, ಬೆಲ್ಲ, ತುರಿದ ತೆಂಗು, ಹುಳಿ, ಕೊತ್ತೊಂಬರಿ ಸೊಪ್ಫು, ಜೀರಿಗೆ, ಮೆಂತ್ಯೆ ಕಾಳು, ಉಪ್ಪು, ಜೀರಿಗೆ, ಸಾಸಿವೆ, ಕೆಂಪು ಮೆಣಸು.

ಸಾಸಿವೆ, ಮೆಣಸು, ಜೀರಿಗೆ, ಮೆಂತ್ಯೆ ಕಾಳು, ಸಾಸಿವೆ, ತುರಿದ ತೆಂಗಿನ ಕಾಯಿಯನ್ನೆಲ್ಲಾ ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ. ಇವೆಲ್ಲವೂ ನುಣ್ಣಗೆ ಆಗಬೇಕು. ಇದು ಸಾಂಬಾರ್​ನ ಮಸಾಲೆ.

ನಂತರ ಬಸಳೆ ಸೊಪ್ಪನ್ನು ನಿಮಗೆ ಬೇಕಾದ ಹಾಗೆ ಕಟ್​ ಮಾಡಿಕೊಳ್ಳಿ. ಇದರ ಜೊತೆಗೆ ಈರುಳ್ಳಿಯನ್ನು ಕೂಡ ಕಟ್​ ಸಣ್ಣದಾಗಿ ಕತ್ತರಿಸಿಕೊಳ್ಳಿ. ಕಟ್​ ಮಾಡಿದ ಸೊಪ್ಪಿಗೆ ಹುಣಸೆ ಹಣ್ಣು ಬೆರೆಸಿಟ್ಟುಕೊಳ್ಳಿ.

ಸೊಪ್ಪಿಗೆ ನಿಮಗೆ ಬೇಕಾದಷ್ಟು ಪ್ರಮಾಣಕದಲ್ಲಿ ಉಪ್ಪು ಮತ್ತು ಬೆಲ್ಲವನ್ನು ಹಾಕಿ, 5 ನಿಮಿಷಗಳ ಕಾಲ ಚೆನ್ನಾಗಿ ಕುದಿಸಿ ಬಸಳೆ ಸೊಪ್ಪು ಮೆತ್ತಗೆ ಆಗಬೇಕು.

ಈ ಸೊಪ್ಪು ಬೆಂದ ನಂತರದಲ್ಲಿ, ಆಗಲೇ ರುಬ್ಬಿಕೊಂಡ ಮಸಾಲೆ ಪದಾರ್ಥಗಳನ್ನು ಈ ಪಾತ್ರೆಗೆ ಸುರಿಯಬೇಕು. ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನು ಸರಿಸುಮಾರು 10 ನಿಮಿಷವಾದ್ರೂ ಕುದಿಸಬೇಕು. ತುಂಬಾ ಗಟ್ಟಿಯಾಗಿದ್ರೆ ಸ್ವಲ್ಪ ನೀರನ್ನು ಹಾಕಿ.

ಇದಾದ ನಂತರ ನೀವು ಒಗ್ಗರಣೆಯನ್ನು ಸಿದ್ಧಪಡಿಸಿಕೊಳ್ಳಿ. ಇಂಗು ಬೇಕಾದ್ರೆ ಹಾಕಬಹುದು. ಕೊನೆಗೆ ಆ ಬೇಯಿಸಿದ ಸಾಂಬಾರ್​ ಪಾತ್ರೆಗೆ ಈ ಒಗ್ಗರಣೆಯನ್ನು ಹಾಕಿ ಮಿಶ್ರಣ ಮಾಡಿ. ಇಷ್ಟೆಲ್ಲಾ ಆದ ನಂತರ ರುಚಿ ರುಚಿಯಾದ ಬಸಳೆ ಸೊಪ್ಪಿನ ಸಾಂಬಾರ್​ ಸಿದ್ಧವಾಗಿರುತ್ತದೆ. ಈ ಸಾಂಬಾರ್​ನ್ನು ಅನ್ನದ ಜೊತೆಗೆ, ಪುಂಡಿ ಅಥವಾ ಮುದ್ದೆಗೆ ಹಾಕಿ ತಿಂದ್ರೆ ಸಖತ್​ ಟೇಸ್ಟ್​ ಇರುತ್ತೆ.