Beauty Tips: ಕನ್ನಡಕದಿಂದ ಮುಖದ ಮೇಲೆ ಕಲೆ ಆಗಿದ್ಯಾ? ಈ ಸಿಂಪಲ್ ಮನೆಮದ್ದು ಟ್ರೈ ಮಾಡಿ

ಪಂಚೇಂದ್ರಿಯಗಳಲ್ಲಿ ಕಣ್ಣು ಬಹಳ ಮುಖ್ಯ ಅಂಗವಾಗಿದೆ. ಆದರೆ ಕೆಲವರು ಹಲವಾರು ಕಾರಣಗಳಿಗಾಗಿ ಕಣ್ಣಿನ ಸಮಸ್ಯೆಯನ್ನು ಎದುರಿಸುತ್ತಾರೆ. ಈ ಸಂದರ್ಭದಲ್ಲಿ ಕೆಲವರಿಗೆ ಕನ್ನಡಕ ಧರಿಸಬೇಕಾದ ಅಗತ್ಯ ಬರುತ್ತದೆ.

ಇನ್ನು ನಿಮ್ಮ ಅಗತ್ಯಕ್ಕಾಗಿ ಕನ್ನಡಕವನ್ನು ಧರಿಸುತ್ತೀರಿ. ಆದರೆ ಇದರಿಂದ ಕೆಲವೊಂದ ಅಡ್ಡಪರಿಣಾಮಗಳು ಸಹ ಇವೆ. ಆದರೆ ಇವೆಲ್ಲ ಸಮಸ್ಯೆಗಳು ಎದುರಾಗುವುದು ನೀವು ಕನ್ನಡಕವನ್ನು ಧರಿಸುವ ಮತ್ತು ಬಳಸುವ ವಿಧಾನದಿಂದ. ಇದೇ ಕಾರಣಕ್ಕಾಗಿ ನಿಮಗಾಗಿ ಕೆಲವೊಂದು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

ಲೆನ್ಸ್ ಚೆಕ್ ಮಾಡಿ: ನೀವು ಯಾವತ್ತಾದ್ರೂ ಕನ್ನಡಕವನ್ನು ಖರೀದಿಸುವಾಗ ಸರಿಯಾದ ಸೈಜ್​ನಲ್ಲಿ ಲೆನ್ಸ್​ ಅನ್ನು ಆಯ್ಕೆ ಮಾಡ್ಬೇಕು. ಕೆಲವೊಂದು ಲೆನ್ಸ್​ಗಳು ಹೆಚ್ಚು ಭಾರವಾಗಿರುತ್ತದೆ. ಈ ಸಂದರ್ಭದಲ್ಲಿ ಕಣ್ಣಿನ ಮೇಲೆ ಕೆಲವೊಂದು ಸಮಸ್ಯೆಗಳಾಗಬಹುದು. ಈ ಕಾರಣಕ್ಕಾಗಿಯೇ ನಿಮ್ಮ ಮುಖದ ಆಕಾರಕ್ಕೆ ಹೊಂದುವಂತಹ ಲೆನ್ಸ್​ ಆಯ್ಕೆ ಮಾಡಿ ಖರೀದಿಸಿ..

ಫ್ರೇಮ್​ ಮೆಟಲ್​: ಇನ್ನು ಸಾಮಾನ್ಯವಾಗಿ ಕನ್ನಡಕಗಳಲ್ಲಿ ಹಲವಾರು ವಿಧದಲ್ಲಿ ಫ್ರೇಮ್​ಗಳು ಬರುತ್ತದೆ. ಕೆಲವೊಂದು ಫ್ರೇಮ್​ಗಳು ನಿಮ್ಮ ಮೂಗಿನ ಮತ್ತು ಕಿವಿಯ ಮೇಲೆ ಅಲರ್ಜಿಗಳಂತಹ ಸಮಸ್ಯೆಗಳು ಬರಬಹುದು. ಅದಕ್ಕಾಗಿ ಯಾವುದೇ ಕನ್ನಡಕವನ್ನು ಖರೀದಿ ಮಾಡಬೇಕಾದ್ರೆ ಗುಣಮಟ್ಟದ ಫ್ರೇಮ್​​ಗಳನ್ನು ನೋಡಿಕೊಂಡು ಖರೀದಿಸಬೇಕು.

ರೋಸ್​ವಾಟರ್​, ವಿನೆಗರ್​: ಇನ್ನು ನಿಮ್ಮ ನೀವು ಧರಿಸುವ ಕನ್ನಡಕದಿಂದ ಕಣ್ಣಿನ ಸುತ್ತ ಕಲೆಗಳಾಗುತ್ತದೆ. ಈ ಸಂದರ್ಭದಲ್ಲಿ ರೋಸ್​ ವಾಟರ್​ಗೆ ಒಂದೆರಡು ಹನಿ ವಿನೆಗರ್​ ಹಾಕಿ ಮಿಕ್ಸ್ ಮಾಡಿ, ಡಾರ್ಕ್​ ಸರ್ಕಲ್​ನ ಮೇಲೆ ಚೆನ್ನಾಗಿ ಹಚ್ಚಿ. ಇದರಿಂದಾಗಿ ಈ ಕಲೆಗಳು ಹೋಗುತ್ತವೆ.

ಹಾಲು, ಜೇನು ತುಪ್ಪ, ಓಟ್ಸ್​​: ಹಾಲು, ಜೇನು ತುಪ್ಪ ಮತ್ತು ಓಟ್ಸ್​ ಅನ್ನು ಚೆನ್ನಾಗಿ ಮಿಕ್ಸ್​ ಮಾಡಿ, ಕಣ್ಣಿ ಸುತ್ತ ಕಲೆಯಾದ ಜಾಗಕ್ಕೆ ಸರಿಯಾಗಿ ಹಚ್ಚಿ ಮತ್ತು ಮಸಾಜ್​ ಮಾಡಿ. ಇದರಿಂದ ಕನ್ನಡಕದಿಂದ ಆದಂತಹ ಕಲೆಯನ್ನು ಹೋಗಲಾಡಿಸಬಹುದು. ನಿಮ್ಮ ಮುಖದ ಅಂದವನ್ನೂ ಹೆಚ್ಚು ಮಾಡ್ಬಹುದು.

ಬಾದಾಮಿ ಎಣ್ಣೆ: ಬಾದಾಮಿ ಎಣ್ಣೆಯಲ್ಲಿ ವಿಟಮಿನ್​ ಇ ಅಂಶ ಬಹಳಷ್ಟು ಇದೆ. ಈ ಅಂಶವು ಮೂಗು ಮತ್ತು ಕಣ್ಣಿನ ಕೆಳಗೆ ಆಗಿರುವಂತಹ ಕಲೆಗಳನ್ನು ನಿವಾರಿಸುತ್ತದೆ. ಪ್ರತಿ ನಿತ್ಯ ಬಾದಾಮಿ ಎಣ್ಣೆಯಿಂದ ಕಲೆಗಳ ಮೇಲೆ ಹಚ್ಚಿ, ಮಸಾಜ್​ ಮಾಡುವುದರಿಂದ ಉತ್ತಮ ಫಲಿತಾಂಶ ಕಾಣಬಹುದಾಗಿದೆ.

ನಿಂಬೆ, ರೋಸ್​ ವಾಟರ್​ ಬಳಕೆ: ಕನ್ನಡಕದಿಂದ ಉಂಟಾಗಿರುವ ಕಲೆಗಳ ಮೇಲೆ ನಿಂಬೆ ರಸವನ್ನು ಹಚ್ಚಿ. ಕೆಲವು ಸಮಯದ ಬಳಿಕ ತೊಳೆಯುವುದರಿಂದ ಈ ಕಲೆಯನ್ನು ಹೋಗಲಾಡಿಸಬಹುದು. ನಿಂಬೆ ರಸದ ಜೊತೆಗೆ ರೋಸ್​ ವಾಟರ್​ ಮಿಕ್ಸ್​ ಮಾಡಿ ಕಲೆಯ ಮೇಲೆ ಹಚ್ಚಿ 15 ನಿಮಿಷ ಹಾಗೇ ಬಿಡಿ. ಬಳಿಕ ಅದನ್ನು ಚೆನ್ನಾಗಿ ತೊಳೆಯಿರಿ. ಇದೂ ಸಹ ನಿಮ್ಮ ಮುಖದ ಕಲೆಯನ್ನು ಹೋಗಲಾಡಿಸಲು ಸಹಕಾರಿಯಾಗುತ್ತದೆ.