DIY Hacks: ಅಡುಗೆ ಮನೆಯಲ್ಲಿರುವ ಈ ವಸ್ತುಗಳು ಮಂಡಿ, ಮೊಣಕೈ ಟ್ಯಾನಿಂಗ್​ಗೆ ರಾಮಬಾಣ

ನಿಂಬೆಹಣ್ಣು: ಈ ನಿಂಬೆಹಣ್ಣಿನಲ್ಲಿರುವ ವಿಟಮಿನ್​ ಸಿ ನಿಮ್ಮ ಟ್ಯಾನಿಂಗ್ ಹೋಗಲಾಡಿಸಲು ಸಹಾಯ ಮಾಡುತ್ತದೆ. ಇದನ್ನು ನೇರವಾಗಿ ಚರ್ಮದ ಮೇಲೆ ಹಚ್ಚಲು ಭಯ ಇದ್ದರೆ, ಜೇನುತುಪ್ಪದ ಜೊತೆ ಸೇರಿಸಿ ಬಳಸಬಹುದು.

ಕಡಲೆಹಿಟ್ಟು: ಕಡಲೆಹಿಟ್ಟು ನಮ್ಮ ಚರ್ಮದ ಅಂದವನ್ನು ಹೆಚ್ಚು ಮಾಡಲು ಸಹಾಯ ಮಾಡುತ್ತದೆ. ಸ್ವಲ್ಪ ಕಡಲೆಹಿಟ್ಟಿಗೆ ನಿಂಬೆರಸ ಹಾಗೂ ವಿನೆಗರ್ ಸೇರಿಸಿ ಪೇಸ್ಟ್​ ಮಾಡಿಕೊಳ್ಳಿ.ಇದನ್ನು ಟ್ಯಾನ್ ಆಗಿರುವ ಕಡೆ ಹಚ್ಚಿ. ಸುಮಾರು 1 ಗಂಟೆಯ ನಂತರ ಇದನ್ನು ತೊಳೆಯಿರಿ.

ಅಲೋವೆರಾ: ಅಲೋವೆರಾ ಒಂದಿದ್ದರೆ ಸಾಕು ಟ್ಯಾನಿಂಗ್​ಗೆ ಪರಿಹಾರ ಸಿಗುತ್ತದೆ. ಸ್ವಲ್ಪ ಅಲೋವೆರಾವನ್ನು ತೆಗೆದುಕೊಂಡು, ಅದನ್ನು ಮಂಡಿ ಹಾಗೂ ಮೊಣಕೈಗೆ ಹಚ್ಚಿ ಮಸಾಜ್ ಮಾಡಿ.

ಕೊಬ್ಬರಿ ಎಣ್ಣೆ: ಕೊಬ್ಬರಿ ಎಣ್ಣೆಗಿಂತ ಬೇರೆ ಮನೆಮದ್ದು ಈ ಟ್ಯಾನ್ ಹೋಗಲಾಡಿಸಲು ಇಲ್ಲ ಎನ್ನಬಹುದು. ಸ್ವಲ್ಪ ಕೊಬ್ಬರಿ ಎಣ್ಣೆಗೆ ನಿಂಬೆರಸ ಮಿಕ್ಸ್​ ಮಾಡಿ ಹಚ್ಚಿ. ಇದನ್ನು ದಿನ ಪೂರ್ತಿ ಬಿಟ್ಟರೂ ಸಹ ತೊಂದರೆಯಿಲ್ಲ.

ಆಲಿವ್ ಆಯಿಲ್​: ಆಲಿವ್​​ ಆಯಿಲ್​ಗೆ ಬೇಕಿಂಗ್ ಸೋಡಾ ಮಿಕ್ಸ್ ಮಾಡಿ ಪೇಸ್ಟ್​ ತಯಾರಿಸಿಕೊಳ್ಳಿ. ಇದನ್ನು ವಾರಕ್ಕೆ 3 ಬಾರಿ ಹಚ್ಚಿ, ನಂತರ ತಣ್ಣೀರಿನಿಂದ ತೊಳೆಯಿರಿ. ತೊಳೆದು ಒಣಗಿಸಿ, ಅದಕ್ಕೆ ಮಾಯಿಶ್ಚರೈಸರ್ ಹಚ್ಚಿ.

ಟೊಮ್ಯಾಟೋ: ಟೊಮ್ಯಾಟೋ ಹಾಗೂ ಸಕ್ಕರೆಯ ಸ್ಕ್ರಬ್​ ಟ್ಯಾನಿಂಗ್​ ಸಮಸ್ಯೆಗೆ ಪರಿಹಾರ ನೀಡುತ್ತದೆ. ಟೊಮ್ಯಾಟೋ ಹಣ್ಣನ್ನು ರೌಂಡ್​ ಆಗಿ ಕತ್ತರಿಸಿಕೊಳ್ಳಿ ಅದನ್ನು ಸಕ್ಕರೆಯಲ್ಲಿ ಅದ್ದಿ, ಚೆನ್ನಾಗಿ ಸ್ಕ್ರಬ್ ಮಾಡಿ.

ಓಟ್ಸ್​ ಮತ್ತು ಯೋಗರ್ಟ್​: ಸ್ವಲ್ಪ ಓಟ್ಸ್​ ಪುಡಿ ಮಾಡಿಕೊಂಡು ಅದಕ್ಕೆ ಯೋಗರ್ಟ್​ ಸೇರಿಸಿ ಮಿಕ್ಸ್​ ಮಾಡಿಕೊಳ್ಳಿ. ಗಟ್ಟಿಯಾದ ಈ ಪೇಸ್ಟ್​ ಅನ್ನು ಮಂಡಿ ಹಾಗೂ ಮೊಣಕೈಗೆ ಹಚ್ಚಿ 20 ನಿಮಿಷಗಳ ನಂತರ ತೊಳೆಯಿರಿ.

ಅರಿಶಿನ: ಚರ್ಮದ ಸಮಸ್ಯೆಗಳಿಗೆ ಹೇಗೆ ಅರಿಶಿನ ಪ್ರಯೋಜನ ನೀಡುತ್ತದೆ ಎಂಬುದನ್ನ ನಾವು ಹೇಳಬೇಕಿಲ್ಲ. ಸ್ವಲ್ಪ ಅರಿಶಿನಕ್ಕೆ ಹಾಲಿನ ಕೆನೆ ಮಿಕ್ಸ್ ಮಾಡಿ ಟ್ಯಾನ್ ಆಗಿರುವ ಕಡೆ ಹಚ್ಚುವುದು ಒಳ್ಳೆಯದು.