Anger Control: ನೀವು ಸಿಡುಕುಮೂತಿ ಸೀನಪ್ಪನ ತರ ಆಡ್ತೀರಾ? Be cool, ನಿಮ್ಮ ಕೋಪ ತಣಿಸುವ ನೈಸರ್ಗಿಕ ವಿಧಾನ ಇಲ್ಲಿದೆ!

ಪ್ರತಿದಿನ ಧ್ಯಾನ ಮಾಡಿ : ಧ್ಯಾನ ಮಾನಸಿಕ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಸುಖಾಸುಮ್ಮನೆ ಕೋಪಗೊಳ್ಳುವವ್ರು ಪ್ರತಿದಿನ ಧ್ಯಾನ ಮಾಡಿ. ಇದರಿಂದ ಕ್ರಮೇಣವಾಗಿ ನಿಮ್ಮ ಕೋಪವನ್ನು ನಿಯಂತ್ರಣ ಮಾಡಲು ಸಹಾಯವಾಗುತ್ತದೆ.

ದೀರ್ಘ ಉಸಿರು: ನಿಮಗೆ ಕೋಪ ಬರುತ್ತಿದೆ ಎಂದು ಅನಿಸಿದಾಗ ದೀರ್ಘ ಉಸಿರು ತೆಗೆದುಕೊಳ್ಳಿ. ಈ ಉಸಿರು ನಿಮ್ಮ ಮನಸ್ಸನ್ನು ಶಾಂತಗೊಳಿಸುವುದರ ಜೊತೆಗೆ ಆರೋಗ್ಯಕ್ಕೂ ಒಳ್ಳೆಯದು. ನಿಮಗೆ ಕೋಪ ಬರುತ್ತಿದೆ ಎಂದು ಅನಿಸಿದರೆ ಅಂತಹ ಪರಿಸ್ಥಿತಿಯಲ್ಲಿ ನೀವು ಆಳವಾದ ಉಸಿರನ್ನು ತೆಗೆದುಕೊಳ್ಳಬೇಕು. ಆಳವಾದ ಉಸಿರಾಟವು ಧ್ಯಾನವಾಗಿ ಕಾರ್ಯನಿರ್ವಹಿಸುತ್ತದೆ

ಹಿಮ್ಮುಖವಾಗಿ ಎಣಿಸಿ: ಸಿಟ್ಟು ಬಂದಾಗ 10ರ ತನಕ ಎಣಿಸುವಂತೆ ಹಿರಿಯರು ಹೇಳಿದ್ದನ್ನು ನಾವು ಕೇಳಿರುತ್ತೇವೆ. ಆದರೆ 100ರಿಂದ 1ರವರೆಗೆ ಮೈನಸ್ ಮಾಡುತ್ತ ಬರುವುದು ಒಳ್ಳೆಯ ವಿಧಾನ. ಸಂಖ್ಯೆಯನ್ನು ಹಿಮ್ಮುಖವಾಗಿ ಹೇಳುತ್ತಾ ದೀರ್ಘವಾಗಿ ಉಸಿರಾಡುತ್ತಿದ್ದರೆ ಕೋಪ ತಾನಾಗಿಯೇ ಇಳಿಯುತ್ತದೆ.

ನಿಮ್ಮ ಜೊತೆ ನೀವೇ ಮಾತನಾಡಿ: ಸಿಟ್ಟು ಬಂದ ತಕ್ಷಣ ನಿಮಗೆ ನೀವೇ 'ಇದೇನು ದೊಡ್ಡ ವಿಷಯವಲ್ಲ, ರಿಲ್ಯಾಕ್ಸ್' ಈ ರೀತಿಯ ಮಾತುಗಳನ್ನು ಆಡಿ. ಅವಾಗ ಕೋಪ ತಾನಾಗಿಯೇ ಕಂಟ್ರೋಲ್ ಗೆ ಬರುತ್ತದೆ. ಸಿಟ್ಟು ಬಂದೊಡನೆ ನಿಮಗೆ ನೀವೇ 'ಇದೇನು ದೊಡ್ಡ ವಿಷಯವಲ್ಲ, ರಿಲ್ಯಾಕ್ಸ್' ಎಂದೋ, 'ಇದೆಲ್ಲ ತಾತ್ಕಾಲಿಕವಷ್ಟೇ, ಆರಾಮಾಗಿ ತೆಗೆದುಕೊಳ್ತೀನಿ, ಕಂಟ್ರೋಲ್' ಎಂದೆಲ್ಲ ಹೇಳಿಕೊಳ್ಳುತ್ತಿದ್ದರೆ ಮನಸ್ಸು ತಹಬಂದಿಗೆ ಬರುತ್ತದೆ.

ಬರೆಯಿರಿ: ನಿಮಗೆ ಯಾವುದರಿಂದ ಯಾಕಾಗಿ ಸಿಟ್ಟು ಬರುತ್ತಿದೆ ಎಂಬುದನ್ನು ಬರೆದಿಡಿ. ಕೋಪ ಬಂದ ಸಮಯದಲ್ಲಿ ನಿಮಗೆ ಉಂಟಾದ ಫೀಲಿಂಗ್ಸ್ ಅನ್ನು ವಿವರವಾಗಿ ಬರೆಯಿರಿ. ಇದರಿಂದ ಮನಸ್ಸೂ ಶಾಂತವಾಗುತ್ತದೆ. ಶಾಂತವಾದ ಬಳಿಕ ನೀವು ಬರೆದ ಕತೆಯನ್ನು ನೀವೇ ಓದಿ.

ತಣ್ಣೀರು ಸೇವನೆ: ತಕ್ಷಣ ಕೋಪ ಬಂದಾಗ ಶಾಂತಗೊಳಿಸಲು ಒಂದು ಲೋಟ ತಣ್ಣೀರನ್ನು ಕುಡಿಯಿರಿ. ಕೋಪ ತಾನಾಗಿಯೇ ಇಳಿಯುತ್ತದೆ. ಇದಲ್ಲದೆ ಯಾವುದೇ ಅಡ್ಡಪರಿಣಾಮವನ್ನು ಬೀರುವುದಿಲ್ಲ.

ರಾತ್ರಿ ಸರಿಯಾಗಿ ನಿದ್ದೆ ಮಾಡಿ : ರಾತ್ರಿ ಸರಿಯಾಗಿ ನಿದ್ದೆ ಮಾಡಿದರೆ ಮಾರನೇ ದಿನ ಒಳ್ಳೆಯ ಮೂಡ್ ಬರಲು ಸಾಧ್ಯ. ಸರಿಯಾದ ನಿದ್ದೆ ಆಗದ್ದಿದ್ದರೆ ಸಣ್ಣ ವಿಷಯಕ್ಕೂ ಕೋಪ ಬರುತ್ತದೆ. ಆದ್ದರಿಂದ ಚೆನ್ನಾಗಿ ನಿದ್ದೆ ಮಾಡಿ ಕೋಪದಿಂದ ದೂರವಿರಿ.