Self Control: ಮಾನಸಿಕವಾಗಿ ಕುಗ್ಗಬೇಡಿ, ರಿಲ್ಯಾಕ್ಸ್, ನಿಮಗಾಗಿ ಇಲ್ಲಿವೆ ಒಂದಷ್ಟು ಸಲಹೆಗಳು

ಅದೆಷ್ಟೋ ಬಾರಿ ನಮಗೆ ಜೀವನದಲ್ಲಿ ಒಬ್ಬಂಟಿತನ ಕಾಡಿರುತ್ತದೆ. ಎಲ್ಲರು ಇದ್ದರೂ ಕೂಡ ಯಾರು ಇಲ್ಲ ಅಂತ ಆಗಿರುತ್ತೆ. ಇದನ್ನೇ ಮೂಡ್​ಸ್ವಿಂಗ್ಸ್​ ಅನ್ನೋದು. ಹಾಗಾದ್ರೆ ಇಂಥಹ ಸಮಯದಲ್ಲಿ ನಾವು ಮಾನಸಿಕವಾಗಿ ಹೇಗೆ ಸದೃಢವಾಗಿ ಇರಬೇಕು ಎಂದು ಗೊತ್ತಾ?

ಮೊದಲು ನಿಮ್ಮನ್ನ ನೀವು ನಂಬಬೇಕು: ಇನ್ನೊಬ್ಬರ ಮೇಲೆ ತಪ್ಪುಗಳನ್ನು ಧೂಷಿಸುವುದು ಕೆಲವು ಸಮಯಗಳ ಸಮಾಧಾನ ಮಾತ್ರ. ಆದರೆ, ಏನಾದರೂ ತಪ್ಪುಗಳು ನಡೆದಿದ್ದರೆ ಅಥವಾ ನಿಮ್ಮ ಮನಸ್ಸು ಸರಿ ಇಲ್ಲವೆಂದರೆ ನಿಮ್ಮ ಪಾಡಿಗೆ ನೀವು ಇರಬೇಕು. ಸುಮ್ಮನೆ ಇನ್ನೊಬ್ಬರೊಂದಿಗೆ ರೇಗಾಡುವುದರಿಂದ ಪ್ರಯೋಜನವಿಲ್ಲ.

ನಿಮ್ಮನ್ನು ಯಾವ ವಿಷಯ ಹೆದರಿಸುತ್ತಿದೆಯೋ ಆ ವಲಯದಿಂದ ಹೊರಗೆ ಬನ್ನಿ. ಕೆಲವರು ಹೆದರುಕೊಂಡೇ ಅದೇ ಜಾಗದಲ್ಲಿ ಕೆಲಸಗಳನ್ನು ಮಾಡುತ್ತಾ ಇರುತ್ತಾರೆ. ಮೊದಲು ಈ ತಪ್ಪನ್ನು ನಿಲ್ಲಿಸಿ. ನಿಮಗಾಗಿ ಬೇರೆ ಕಡೆ ಜಾಗ ಇದೆ ಎಂದು ತಿಳಿದಾಗಲೂ ಯಾಕೆ ಇರುತ್ತೀರಾ? ಸೋಲೋ ಟ್ರಿಪ್​ ಹೋಗಿ. ಇದರಲ್ಲಿ ಸಿಗುವ ನೆಮ್ಮದಿ ಅಥವಾ ಖುಷಿ ಬೇರೆ ಎಲ್ಲೂ ಸಿಗೋದು ಅನುಮಾನ.

ಜನರನ್ನು ಎಂದಿಗೂ ಮೆಚ್ಚಿಸಬೇಕು ಎಂದು ಏನಿಲ್ಲ. ನೀವು ನಿಮಗಾಗಿ ಬದುಕಿ. ಹಾಗಾಗಿ ಇಲ್ಲ ಅನ್ನೋ ಮಾತು ಮುಖ್ಯವಾಗಿದೆ. ಎಂದಿಗೂ ಇನ್ನೊಬ್ಬರ ಮಾತುಗಳಿಗೆ ನೀವು ತಲೆತೋಗುತ್ತಾ ಇದ್ದರೆ ತಮಾಷೆ ಆಗುತ್ತೀರ. ಹಾಗಾಗಿ ಮಾನಸಿಕವಾಗಿ ನೀವು ನಿಮ್ಮನ್ನು ಸ್ಟ್ರಾಂಗ್​ ಮಾಡಿಕೊಳ್ಳಬೇಕು.

ನಿಮ್ಮವರೇ ನಿಮಗೆ ಮೋಸ ಮಾಡುತ್ತಾ ಇದ್ದಾರೆ ಎಂದು ತಿಳಿದರೆ ಅವರಿಂದ ಹೊರಗೆ ಬನ್ನಿ. ಯಾಕೆಂದರೆ, ಅವರೊಂದಿಗೇ ಇದ್ರೆ ನೀವು ಅವರ ಜೊತೆಗೆ ಇನ್ನಷ್ಟು ಭಾವನೆಗಳನ್ನು ಹೇಳಿಕೊಳ್ಳುತ್ತೀರ. ಅವರು ಆ ವಿಷಯವನ್ನು ಎಲ್ಲಾ ಕಡೆ ಹೇಳಿಕೊಂಡು ಬರುವ ಸಾಧ್ಯತೆ ಇರುತ್ತದೆ. ಇದು ಇನ್ನಷ್ಟು ನಿಮ್ಮ ಮಾನಸಿಕ ಒತ್ತಡವನ್ನು ಜಾಸ್ತಿ ಮಾಡುತ್ತದೆ.

ಕಠಿಣ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ನಿಮ್ಮ ಭಾವನೆಗಳನ್ನು ಹತೋಟಿಯಲ್ಲಿ ಇಡಬೇಕು. ಯಾಕೆಂದರೆ ಎಂದಿಗೂ ನೀವು ಎಮೋಷ್ನಲ್​ ಆಗಿದ್ರೆ ಅದು ಒಂದೇ ಪರಿಹಾರವಲ್ಲ. ಹಾಗಾಗಿ ಆದಷ್ಟು ನಿಮ್ಮ ಭಾವನೆಗಳ್ನು ನಿಯಂತ್ರಣದಲ್ಲಿ ಇಡಲು ಟ್ರೈ ಮಾಡಿ.

ಮೋಟಿವೇಷ್ನಲ್​ ಭಾಷಣಗಳನ್ನು ಕೇಳುವುದು ಅದೆಷ್ಟೋ ಜನರಿಗೆ ಬೋರ್​ ಅಂತ ಅನಿಸ್ಬೋದು. ಆದರೆ ಇದು ನಿಜಕ್ಕೂ ನಿಮ್ಮನ್ನ ಬೂಸ್ಟ್​ ಮಾಡುತ್ತೆ.

ಧ್ಯಾನ, ಯೋಗವನ್ನು ಮಾಡಿ. ಇದರ ಜೊತೆಗೆ ನಿಮ್ಮ ಇಷ್ಟವಾದ ಸಾಂಗ್​​ಗೆ ನೃತ್ಯಮಾಡಿ. ಮಾನಸಿಕ ಒತ್ತಡವನ್ನು ನಿಯಂತ್ರಣದಲ್ಲಿ ಇಡಲು ನೀವು ಡೈರಿಯನ್ನು ಬರೆಯಿರಿ. ಇದರ ಮೂಲಕ ನಿಮ್ಮ ಮನಸ್ಸನ್ನು ಹತೋಟಿಗೆ ತರಬಹುದು.