Beauty Tips: ಮೇಕಪ್ ಮಾಡದೇ ಸುಂದರವಾಗಿ ಕಾಣಲು ಸಿಂಪಲ್ ಹ್ಯಾಕ್ಸ್

ಶಾಲೆ ಮತ್ತು ಕಾಲೇಜಿಗೆ ಹೋಗುವ ಹುಡುಗಿಯರಿಂದ ಹಿಡಿದು ಕಚೇರಿಗೆ ಹೋಗುವ ಹುಡುಗಿಯರವರೆಗೆ, ಮಧ್ಯವಯಸ್ಕ ಹುಡುಗಿಯರು ಪ್ರತಿದಿನ ಬೆಳಗ್ಗೆ ಸುಂದರವಾಗಿ ಕಾಣಲು ಅನೇಕ ಮೇಕಪ್ ಉತ್ಪನ್ನಗಳನ್ನು ಬಳಸುತ್ತಾರೆ.

ಪ್ರೈಮರ್, ಫೌಂಡೇಶನ್, ಕನ್ಸೀಲರ್, ಪೌಡರ್, ಅಂಡರ್ ಐ ಉತ್ಪನ್ನಗಳು, ಪಟ್ಟಿ ಮುಂದುವರಿಯುತ್ತದೆ. ಆದರೆ ಈ ಉತ್ಪನ್ನಗಳು ಚರ್ಮದ ಮೇಲೆ ಬೀರುವ ಪರಿಣಾಮಗಳ ಬಗ್ಗೆ ಯಾರೂ ಯೋಚನೆ ಮಾಡುವುದಿಲ್ಲ. ಮೇಕಪ್ ಉತ್ಪನ್ನಗಳು ದಿನನಿತ್ಯ ಬಳಸಿದಾಗ ಕೆಲವೊಮ್ಮೆ ಚರ್ಮದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಅದಕ್ಕೆ ಕಾರಣ ಅದರಲ್ಲಿರುವ ರಾಸಾಯನಿಕಗಳು. ಹಾಗಾಗಿ ಮೇಕಪ್ ಇಲ್ಲದೆಯೇ ಸುಂದರ ನೋಟವನ್ನು ಪಡೆಯಲು ಏನು ಮಾಡಬೇಕು ಎಂಬುದು ಇಲ್ಲಿದೆ.

ಆರೋಗ್ಯಕರ ಆಹಾರ
ನಿಮ್ಮ ಒಟ್ಟಾರೆ ಆರೋಗ್ಯಕ್ಕೆ ಅಗತ್ಯವಾದ ಆಹಾರಗಳನ್ನು ತಿನ್ನುವುದು ನೈಸರ್ಗಿಕವಾಗಿ ಹೊಳೆಯುವ ಚರ್ಮವನ್ನು ಪಡೆಯಲು ಪ್ರಮುಖ ಮಾರ್ಗವಾಗಿದೆ. ಆರೋಗ್ಯಕರ ತ್ವಚೆಯನ್ನು ಪಡೆಯಲು ನಿಮ್ಮ ದೈನಂದಿನ ಆಹಾರಕ್ರಮವು ಪೌಷ್ಟಿಕಾಂಶದ ಹಣ್ಣುಗಳು ಮತ್ತು ತರಕಾರಿಗಳನ್ನು ಒಳಗೊಂಡಿರಬೇಕು.

ನೀರು
ದಿನಕ್ಕೆ 3 ರಿಂದ 4 ಲೀಟರ್ ನೀರು ಕುಡಿಯುವುದು ದೇಹಕ್ಕೆ ಮಾತ್ರವಲ್ಲದೆ ಚರ್ಮಕ್ಕೂ ಒಳ್ಳೆಯದು. ಹೆಚ್ಚು ನೀರು ಕುಡಿಯುವುದರಿಂದ ದೇಹದಲ್ಲಿರುವ ವಿಷಕಾರಿ ಅಂಶ ಹೊರಹೋಗುತ್ತದೆ. ಆದ್ದರಿಂದ ನಿಮ್ಮ ಚರ್ಮವು ತೇವಾಂಶ ಭರಿತವಾಗಿ, ಸುಂದರವಾಗಿರುತ್ತದೆ. ಇದು ಸುಕ್ಕುಗಳನ್ನು ತಡೆಯಲು, ಚರ್ಮದ ಸ್ಥಿತಿಸ್ಥಾಪಕತ್ವವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ನಿದ್ದೆ
ಆರೋಗ್ಯಕರ ಆಹಾರದ ಜೊತೆಗೆ ರಾತ್ರಿಯ ನಿದ್ರೆಯು ಚರ್ಮದ ಸೌಂದರ್ಯ ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ನಾವು ನಿದ್ದೆ ಮಾಡುವಾಗ ನಮ್ಮ ದೇಹವು ಸ್ವತಃ ರಿಪೇರಿ ಆಗುತ್ತದೆ. ಆದ್ದರಿಂದ ಅದಕ್ಕೆ ಅವಕಾಶ ನೀಡಿ, ಪ್ರತಿದಿನ 6 - 8 ಗಂಟೆಗಳ ನಿದ್ರೆಯನ್ನು ಪಡೆಯುವುದು ನೀವು ಬೆಳಗ್ಗೆ ಎದ್ದಾಗ ಸುಂದರವಾಗಿ ಕಾಣಲು ಸಹಾಯ ಮಾಡುತ್ತದೆ.

ಪದಾರ್ಥಗಳಿಗೆ ಗಮನ ಕೊಡಿ
ನೀವು ಬಳಸುವ ತ್ವಚೆ ಉತ್ಪನ್ನಗಳಲ್ಲಿ ಒಳಗೊಂಡಿರುವ ಪದಾರ್ಥಗಳಿಗೆ ಗಮನ ಕೊಡಿ. ಚರ್ಮವನ್ನು ಹಾಳು ಮಾಡುವ ಅಥವಾ ನಿಮ್ಮ ಕೂದಲಿನ ಆರೋಗ್ಯಕ್ಕೆ ಹಾನಿಯುಂಟುಮಾಡುವ ಪ್ಯಾರಾಬೆನ್ಗಳು, ಪೆಟ್ರೋಕೆಮಿಕಲ್ಗಳು, ಸಲ್ಫೇಟ್ಗಳನ್ನು ಸೇರಿಸಿದ ಉತ್ಪನ್ನಗಳನ್ನು ಬಳಸಬೇಡಿ. ನೈಸರ್ಗಿಕ ಪದಾರ್ಥಗಳನ್ನು ಒಳಗೊಂಡಿರುವ ಉತ್ಪನ್ನಗಳಿಗೆ ಒತ್ತು ನೀಡಿ.

ವರ್ಕೌಟ್
ವಾರದಲ್ಲಿ ಕನಿಷ್ಠ 3-4 ಗಂಟೆಗಳ ಕಾಲ ವರ್ಕೌಟ್ ಮಾಡುವುದು ದೈಹಿಕ ಆರೋಗ್ಯದ ಮೇಲೆ ಮಾತ್ರವಲ್ಲದೆ ಚರ್ಮದ ಆರೋಗ್ಯದ ಮೇಲೂ ಸಕಾರಾತ್ಮಕ ಪರಿಣಾಮ ಬೀರುತ್ತದೆ. ದೈನಂದಿನ ದೈಹಿಕ ಚಟುವಟಿಕೆಯು ರಕ್ತ ಪರಿಚಲನೆ ಸುಧಾರಿಸುತ್ತದೆ. ದೇಹದಿಂದ ವಿಷವನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಚರ್ಮಕ್ಕೆ ಸರಬರಾಜು ಮಾಡುವ ಆಮ್ಲಜನಕದ ಪ್ರಮಾಣವನ್ನು ಹೆಚ್ಚಿಸುತ್ತದೆ, ಒತ್ತಡವನ್ನು ಕಡಿಮೆ ಮಾಡುತ್ತದೆ.

ತ್ವಚೆಯ ಆರೈಕೆ ದಿನಚರಿ
ನಿಮ್ಮ ಚರ್ಮವನ್ನು ಆರೋಗ್ಯಕರವಾಗಿ ಮತ್ತು ಹೊಳೆಯುವಂತೆ ಇರಿಸಿಕೊಳ್ಳಲು ನೀವು ಪ್ರತಿದಿನ ನಿಮ್ಮ ಚರ್ಮಕ್ಕೆ ಸೂಕ್ತವಾದ ತ್ವಚೆಯ ಆರೈಕೆಯ ಕ್ರಮ ಅನುಸರಿಸಬೇಕು. ನಿಮ್ಮ ಚರ್ಮದ ಪ್ರಕಾರವನ್ನು ಆಧರಿಸಿ ನಿಮ್ಮ ತ್ವಚೆಯ ಆರೈಕೆಯಲ್ಲಿ ಉತ್ಪನ್ನಗಳನ್ನು ಆಯ್ಕೆಮಾಡಿ ಮತ್ತು ಬಳಸಿ. ಕಠಿಣ ರಾಸಾಯನಿಕಗಳಿಂದ ಮುಕ್ತವಾಗಿರುವ ಚರ್ಮದ ಆರೈಕೆ ಉತ್ಪನ್ನಗಳನ್ನು ಆರಿಸಿ. ಮಲಗುವ ಮುನ್ನ ನಿಮ್ಮ ಚರ್ಮವನ್ನು ಸ್ವಚ್ಛಗೊಳಿಸುವ ಅಭ್ಯಾಸವನ್ನು ಮಾಡಿಕೊಳ್ಳಿ

ಎಕ್ಸ್ಫೋಲಿಯೇಶನ್
ಎಕ್ಸ್ಫೋಲಿಯೇಶನ್ ತ್ವಚೆಯ ಆರೈಕೆಯ ಒಂದು ಪ್ರಮುಖ ಭಾಗವಾಗಿದೆ. ಇದು ಹೊಸ, ಆರೋಗ್ಯಕರ ಕೋಶಗಳೊಂದಿಗೆ ಚರ್ಮವನ್ನು ಪುನರುತ್ಪಾದಿಸಲು ಸಹಾಯ ಮಾಡುತ್ತದೆ. ಆದ್ದರಿಂದ ನೀವು ಸೌಮ್ಯವಾದ ಎಕ್ಸ್ಫೋಲಿಯೇಟರ್ ಅನ್ನು ಬಳಸಿ. ಇದು ಚರ್ಮದ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತದೆ.

ಸನ್​ ಸ್ಕ್ರೀನ್​
ಸನ್​ ಸ್ಕ್ರೀನ್​ ಅನ್ನು ಬೇಸಿಗೆಯಲ್ಲಿ ಮಾತ್ರ ಬಳಸಬೇಕಾಗಿಲ್ಲ. ಸೂರ್ಯನಿಂದ ಬರುವ UVA, UVB, UVC ಕಿರಣಗಳು ಅಕಾಲಿಕ ವಯಸ್ಸಾದ ಪ್ರಕ್ರಿಯೆಯನ್ನು ವೇಗಗೊಳಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ಆದ್ದರಿಂದ ವರ್ಷದ ಎಲ್ಲಾ ಸೀಸನ್​ನಲ್ಲಿ ಸನ್ ಸ್ಕ್ರೀನ್ ಅನ್ನು ಬಳಸುವುದರಿಂದ ಈ ಪರಿಣಾಮಗಳನ್ನು ಕಡಿಮೆ ಮಾಡಬಹುದು. ಸನ್​ ಸ್ಕ್ರೀನ್​ಅನ್ನು ನಿಯಮಿತವಾಗಿ ಬಳಸುವುದರಿಂದ ಕಪ್ಪು ಕಲೆಗಳು ಮತ್ತು ಹೈಪರ್ಪಿಗ್ಮೆಂಟೇಶನ್ ಅನ್ನು ತಡೆಯುತ್ತದೆ.

ಒತ್ತಡವನ್ನು ಕಡಿಮೆ ಮಾಡಿ
ಕೂದಲು ಉದುರುವುದು, ಕೂದಲು ಅಕಾಲಿಕವಾಗಿ ಬಿಳಿಯಾಗುವುದು, ಮೊಡವೆಗಳಂತಹ ಅನೇಕ ಸಮಸ್ಯೆಗಳಿಗೆ ಅನಗತ್ಯ ಒತ್ತಡವೇ ಕಾರಣ. ಆದ್ದರಿಂದ ನೀವು ಒತ್ತಡವನ್ನು ಕಡಿಮೆ ಮಾಡಲು ದೈನಂದಿನ ಧ್ಯಾನ, ನೆಚ್ಚಿನ ಸಂಗೀತವನ್ನು ಆಲಿಸುವುದು ಮಾಡಿ.

ಗ್ರೀನ್ ಟೀ
ಹಸಿರು ಚಹಾವನ್ನು ಕುಡಿಯುವುದು ಚರ್ಮದ ಪ್ರಯೋಜನಗಳನ್ನು ನೀಡುತ್ತದೆ ಎಂದು ಹಲವಾರು ಅಧ್ಯಯನಗಳು ತೋರಿಸಿವೆ. ಗ್ರೀನ್ ಟೀ ತ್ವಚೆಯನ್ನು ಯಂಗ್ ಆಗಿ ಕಾಣುವಂತೆ ಮಾಡುವುದಲ್ಲದೆ ಚರ್ಮದ ಕ್ಯಾನ್ಸರ್ ಅನ್ನು ತಡೆಯುವ ಶಕ್ತಿ ಹೊಂದಿದೆ. ಪೋಷಕಾಂಶಗಳು ಮತ್ತು ಉತ್ಕರ್ಷಣ ನಿರೋಧಕಗಳಿಂದ ತುಂಬಿರುವ, ಹಸಿರು ಚಹಾದಲ್ಲಿರುವ ಕ್ಯಾಟೆಚಿನ್ಗಳು ಜೀವಕೋಶದ ಹಾನಿಯನ್ನು ತಡೆಯುವ ಒಂದು ರೀತಿಯ ಆ್ಯಂಟಿ ಆಕ್ಸಿಡೆಂಟ್ ಎನ್ನಬಹುದು.