Chocolate Gulab Jamun: ಬಾಯಲ್ಲಿ ನೀರೂರಿಸೋ ಚಾಕಲೇಟ್​ ಗುಲಾಬ್ ಜಾಮೂನ್; ಮನೆಯಲ್ಲೇ ಮಾಡಿ ಫ್ಯಾಮಿಲಿ ಜೊತೆಗೆ ತಿನ್ನಿ!

ಚಾಕಲೇಟ್ ಅಂದರೆ ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ ಹೇಳಿ. ಮಕ್ಕಳಿಂದ ಹಿಡಿದು ಮುದುಕರವರೆಗೂ ಎಲ್ಲರೂ ತುಂಬಾ ಇಷ್ಟ ಪಡುತ್ತಾರೆ. ಹಬ್ಬ, ಕಾರ್ಯಕ್ರಮ, ಶುಭ ಸಮಾರಂಭ ಏನೇ ಇರಲಿ ಎಂಜಾಯ್ ಮಾಡಲು ಚಾಕಲೇಟ್ ಅನ್ನು ನೀಡಲಾಗುತ್ತದೆ. ಅಲ್ಲದೇ ಕೆಲವೊಮ್ಮೆ ತಮ್ಮ ಪ್ರೀತಿ ಪಾತ್ರರಿಗೆ ಚಾಕಲೇಟ್ ಅನ್ನು ಗಿಫ್ಟ್ ಆಗಿ ಕೂಡ ನೀಡಲಾಗುತ್ತದೆ.

ಇನ್ನೂ ಚಾಕಲೇಟ್​ನ​ಲ್ಲಿ ಕೇಕ್, ಬಿಸ್ಕೇಟ್, ಐಸ್ ಕ್ರೀಮ್ ಹೀಗೆ ನಾನಾ ರೀತಿಯ ತಿಂಡಿಗಳನ್ನು ಮಾಡುವುದನ್ನು ನಾವು ನೋಡಿರುತ್ತೇವೆ. ಆದರೆ ಎಂದಾದರೂ ಚಾಕಲೇಟ್​ನಲ್ಲಿ ಜಾಮೂನ್ ಮಾಡಿರುವುದನ್ನು ಕೇಳಿದ್ದೀರಾ? ಹೌದು, ಸಾಮಾನ್ಯವಾಗಿ ಮೈದಾ ಮತ್ತು ಗೋಧಿ ಹಿಟ್ಟಿನಲ್ಲಿ ಜಾಮೂನ್ ಮಾಡುವುದು ಎಲ್ಲರಿಗೂ ತಿಳಿದಿದೆ. ಆದರೆ ಚಾಕಲೇಟ್​ನಲ್ಲಿಯೂ ಗುಲಾಬ್ ಜಾಮೂನ್ ಮಾಡಬಹುದು. ಅದರಲ್ಲಿಯೂ ಈ ಜಾಮೂನ್ ಮಕ್ಕಳಿಗೆ ತುಂಬಾ ಇಷ್ಟವಾಗುತ್ತದೆ.

ಇದೀಗ ಬೇಸಿಗೆ ಕಾಲ ಇರುವುದರಿಂದ ಮಕ್ಕಳಿಗೆ ಹೊರಗಿನ ತಿಂಡಿ ಕೊಡಿಸುವ ಬದಲು ಮನೆಯಲ್ಲಿಯೇ ಚಾಕೊಲೇಟ್ ಬಳಸಿ ಗುಲಾಬ್ ಜಾಮೂನ್ ಮಾಡಿ ಕೊಡಿ. ಹಾಗಾದರೆ ಚಾಕಲೇಟ್ ಗುಲಾಬ್ ಜಾಮೂನ್ ಮಾಡುವುದೇಗೆ ಅಂತೀರಾ? ಈ ರೆಸಿಪಿ ಓದಿ.

ಚಾಕಲೇಟ್ ಗುಲಾಬ್ ಜಾಮೂನ್ ಮಾಡಲು ಬೇಕಾಗುವ ಸಾಮಾಗ್ರಿಗಳು: ಮೈದಾ - 4 ಟೇಬಲ್ ಸ್ಪೂನ್, ಹಾಲಿನ ಪುಡಿ - 2 ಕಪ್, ಕೋಕೋ ಪೌಡರ್ - 2 ಟೀಸ್ಪೂನ್, ಬೇಕಿಂಗ್ ಪೌಡರ್ - 1/2 ಚಮಚ, ತುಪ್ಪ – 2 ಟೇಬಲ್ ಸ್ಪೂನ್, ಸಕ್ಕರೆ - 2 ಕಪ್, ಏಲಕ್ಕಿ ಪುಡಿ - 1/4 ಚಮಚ, ಎಣ್ಣೆ – ಅಗತ್ಯಕ್ಕೆ ತಕ್ಕಷ್ಟು.

ಚಾಕಲೇಟ್ ಗುಲಾಬ್ ಜಾಮೂನ್ ಮಾಡಲು ಬೇಕಾಗುವ ಸಾಮಾಗ್ರಿಗಳು: ಮೊದಲು ಒಲೆಯ ಮೇಲೆ ಅಗಲವಾದ ಬಾಣಲೆಯನ್ನು ಇಟ್ಟು ಅದಕ್ಕೆ 3 ಕಪ್ ನೀರು ಮತ್ತು ಸಕ್ಕರೆಯನ್ನು ಸೇರಿಸಿ ಸಕ್ಕರೆ ಪಾಕವನ್ನು ತಯಾರಿಸಿ. ಪಾಕ ಗಟ್ಟಿಯಾದಾಗ, ಓವನ್ ಅನ್ನು ಸಿಮ್ನಲ್ಲಿ ಇರಿಸಿ, ನಂತರ ಅದಕ್ಕೆ ದಾಲ್ಚಿನ್ನಿ ಪುಡಿಯನ್ನು ಸೇರಿಸಿ, 3 ನಿಮಿಷಗಳ ಕಾಲ ಬಿಡಿ. ಬಳಿಕ ಅದನ್ನು ಒಲೆಯಿಂದ ತೆಗೆದು ಇಡಿ.

ಇದೇ ವೇಳೆ ಮಿಕ್ಸಿಂಗ್ ಕಪ್ನಲ್ಲಿ ಮೈದಾ, ಕೋಕೋ ಪೌಡರ್, ಚಾಕೊಲೇಟ್ ಪೌಡರ್ ಮತ್ತು ಬೇಕಿಂಗ್ ಪೌಡರ್ ಅನ್ನು ಒಟ್ಟಿಗೆ ಮಿಶ್ರಣ ಮಾಡಿ. ಇದಕ್ಕೆ ಸ್ವಲ್ಪ ನೀರು ಮತ್ತು ಬೇಕಾದಷ್ಟು ತುಪ್ಪವನ್ನು ಸೇರಿಸಿ ಚೆನ್ನಾಗಿ ಬೆರೆಸಿಕೊಳ್ಳಿ. ಗುಲಾಬ್ ಜಾಮೂನ್ ಮಾಡುವ ಮಿಶ್ರಣ ಸಿದ್ಧವಾದ ನಂತರ ಈಗ, ಜಾಮೂನ್ ಅನ್ನು ಬೇಯಿಸಲು ಒಲೆಯ ಮೇಲೆ ಪ್ಯಾನ್ ಇಟ್ಟು, ಅದಕ್ಕೆ ಎಣ್ಣೆ ಹಾಕಿ ಕಾಯಲು ಬಿಡಿ.

ಎಣ್ಣೆ ಬಿಸಿಯಾದಾಗ, ಕಲಸಿದ ಹಿಟ್ಟನ್ನು ಸಣ್ಣ ಉಂಡೆಗಳಾಗಿ ತೆಗೆದುಕೊಂಡು ಎಣ್ಣೆಯಲ್ಲಿ ಕರಿಯಿರಿ. ಸಿದ್ಧಪಡಿಸಿದ ಸಕ್ಕರೆ ಪಾಕಕ್ಕೆ ಈ ಗೋಲ್ಡನ್ ಫ್ರೈಡ್ ಜಾಮೂನ್ ಉಂಡೆಗಳನ್ನು ಹಾಕಿ, 2 ಗಂಟೆಗಳ ಕಾಲ ನೆನೆಸಿ. ಇದೀಗ ರುಚಿಕರವಾದ ಚಾಕೊಲೇಟ್ ಗುಲೋಬ್ ಜಾಮೂನ್ ಸವಿಯಲು ಸಿದ್ಧ. (Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)