Parenting Tips: ನವಜಾತ ಶಿಶುಗಳಲ್ಲಿ ಈ ಲಕ್ಷಣ ಕಂಡ್ರೆ ನೆಗ್ಲೆಕ್ಟ್ ಮಾಡ್ಬೇಡಿ

ಹದಿಹರೆಯದವರಲ್ಲಿ ಮೊಡವೆ ಉಂಟಾಗುವುದು ಬಹಳ ಸಾಮಾನ್ಯ ಸಮಸ್ಯೆಗಳಲ್ಲಿ ಒಂದು. ಆ ಸಮಯದಲ್ಲಿ ದೇಹದಲ್ಲಿನ ಕೆಲವು ಹಾರ್ಮೋನುಗಳ ಬದಲಾವಣೆಗಳು ಮತ್ತು ರಾಸಾಯನಿಕ ಕ್ರಿಯೆಗಳು ಮೊಡವೆಗಳಿಗೆ ಕಾರಣವಾಗುತ್ತವೆ.

ಆದರೆ ಮಕ್ಕಳಿಗೆ ಸಹ ಮೊಡವೆಗಳು  ಉಂಟಾಗುತ್ತದೆ ಎಂದರೆ ನಂಬುತ್ತೀರಾ? ಹೌದು, ಮಕ್ಕಳಿಗೂ ಮೊಡವೆಗಳು ಬರುತ್ತವೆ. ಇದನ್ನು ವೈದ್ಯಕೀಯವಾಗಿ ನಿಯೋನಾಟಲ್ ಸೆಫಲಿಕ್ ಪಸ್ಟುಲೋಸಿಸ್ ಎಂದು ಕರೆಯಲಾಗುತ್ತದೆ. ವಾಸ್ತವವಾಗಿ, ಮಕ್ಕಳಲ್ಲಿ ಈ ಸಮಸ್ಯೆಯ ಕಾರಣದ ಬಗ್ಗೆ ನಿಖರವಾದ ವಿವರಗಳಿಲ್ಲ. ಆದರೆ ಇದು ಸೋಂಕು ಅಥವಾ ಬ್ಯಾಕ್ಟೀರಿಯಾದಿಂದ ಉಂಟಾಗುತ್ತದೆ ಎಂದು ಹೇಳಲಾಗುತ್ತದೆ.

ಇದು ಆರಂಭದಲ್ಲಿ ಕೆನ್ನೆ ಮತ್ತು ಕೈಗಳ ಮೇಲೆ ಸಣ್ಣ ಕೆಂಪು ಗುಳ್ಳೆಗಳಂತೆ ಕಾಣಿಸಿಕೊಳ್ಳುತ್ತದೆ,  ಆದರೆ ಇದರಲ್ಲಿ ಕೀವು ಇರುವುದಿಲ್ಲ. ಮಕ್ಕಳಲ್ಲಿ ಈ ರೀತಿಯ ಮೊಡವೆಗಳು ಸಾಮಾನ್ಯವಾಗಿ ವಿಭಿನ್ನ ಲಕ್ಷಣಗಳನ್ನು ಹೊಂದಿರುತ್ತದೆ. ಕೆಲವೊಮ್ಮೆ, ತುರಿಕೆ ಅಥವಾ ಕಿರಿಕಿರಿ ಹೆಚ್ಚಾಗಿದ್ದರೆ ವೈದ್ಯಕೀಯ ಆರೈಕೆಯ ಅಗತ್ಯವಿರುತ್ತದೆ.

ಪ್ರತಿ ಐದು ಮಕ್ಕಳಲ್ಲಿ ಒಬ್ಬರಿಗೆ ಈ ಮೊಡವೆ ಸಮಸ್ಯೆ ಇರುವುದು ಕಂಡುಬಂದಿದೆ. 2-12 ತಿಂಗಳೊಳಗಿನ ಮಕ್ಕಳಲ್ಲಿ ಇದು ಹೆಚ್ಚಾಗಿ ಕಂಡುಬರುತ್ತದೆ ಎಂದು ವೈದ್ಯರು ಹೇಳುತ್ತಾರೆ. ಇವುಗಳಿಂದ ದೇಹಕ್ಕೆ ಹೆಚ್ಚಿನ ಹಾನಿಯಾಗದಿದ್ದರೂ ಇದರಿಂದ ಉಂಟಾಗುವ ಲಕ್ಷಣಗಳನ್ನು ಗಮನಿಸದೆ ಬಿಟ್ಟರೆ ಭವಿಷ್ಯದಲ್ಲಿ ಸಾಕಷ್ಟು ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ ರೋಗಲಕ್ಷಣಗಳು ಕಾಣಿಸಿಕೊಂಡ ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.

ಕೆಂಪು ದದ್ದು: ನವಜಾತ ಶಿಶುಗಳ ಚರ್ಮವು ತುಂಬಾ ಮೃದುವಾಗಿರುತ್ತದೆ ಮತ್ತು ಸುಲಭವಾಗಿ ಸೋಂಕಿಗೆ ಒಳಗಾಗುತ್ತದೆ. ಅವರಲ್ಲಿ ಮೊಡವೆ ಉಂಟಾದಾಗ  ಚರ್ಮದ ಮೇಲೆ ಕೆಂಪು ದದ್ದುಗಳು ಆಗುತ್ತದೆ.  ಸಾಮಾನ್ಯವಾಗಿ ಇವು ತಾನಾಗಿಯೇ ಗುಣವಾಗುತ್ತವೆ.

ಕೆಂಪು ಕಣ್ಣು: ಮೊಡವೆಗಳು ಕೆನ್ನೆ ಕೆಂಪಾಗಿ ಕಾಣುವಂತೆ ಮಾಡುತ್ತದೆ. ಗೊಳ್ಳೆಗಳಿಲ್ಲದಿದ್ದರೂ ಸಹ, ಚರ್ಮ ಮಾತ್ರ ಕೆಂಪು ಬಣ್ಣಕ್ಕೆ ತಿರುಗಬಹುದು. ನಿಮ್ಮ ಮಗುವಲ್ಲಿ ಈ ರೀತಿ  ಆದರೆ, ಅದನ್ನು ನಿರ್ಲಕ್ಷಿಸುವ ಬದಲು ತಕ್ಷಣ ವೈದ್ಯರ ಸಲಹೆ ಪಡೆಯುವುದು ಉತ್ತಮ.

ಅಲರ್ಜಿಗಳು: ಮಕ್ಕಳಲ್ಲಿ ಮೊಡವೆಗಳಿಗೆ ವಿವಿಧ ಕಾರಣಗಳಿದ್ದರೂ, ಅಲರ್ಜಿಯನ್ನು ಪ್ರಮುಖ ಕಾರಣವೆಂದು ಹೇಳಲಾಗುತ್ತದೆ. ಇದು ಚರ್ಮದ ಆರೈಕೆ ಸರಿಯಲ್ಲದಿದ್ದರೆ ಅಥವಾ ಕಳಪೆ ಗುಣಮಟ್ಟದ ಮಗುವಿನ ಉತ್ಪನ್ನಗಳಿಂದ ಉಂಟಾಗಬಹುದು.

ಈ ಅಲರ್ಜಿ ಚರ್ಮದ ಮೇಲೆ ತುರಿಕೆ ಮತ್ತು ಕಿರಿಕಿರಿಯನ್ನು ಉಂಟುಮಾಡುತ್ತದೆ. ಬ್ಯಾಕ್ಟೀರಿಯಾ ಮತ್ತು ಸೋಂಕುಗಳು ಮಕ್ಕಳಲ್ಲಿ ಇಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು. ಈ ಸಂದರ್ಭಗಳಲ್ಲಿ ವೈದ್ಯಕೀಯ ಸಲಹೆಯನ್ನು ಪಡೆಯುವುದು ಉತ್ತಮ.