Summer Hacks: ಬೆವರಿನ ವಾಸನೆಯಿಂದ ಮುಕ್ತಿ ಪಡೆಯಲು ಈ ಸಿಂಪಲ್ ವಿಧಾನ ಬಳಸಿ ಸಾಕು

ನಿಂಬೆ ಬಳಸಿ: ಬಟ್ಟೆಯಿಂದ ಬೆವರು ಕಲೆಗಳನ್ನು ತೆಗೆದುಹಾಕಲು ನಿಂಬೆ ರಸವನ್ನು ಬಳಸಬಹುದು. ಇದಕ್ಕಾಗಿ ನೀರಿನಲ್ಲಿ ನಿಂಬೆ ರಸವನ್ನು ಮಿಶ್ರಣ ಮಾಡಿ. ಈಗ ಈ ಮಿಶ್ರಣವನ್ನು ಕಲೆ ಇರುವ ಜಾಗಕ್ಕೆ ಹಚ್ಚಿ ಸ್ವಲ್ಪ ಸಮಯದ ನಂತರ ಶುದ್ಧ ನೀರಿನಿಂದ ತೊಳೆಯಿರಿ.

ಅಡಿಗೆ ಸೋಡಾ ಬಳಸಿ: ಅಡಿಗೆ ಸೋಡಾವನ್ನು ಬಳಸಿ ನೀವು ಬಟ್ಟೆಯ ಮೇಲಿನ ಕಲೆಗಳನ್ನು ತೆಗೆದುಹಾಕಬಹುದು. ಇದಕ್ಕಾಗಿ ಬೇಕಿಂಗ್ ಸೋಡಾದಲ್ಲಿ ನೀರನ್ನು ಬೆರೆಸಿ ಪೇಸ್ಟ್ ತಯಾರಿಸಿ. ಈಗ ಈ ಪೇಸ್ಟ್ ಅನ್ನು ಬೆವರು ಕಲೆಯ ಮೇಲೆ ಹಚ್ಚಿ. ಒಣಗಿದ ನಂತರ, ಶುದ್ಧ ನೀರಿನಿಂದ ಬಟ್ಟೆಯನ್ನು ತೊಳೆಯಿರಿ.

ಲಿಕ್ವಿಡ್ ಸೋಪ್ ಬಳಸಿ: ಕೆಲವೇ ನಿಮಿಷಗಳಲ್ಲಿ ಬೆವರು ಕಲೆಗಳನ್ನು ತೊಡೆದುಹಾಕಬಹುದು. ಇದಕ್ಕಾಗಿ, ಮೊದಲು ಉಗುರು ಬೆಚ್ಚಗಿನ ನೀರಿನಲ್ಲಿ ಬಟ್ಟೆಯನ್ನು ನೆನೆಸಿ. ನಂತರ ಬಟ್ಟೆಯ ಮೇಲೆ ಲಿಕ್ವಿಡ್ ಡಿಟರ್ಜೆಂಟ್ ಹಚ್ಚಿ 5-10 ನಿಮಿಷಗಳ ನಂತರ ಬಟ್ಟೆಯನ್ನು ಉಜ್ಜಿ ತೊಳೆಯಿರಿ.

ಬಿಳಿ ವಿನೆಗರ್ : ಬಿಳಿ ವಿನೆಗರ್ ಬಳಕೆಯು ಬಟ್ಟೆ ಮೇಲಿನ ಬೆವರು ಕೆಲಗಳನ್ನು ತೊಡೆದುಹಾಕಲು ಸಹ ಉತ್ತಮವಾಗಿದೆ. ಇದಕ್ಕಾಗಿ, 1 ಟೀಚಮಚ ವಿನೆಗರ್ನಲ್ಲಿ ಸ್ವಲ್ಪ ಬೆಚ್ಚಗಿನ ನೀರನ್ನು ಹಾಕಿ. ಈಗ ಕಲೆಯನ್ನು ಈ ನೀರಿನಲ್ಲಿ ನೆನೆಸಿಡಿ. ಬಟ್ಟೆಯ ಮೇಲಿನ ಗುರುತು ಸ್ವಲ್ಪ ಸಮಯದ ನಂತರ ಕಣ್ಮರೆಯಾಗುತ್ತದೆ.

ಮೌತ್ ವಾಶ್ ಬಳಸಿ: ಬಟ್ಟೆಯಿಂದ ಬೆವರಿನ ಕಲೆ ಮತ್ತು ವಾಸನೆಯನ್ನು ಹೋಗಲಾಡಿಸಲು ನೀವು ಮೌತ್ ವಾಶ್ ಅನ್ನು ಕೂಡ ಬಳಸಬಹುದು. ಇದಕ್ಕಾಗಿ ಎರಡು ಮುಚ್ಚಳಗಳ ಮೌತ್ ವಾಶ್ ಅನ್ನು ಎರಡು ಮಗ್ ನೀರಿನಲ್ಲಿ ಮಿಶ್ರಣ ಮಾಡಿ. ನಂತರ ಈ ಮಿಶ್ರಣದಲ್ಲಿ ಬಟ್ಟೆಯ ಮೇಲೆ ಕಲೆಯಾದ ಜಾಗವನ್ನು ಅದ್ದಿ ಮತ್ತು 15 ನಿಮಿಷಗಳ ಕಾಲ ಬಿಡಿ. ನಂತರ ಸಾಮಾನ್ಯ ರೀತಿಯಲ್ಲಿ ಬಟ್ಟೆಯನ್ನು ತೊಳೆಯಿರಿ.

ವಾಷಿಂಡ್ ಸೋಡಾ ಬಳಸಬಹುದು: ಇದನ್ನು ಸೋಡಿಯಂ ಕಾರ್ಬೋನೇಟ್ ಎಂದೂ ಕರೆಯುತ್ತಾರೆ. ಬಟ್ಟೆಯ ಮೇಲಿನ ಕಲೆಗಳನ್ನು ತೆಗೆದುಹಾಕಲು, 2 ಚಮಚ ಸೋಡಾದಲ್ಲಿ ಸ್ವಲ್ಪ ನೀರು ಬೆರೆಸಿ ಪೇಸ್ಟ್ ಮಾಡಿ. ನಂತರ ಅದನ್ನು ಕಲೆ ಇರುವ ಜಾಗಕ್ಕೆ ಹಚ್ಚಿ ಇಪ್ಪತ್ತು ನಿಮಿಷಗಳ ಕಾಲ ಬಿಡಿ. ನಂತರ ಸಾಮಾನ್ಯ ರೀತಿಯಲ್ಲಿ ಬಟ್ಟೆಗಳನ್ನು ತೊಳೆಯಿರಿ.

ಆಸ್ಪಿರಿನ್ ಸಹಾಯವನ್ನು ತೆಗೆದುಕೊಳ್ಳಿ: ಬಟ್ಟೆಗಳ ಮೇಲಿನ ಬೆವರಿನ ವಾಸನೆಯ ಕಲೆಗಳನ್ನು ತೆಗೆದುಹಾಕಲು, ಒಂದು ಕಪ್ ಬೆಚ್ಚಗಿನ ನೀರಿನಲ್ಲಿ 2 ಮಾತ್ರೆಗಳ ಆಸ್ಪಿರಿನ್ ಅನ್ನು ಮಿಶ್ರಣ ಮಾಡಿ. ನಂತರ ಹಳೆಯ ಬ್ರಶ್ ಸಹಾಯದಿಂದ ಈ ಮಿಶ್ರಣವನ್ನು ಕಲೆ ಇರುವ ಜಾಗಕ್ಕೆ ಹಚ್ಚಿ 20 ನಿಮಿಷ ಹಾಗೆಯೇ ಬಿಡಿ. ನಂತರ ಸಾಮಾನ್ಯ ಬಟ್ಟೆ ಸೋಪಿನಿಂದ ತೊಳೆಯಿರಿ.