Water Bottle Cleaning: ನೀರಿನ ಬಾಟಲಿ ಕ್ಲೀನ್​ ಮಾಡಲು ಈ ಸಿಂಪಲ್ ಟಿಪ್ಸ್​ ಫಾಲೋ ಮಾಡಿ!

ಬೇಸಿಗೆಯಲ್ಲಿ ಹೆಚ್ಚು ನೀರು ಕುಡಿಯುವುದು ಬಹಳ ಮುಖ್ಯ. .ಆದರೆ ನೀರು ಕೊಳಕಾಗಿದ್ದರೆ ಅದರಿಂದ ನೀವು ಅನಾರೋಗ್ಯಕ್ಕೆ ಒಳಗಾಗುತ್ತೀರಿ. ಮನೆ, ಕಚೇರಿ, ಶಾಲೆ ಅಥವಾ ಪ್ರಯಾಣದ ಸಮಯದಲ್ಲಿ ನೀವು ನೀರಿನ ಬಾಟಲಿಯನ್ನು ತೆಗೆದುಕೊಂಡು ಹೋದರೆ, ಪ್ರತಿ ಮೂರು ದಿನಗಳಿಗೊಮ್ಮೆ ಅವುಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸುವುದು ಅವಶ್ಯಕ.

ಹೀಗೆ ಮಾಡದಿದ್ದರೆ, ಬಾಟಲಿಯಲ್ಲಿ ಬ್ಯಾಕ್ಟೀರಿಯಾಗಳು ಬೆಳೆದು ನಮ್ಮನ್ನು ಸುಲಭವಾಗಿ ಅನಾರೋಗ್ಯಕ್ಕೆ ಒಳಪಡಿಸುತ್ತವೆ. ಕೆಲವರಿಗೆ ಬಾಟಲಿಯ ಒಳಭಾಗವನ್ನು ಶುಚಿಗೊಳಿಸುವುದು ಕಷ್ಟದ ಕೆಲಸದಂತೆ ಕಾಣಿಸುತ್ತದೆ.

ಕೆಲವು ನೀರಿನ ಬಾಟಲಿಗಳನ್ನು ಸರಿಯಾಗಿ ಸ್ವಚ್ಛಗೊಳಿಸಲಾಗುವುದಿಲ್ಲ. ಅದಕ್ಕೆ ಕಾರಣ ಅದರ ಆಕಾರ. ಇವುಗಳನ್ನು ಸುಲಭವಾಗಿ ತೊಳೆಯಲು ಆಗುವುದಿಲ್ಲ ಮತ್ತು ಬಾಟಲಿನ ಒಳಗೆ ಏನೂ ಕೂಡ ಸುಲಭವಾಗಿ ಕಾಣಿಸುವುದಿಲ್ಲ. ಹಾಗಾಗಿ ಈ ಕೆಲ ಟಿಪ್ಸ್​ಗಳನ್ನು ಫಾಲೋ ಮಾಡುವ ಮೂಲಕ ನೀರಿನ ಬಾಟಲಿಯನ್ನು ಸ್ವಚ್ಛಗೊಳಿಸಬಹುದು.

ಮೊದಲು ಬೆಚ್ಚಗಿನ ನೀರಿನಿಂದ ನೀರಿನ ಬಾಟಲಿಯನ್ನು ತುಂಬಿಸಿ ಮತ್ತು ಡಿಶ್ ವಾಷರ್ ಲಿಕ್ವಿಡ್ ಸೋಪ್​ನ ಕೆಲ ಹನಿಗಳನ್ನು ಸೇರಿಸಿ. ಈಗ ಅದನ್ನು ಬೆರೆಸಿ ಮತ್ತು 2 ರಿಂದ 4 ನಿಮಿಷಗಳ ಕಾಲ ಹಾಗೆಯೇ ಬಿಡಿ.

ಈಗ ಬ್ರಶ್ ಸಹಾಯದಿಂದ ಬಾಟಲಿಯನ್ನು ಚೆನ್ನಾಗಿ ಉಜ್ಜಿ. ಸುತ್ತಲಿನ ಗೋಡೆಗಳು ಮತ್ತು ಕೆಳಭಾಗವನ್ನು ಸ್ವಚ್ಛಗೊಳಿಸಲು ಮರೆಯದಿರಿ. ಬಾಟಲ್ ಕ್ಯಾಪ್ ಅನ್ನು ಸಹ ಸ್ಕ್ರಬ್ ಮಾಡಿ. ಈಗ ಬಾಟಲಿಯನ್ನು ನೀರಿನಿಂದ ಚೆನ್ನಾಗಿ ತೊಳೆಯಿರಿ. ಅದಾದ ನಂತರ ಪೇಪರ್ ಟವೆಲ್ ಸಹಾಯದಿಂದ ಒಣಗಿಸಿ. ತೇವಾಂಶದ ಕಾರಣ ಸೂಕ್ಷ್ಮಜೀವಿಗಳು ಒದ್ದೆಯಾದ ಬಾಟಲಿಗೆ ಮರಳಬಹುದು ಎಂಬುದನ್ನು ನೆನಪಿಡಿ. ಆದ್ದರಿಂದ ಅದನ್ನು ಒಣಗಿಸಲು ಮತ್ತು ಮುಚ್ಚಳವನ್ನು ಮುಚ್ಚಲು ಮರೆಯಬೇಡಿ.

ನೀರಿನ ಬಾಟಲಿಯನ್ನು ಸ್ವಚ್ಛಗೊಳಿಸಲು ಅದಕ್ಕೆ ಸ್ವಲ್ಪ ಬ್ಲೀಚ್ ಮತ್ತು ತಣ್ಣೀರು ಸೇರಿಸಿ. ಈಗ ಅದರ ಮುಚ್ಚಳವನ್ನು ಮುಚ್ಚಿ ಚೆನ್ನಾಗಿ ಅಲ್ಲಾಡಿಸಿ. ರಾತ್ರಿಯಿಡೀ ಹೀಗೆಯೇ ಬಿಡಿ. ಈಗ ಬೆಳಗ್ಗೆ ಎದ್ದಾಗ ಬ್ರಶ್ ನಿಂದ ಉಜ್ಜಿ ಸ್ವಚ್ಛವಾಗಿ ತೊಳೆಯಿರಿ.

ರಾತ್ರಿ ಬಾಟಲಿಯಲ್ಲಿ ಅರ್ಧ ಕಪ್ ವಿನೆಗರ್, ಒಂದು ಟೀ ಸ್ಪೂನ್ ಬ್ಲೀಚ್ ಮತ್ತು ತಣ್ಣನೆಯ ನೀರನ್ನು ಮಿಶ್ರಣ ಮಾಡಿ. ನಂತರ ಬೆಳಗ್ಗೆ, ಅದನ್ನು ಅಲ್ಲಾಡಿಸಿ ಮತ್ತು ಬಾಟಲಿಯ ಬ್ರಷ್ ಸಹಾಯದಿಂದ ಚೆನ್ನಾಗಿ ತೊಳೆಯಿರಿ. ನಂತರ ನೀರಿನಿಂದ ತೊಳೆದು ಒರೆಸಿ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)