Parenting Tips: ಮಕ್ಕಳ ಮೊಬೈಲ್​ ಅಭ್ಯಾಸ ಬಿಡಿಸೋಕೆ ಪರದಾಡ್ಬೇಡಿ, ಈ ಕೂಲ್​ ಹ್ಯಾಕ್ಸ್​ ನಿಮಗಾಗಿಯೇ ಇರೋದು

ನಿಮ್ಮ ಕುಟುಂಬದ ಸದಸ್ಯರೊಂದಿಗೆ ಹೆಚ್ಚು ಸಮಯ ಕಳೆಯಲು ಬಿಡಿ. ತಂದೆ ಮತ್ತು ತಾಯಿ ಜೊತೆಗೆ ಕುಟುಂಬದಲ್ಲಿನ ಇತರೆ ಸಂಬಂಧಿಕರ ಜೊತೆ ಬಿಡಿ.  ಅಜ್ಜ, ಅಜ್ಜಿ ಹೀಗೆ ಪ್ರತಿಯೊಬ್ಬರ ಜೊತೆಗೂ ಬೆರೆಯುವುದರಿಂದ ನಿಮ್ಮ ಮಗು ಮೊಬೈಲ್ ಬಳಕೆ ಮಾಡುವುದನ್ನು ಕಡಿಮೆ ಮಾಡಿಸಬಹುದು.

ಒಮ್ಮೆಗೆ ನಿಮ್ಮ ಮಗುವಿನಿಂದ ಮೊಬೈಲ್​ನ್ನು ಕಸಿದುಕೊಳ್ಳಬೇಡಿ. ಹೌದು, ಯಾಕೆಂದರೆ ಇದರಿಂದ ನಿಮ್ಮ ಮಗುವಿಗೆ ಮಾನಸಿಕವಾಗಿ ಒತ್ತಡ ಹೇರಿದಂತಾಗಬಹುದು. ಹಾಗಾಗಿ ಹಂತ ಹಂತವಾಗಿ ಮೊಬೈಲ್​ನಿಂದ ದೂರ ಮಾಡಿ.

ಅನಾನುಕೂಲಗಳನ್ನು ಮಕ್ಕಳಿಗೆ ತಿಳಿಸಿ: ಮೊಬೈಲ್ ಹೆಚ್ಚಾಗಿ ಬಳಸುವುದರಿಂದ ಆಗುವ ಅನಾನುಕೂಲಗಳನ್ನು ಮಕ್ಕಳಿಗೆ ಹಂತ ಹಂತವಾಗಿ ತಿಳಿಸಬೇಕು. ಅದು ಕೂಡ ಅವರಿಗೆ ಅರ್ಥವಾಗುವ  ವಿಧಾನಗಳ ಮೂಲಕ ತಿಳಿಸಬೇಕು. ಜಾಸ್ತಿ ಮೊಬೈಲ್​ ಬಳಕೆಯಿಂದ ಕಣ್ಣು ಬೇಗ ಹಾಳಾಗುತ್ತದೆ, ಮೆದುಳು ಹಾಳಾಗುವುದರ ಬಗ್ಗೆ ಹೀಗೆ ಇನ್ನಿತರ ಉದಾಹರಣೆಗಳ ಮೂಲಕ ಮಕ್ಕಳಿಗೆ ತಿಳಿಸಬೇಕು. ಖಂಡಿತವಾಗಿಯೂ ಈ ಟ್ರಿಕ್ಸ್ ಸಕ್ಸಸ್ ಆಗೇ ಆಗುತ್ತೆ.

ಇನ್ನಿತರ ಕಾರ್ಯಚಟುವಟಿಕೆಗಳಲ್ಲಿ ತೊಡಗಿಸಿ. ಕೇವಲ ಮೊಬೈಲ್ ಒಂದೇ ಜಗತ್ತಲ್ಲ. ಇದರ ಹೊರತಾಗಿಯೂ ಅದ್ಭುತ ಜಗತ್ತೊಂದಿದೆ ಎಂಬುದನ್ನು ಮಕ್ಕಳಿಗೆ ತಿಳಿಸಬೇಕು. ಜೊತೆಗೆ ಒಂದು ವೇಳಾಪಟ್ಟಿಯನ್ನು ಪೋಷಕರೇ ರಚಿಸಿ, ಅದರಲ್ಲಿ ಪಾಲ್ಗೊಳ್ಳುವಂತೆ ಮಾಡಿ. ಉದಾಹರಣೆಗೆ, ಕ್ರೀಡೆ, ಚಿತ್ರಕಲೆ, ವಾಕಿಂಗ್ ಹೀಗೆ ಇನ್ನಿತರ ಉತ್ತಮ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವ ಹಾಗೆ ಪೋಷಕರು ಮಾಡಬೇಕು.

ಮೊಬೈಲ್ ಕಣ್ಣಿಗೆ ಕಾಣುವಂತೆ ಇಡಬೇಡಿ ಪೋಷಕರು ಅದೆಷ್ಟೇ ಟ್ರಿಕ್ಸ್​ಗಳನ್ನು ಮಾಡಿದರೂ ಕೊನೆಗೆ ಕಣ್ಣಿಗೆ ಕಾಣುವ ಹಾಗೆ ಮೊಬೈಲ್​ಗಳನ್ನು ಇಟ್ಟರೆ ಅದಕ್ಕೆ ಮಕ್ಕಳು ಮೊರೆ ಹೋಗುವುದಂತೂ ಪಕ್ಕಾ. ಹೀಗಾಗಿ ಮೊದಲು ಕೈಗೆ ಮತ್ತು ಕಣ್ಣಿಗೆ ಕಾಣದಂತೆ, ಎಟುಕದಂತೆ ಇಡಬಾರದು.

ಮೈದಾನದ ಚಟುವಟಿಕೆಗಳನ್ನು ಹೆಚ್ಚು ಪ್ರೋತ್ಸಾಹಿಸಿ. ಹೋಮ್​ವರ್ಕ್​ಗಳೆಲ್ಲಾ ಮುಗಿದ ನಂತರ ಮೈದಾನದಲ್ಲಿ ಆಡಲು ಬಿಡಿ. ನಗರ ಪ್ರದೇಶಗಳಲ್ಲಿ ಮಕ್ಕಳಿಗಾಗಿಯೇ ಉದ್ಯಾನವನಗಳು ನಿರ್ಮಿಸಿರುತ್ತಾರೆ. ಪೋಷಕರು ಇದಕ್ಕೆ ಹೆಚ್ಚು ಆದ್ಯತೆಯನ್ನು ನೀಡಬೇಕು.

ರೋಲ್ ಮಾಡೆಲ್​ಗಳಾಗಿ: ನಿಮ್ಮನ್ನ ನೋಡಿ ಮಕ್ಕಳು ಕಲಿಯುತ್ತಾರೆ. ಹೀಗಾಗಿ ನೀವು ಮೊದಲು ಅವರ ಮುಂದೆ ಹೆಚ್ಚು ಹೊತ್ತು ಮೊಬೈಲ್​ ಬಳಸುವುದನ್ನು ಕಮ್ಮಿ ಮಾಡಿ ಮತ್ತು ಆದರ್ಶಮಯವಾಗಿರಿ. ಉತ್ತಮ ಮಾತುಗಳನ್ನು ಆಡುತ್ತಾ, ಸ್ಫೂರ್ತಿದಾಯಕ ಕಥೆಗಳನ್ನು ಹೇಳಿ. ಆಗ ನಿಮ್ಮನ್ನು ನಿಮ್ಮ ಮಕ್ಕಳು ಫಾಲೋ ಮಾಡುತ್ತಾರೆ.

ಪುಸ್ತಕಗಳಿಗೆ ಆದ್ಯತೆ ನೀಡಿ. ಪೋಷಕರು ನಿಮ್ಮ ಮೊಬೈಲ್ ಪಕ್ಕದಲ್ಲಿಟ್ಟು ಪುಸ್ತಕಗಳನ್ನು ಓದಿ. ಸ್ವಯಂಚಾಲಿತವಾಗಿ ಮಕ್ಕಳು ನಿಮ್ಮೊಂದಿಗೆ ಕೂತು ಅವರೂ ಪುಸ್ತಕಗಳನ್ನು ಓದಲು ಆರಂಭಿಸುತ್ತಾರೆ. ಇದರಿಂದ ಮಕ್ಕಳ ಭಾಷಾ ಬಳಕೆ ಮತ್ತು ಉಚ್ಛಾರಣೆಯಲ್ಲಿ ಸ್ಪಷ್ಟನೆ  ಆಗುತ್ತದೆ.