Treatment: ಸಣ್ಣಪುಟ್ಟ ಕಾಯಿಲೆಗಳಿಗೆ ಆಸ್ಪತ್ರೆಗೆ ಹೋಗುವ ಬದಲು ಮನೆಯೊಳಗೆ ಔಷಧ ಹುಡುಕೋದು ಹೇಗೆ? ಇಲ್ಲಿದೆ ಪರಿಹಾರ

ತುಂಬೆ ಗಿಡ: ತುಂಬೆ ಗಿಡದಲ್ಲಿ ಔಷಧೀಯ ಗುಣಗಳಿವೆ. ತುಂಬೆ ಗಿಡದ ಎಲೆಯ ಕಷಾಯ ಮಾಡಿ ಕುಡಿದರೆ ಮಲಬದ್ಧತೆ, ಮೂಲವ್ಯಾಧಿ ವಾಸಿಯಾಗುತ್ತದೆ. ಇದರ ಎಲೆಯನ್ನು ಅರೆದು ಚರ್ಮರೋಗದ ಗಾಯಕ್ಕೆ ಲೇಪಿಸಿದರೆ ಗಾಯ ಗುಣವಾಗುತ್ತದೆ.

ಹಾಗಲಕಾಯಿ: ಹಾಗಲಕಾಯಿ ಕಹಿ ಅಂತಾ ತುಂಬಾ ಜನರು ತಿನ್ನೋಕೆ ಇಷ್ಟಪಡಲ್ಲ. ಆದರೆ ಇದರಲ್ಲಿ ಅನೇಕ ಔಷಧೀಯ ಗುಣಗಳಿವೆ. ಸಿಹಿಮೂತ್ರ, ಮಧುಮೇಹಿಗಳು ಹಾಗಲಕಾಯಿ ಪಲ್ಯ ಅಥವಾ ಹಸಿಯಾಗಿ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು.

ನುಗ್ಗೆ: ನುಗ್ಗೆಕಾಯಿಯಲ್ಲಿ ಕಬ್ಬಿಣದ ಅಂಶ ಇರೋದರಿಂದ ಇದರ ಸೊಪ್ಪು ಸಾಂಬಾರ್ ಮಾಡಿ ತಿಂದರೆ ಸಿಹಿಮೂತ್ರ ವಾಸಿಯಾಗುತ್ತದೆ. ಮೆದುಳು, ದೃಷ್ಟಿದೋಷ, ಜೀರ್ಣ ಶಕ್ತಿ ಸುಧಾರಿಸಲು ಈ ಸೊಪ್ಪಿನ ಬಳಕೆ ಹೆಚ್ಚು ಉಪಯುಕ್ತಕಾರಿ.

ಬಾಳೆ ಹಣ್ಣು: ಎಲ್ಲರಿಗೂ ಗೊತ್ತಿರುವಂತೆ ಬಾಳೆ ಹಣ್ಣಿನ ಸೇವನೆ ನಾವು ತಿಂದ ಆಹಾರವನ್ನು ಜೀರ್ಣ ಮಾಡುವಲ್ಲಿ ಬಹುದೊಡ್ಡ ಪಾತ್ರ ವಹಿಸುತ್ತದೆ. ಮೋಶನ್ ಸಮಸ್ಯೆ ಎದುರಿಸುವವರು ರಾತ್ರಿ ಬಾಳೆ ಹಣ್ಣು ಸೇವಿಸಿದರೆ ಸಮಸ್ಯೆ ದೂರುವಾಗುತ್ತದೆ.

ಹಸುವಿನ ಹಾಲು: ಹಸುಗಳು ಗುಡ್ಡೆ ಕಾಡುಗಳಲ್ಲಿ ಮೇಯಲು ಹೋಗುವುದರಿಂದ ಅವುಗಳು ನಾಟಿ ಗಿಡಗಳು ಸೊಪ್ಪುಗಳನ್ನು ತಿನ್ನುತ್ತದೆ.. ಹೀಗಾಗಿ ಸಣ್ಣ ಮಕ್ಕಳಿಗೆ ದನದ ಹಾಲು ಕೊಡುವ ಮುನ್ನ ಸ್ವಲ್ಪ ಅರಿಶಿನ ಹುಡಿ ಹಾಕಿ ಬಿಸಿ ಮಾಡಿದರೆ ಕಫ ದೂರ ಆಗಲು ಸಹಾಯ ಮಾಡುತ್ತದೆ.

ಶುಂಠಿ: ಸಾಮಾನ್ಯವಾಗಿ ಶುಂಠಿಯನ್ನು ಬಹುತೇಕ ಆಯುರ್ವೇದ ಔಷಧಗಳಿಗೆ ಬಳಸುತ್ತಾರೆ. ನಾವಿಲ್ಲಿ ಒಂದು ಅಂಶ ಹೇಳೋದಾದ್ರೆ ಶುಂಠಿಯನ್ನು ಅರೆದು ಅದನ್ನು ದನದ ಹಾಲಿನ ಜೊತೆ ಬೆರೆಸಿ ಕುಡಿದರೆ ಹಳದಿ ರೋಗ ದೂರು ಆಗುತ್ತದೆ ಅಂತಾರೆ.

ಬೆಳ್ಳುಳ್ಳಿ: ಒಂದು ಕಂಡೆ ಬೆಳ್ಳುಳ್ಳಿಯನ್ನು ಗುದ್ದಿ ಪುಡಿ ಮಾಡಿ ಅದರ ರಸ ತೆಗೆದು ಬಟ್ಟೆಯಲ್ಲಿ ಕಟ್ಟಿ ಬೆಳಗ್ಗೆ ಚಾಪೆಯಿಂದ ಏಳುವ ಮೊದಲು ಕಿವಿಗೆ ಅದರ ರಸವನ್ನು ಹನಿ ಹನಿಯಾಗಿ ಬಿಟ್ಟರೆ ತೀವ್ರ ತರನಾದ ಹಲ್ಲು ನೋವು ಕಡಿಮೆಯಾಗುತ್ತದೆ.

ಈರುಳ್ಳಿ: ಹಸಿ ಈರುಳ್ಳಿಯನ್ನು ಹಾಗೆಯೇ ತಿಂದರೆ ಜೀವಕ್ಕೆ ಒಳ್ಳೆಯದು. ನಮ್ಮ ದೇಹದ ಶುದ್ಧ ಆಗುತ್ತದೆ. ನೀರುಳ್ಳಿ ಹಸಿ ತಿಂದರೆ ಜೀರ್ಣ ಶಕ್ತಿಗೂ ಒಳ್ಳೆಯದು. ಹಸಿ ಈರುಳ್ಳಿಯ ಸೇವನೆ ಲೈಂಗಿಕ ಶಕ್ತಿ ವೃದ್ದಿಗೂ ಒಳ್ಳೆಯದು.

ಹಲಸಿನ ಹಣ್ಣು: ಮೈ ಬಗ್ಗಿಸಿ ದುಡಿಯುವವರು ಹಲಸಿನ ಹಣ್ಣು ತಿಂದರೆ ಜೀರ್ಣ ಶಕ್ತಿಗೆ ಒಳ್ಳೆಯದು. ಹಲಸಿನ ಹಣ್ಣಿನಲ್ಲಿ ವಿಟಮಿನ್ ಬಿ ಸತ್ವ ಇರುವುದರಿಂದ ದೇಹದಲ್ಲಿ ರಕ್ತದ ವೃದ್ಧಿ ಆಗುತ್ತದೆ. ನರದ ಚಲನೆಗೂ ಸಹಕಾರಿ.

ಮಾವಿನ ಹಣ್ಣು: ಮಾವಿನ ಹಣ್ಣಿನ ಸೇವನೆಯಿಂದ ಲೈಂಗಿಕ ಶಕ್ತಿ ವೃದ್ಧಿಯಾಗುತ್ತದೆ. ಪ್ರತಿದಿನ ರಾತ್ರಿ ಊಟ ಮಾಡಿ ಮಲಗುವ ಮೊದಲು ಮಾವಿನ ಹಣ್ಣಿನ ಸೇವನೆ ಮಾಡಿದರೆ ಜೀರ್ಣ ಶಕ್ತಿ ಸರಿಯಾಗಿ ಆಗುತ್ತದೆ.