Summer Hacks: ಜಸ್ಟ್ 70 ರೂ ಖರ್ಚು ಮಾಡಿ, ಈ ಬೇಸಿಗೆಯಲ್ಲಿ ನಿಮ್ಮ ಫ್ಯಾನ್ ತಣ್ಣನೆಯ ಗಾಳಿ ಕೊಡುತ್ತೆ

ನಿಮ್ಮ ಮನೆಯ ಫ್ಯಾನ್ ಗಳು ಅಗತ್ಯಕ್ಕಿಂತ ಹೆಚ್ಚು ನಿಧಾನವಾಗಿ ಓಡಲು ಪ್ರಾರಂಭಿಸಿದರೆ, ಅದಕ್ಕೆ ಹಲವು ಕಾರಣಗಳಿರಬಹುದು. ಫ್ಯಾನಿನ ವೇಗವನ್ನು ಹೆಚ್ಚಿಸುವುದು ಕಷ್ಟದ ಕೆಲಸವಲ್ಲ. ಆದರೆ ಗಾಳಿ ತಣ್ಣಗೆ ಬರಲ್ಲ ಅನ್ನೋದು ಸತ್ಯ. ನಿಮ್ಮ ಫ್ಯಾನ್ ಗಾಳಿ ತಣ್ಣಗೆ ಬರಬೇಕು ಎಂದರೆ ನೀವು ಜಸ್ಟ್ 70-80 ರೂಪಾಯಿ ಖರ್ಚು ಮಾಡಬೇಕಷ್ಟೇ.

ಎಲ್ಲರ ಮನೆಯಲ್ಲೂ ಫ್ಯಾನ್ ಅಳವಡಿಸಲಾಗಿದೆ. ಕೂಲರ್, ಎಸಿ ಕೊಳ್ಳಲಾಗದ ಕೆಲವರು ಬೇಸಿಗೆಯಲ್ಲೂ ಫ್ಯಾನ್ ಹಾಕಿಕೊಂಡು ಕೆಲಸ ಮಾಡುತ್ತಾರೆ. ಆದರೆ ಚಳಿಗಾಲದಲ್ಲಿ ಅನೇಕ ದಿನಗಳವರೆಗೆ ಫ್ಯಾನ್ ಆನ್ ಆಗಿರುವುದಿಲ್ಲ. ಇದರಿಂದ ಬೇಸಿಗೆಯಲ್ಲಿ ಅದನ್ನು ಓಡಿಸಿದಾಗ, ಅದರ ವೇಗವು ಕಡಿಮೆಯಾಗಿದೆ ಎಂದು ನಾವೆಲ್ಲರೂ ಭಾವಿಸುತ್ತೇವೆ. ಬೇಸಿಗೆಯಲ್ಲಿ ಫ್ಯಾನ್ ವೇಗವಾಗಿ ಓಡದಿದ್ದರೆ ಹೀಗೆ ಮಾಡಿ.

ನಿಮ್ಮ ಫ್ಯಾನ್ ನಿಧಾನಕ್ಕೆ ಓಡಲು ಅಥವಾ ಬಿಸಿ ಗಾಳಿ ಕೊಡಲು ಪ್ರಮುಖ ಕಾರಣವೆಂದರೆ ಫ್ಯಾನ್ ಬ್ಲೇಡ್ ಗಳು ಧೂಳಿನಿಂದ ತುಂಬಿರುವುದು. ಇದು ಫ್ಯಾನ್ ನಿಂದ ಉತ್ಪತ್ತಿಯಾಗುವ ಗಾಳಿಯ ಪ್ರಸರಣದ ಮೇಲೆ ಗಂಭೀರವಾಗಿ ಪರಿಣಾಮ ಬೀರುತ್ತದೆ.

ಫ್ಯಾನಿನ ರೆಕ್ಕೆಗಳನ್ನು ಸ್ವಚ್ಛಗೊಳಿಸುವ ಮೊದಲು ಫ್ಯಾನ್ ಅನ್ನು ಸ್ವಿಚ್ ಆಫ್ ಮಾಡಲು ಮರೆಯಬೇಡಿ. ಫ್ಯಾನ್ ಅನ್ನು ಸ್ವಿಚ್ ಆಫ್ ಮಾಡಿದ ನಂತರ, ಫ್ಯಾನ್ ಬ್ಲೇಡ್ ಗಳನ್ನು ಮೊದಲು ಒಣ ಬಟ್ಟೆಯಿಂದ ಮತ್ತು ನಂತರ ಒದ್ದೆಯಾದ ಬಟ್ಟೆಯಿಂದ ಸ್ವಚ್ಛಗೊಳಿಸಬೇಕು.

ನೀವು ಮೊದಲು ಒದ್ದೆಯಾದ ಬಟ್ಟೆಯನ್ನು ಬಳಸಿದರೆ, ಎಲ್ಲಾ ಧೂಳಿನ ಕಣಗಳು ಫ್ಯಾನಿನ ರೆಕ್ಕೆಗಳಿಗೆ ಅಂಟಿಕೊಳ್ಳುತ್ತವೆ. ಫ್ಯಾನ್ ಸರಿಯಾಗಿ ಕ್ಲೀನ್ ಆಗಲ್ಲ.

ಈ ವಿಧಾನದ ಬಳಿಕವೂ ನಿಮ್ಮ ಫ್ಯಾನ್ ಜೋರಾಗಿ ಓಡದಿದ್ದರೆ, ಕೆಪಾಸಿಟರ್ ಅನ್ನು ಹೆಚ್ಚಿಸುವ ಮೂಲಕ ನೀವು ಫ್ಯಾನ್ ವೇಗವನ್ನು ಗಮನಿಸಿ. ಆಗಲೂ ತಣ್ಣಗೆ ಗಾಳಿ ಬರದಿದ್ದರೆ ಹೊಸ ಕೆಪಾಸಿಟರ್ ಹಾಕಿ. ಇದಕ್ಕೆ ಕೇವಲ 70-80 ರೂ. ವೆಚ್ಚವಾಗುತ್ತೆ.

ಕೆಪಾಸಿಟರ್ ಅನ್ನು ಬದಲಾಯಿಸುವುದು ಅಷ್ಟು ಕಷ್ಟವಲ್ಲ. ಆದರೆ ನೀವೇ ಅದನ್ನು ಮಾಡಬಹುದು. ಹಳೆಯದನ್ನು ತೆಗೆಯುವಾಗ ಅದರ ಸ್ಥಾನವನ್ನು ಪರಿಶೀಲಿಸಿ, ನಂತರ ಅದಕ್ಕೆ ಅನುಗುಣವಾಗಿ ಹೊಸದನ್ನು ಬದಲಾಯಿಸಿ. ಈ ರೀತಿ ಕೆಪಾಸಿಟರ್ ಅನ್ನು ಬದಲಾಯಿಸುವ ಮೂಲಕ ಫ್ಯಾನ್ ವೇಗವು ಹೆಚ್ಚಾಗುತ್ತದೆ. ಇಡೀ ಕೋಣೆಯಲ್ಲಿ ಗಾಳಿಯ ಪ್ರಸರಣವು ಹೆಚ್ಚಾಗುತ್ತದೆ.