Silver ಪಾತ್ರೆಗಳು ಕಪ್ಪಾಗಿದ್ರೆ ಇವುಗಳನ್ನು ಬಳಸಿ ನೋಡಿ, ಮತ್ತೆ ಹೊಸದರಂತೆ ಕಾಣುತ್ತೆ

ಮನೆಯಲ್ಲಿ ಬೆಳ್ಳಿ ವಸ್ತುಗಳನ್ನು ಸ್ವಚ್ಛಗೊಳಿಸಲು ಕೆಚಪ್ ಅನ್ನು ಸಹ ನೀವು ಬಳಸಬಹುದು. ನೀವು ಕೇವಲ ಒಂದು ಸಣ್ಣ ಪ್ರಮಾಣದ ಕೆಚಪ್ ಅನ್ನು ಪೇಪರ್ ಟವೆಲ್ ಮೇಲೆ ಹಾಕಬೇಕು, ನಂತರ ಪಾತ್ರೆಗಳ ಮೇಲೆ ನಿಧಾನವಾಗಿ ಉಜ್ಜಬೇಕು. ಒಂದು ವೇಳೆ, ನಿಮ್ಮ ಬೆಳ್ಳಿಯು ಹೊಳಪು ಪಡೆಯದಿದ್ದರೆ, ಕೆಚಪ್ ಅನ್ನು 15 ರಿಂದ 20 ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು, ನಂತರ ಮೃದುವಾದ ಬಟ್ಟೆಯಿಂದ ಉಜ್ಜಿ ಮತ್ತು ಸ್ವಚ್ಛವಾಗಿ ತೊಳೆಯಿರಿ.

ಕೊರೊನಾ ವೈರಸ್ ಹೆಚ್ಚಿರುವ ಈ ಕಾಲದಲ್ಲಿ ಹ್ಯಾಂಡ್ ಸ್ಯಾನಿಟೈಜರ್‌ಗಳು ಅತ್ಯಂತ ಸುಲಭವಾಗಿ ಲಭ್ಯವಿರುವ ವಸ್ತುವಾಗಿದೆ. ಹ್ಯಾಂಡ್ ಸ್ಯಾನಿಟೈಜರ್ ಸೂಕ್ಷ್ಮಾಣುಗಳ ವಿರುದ್ಧ ಹೋರಾಡುವುದು ಮಾತ್ರವಲ್ಲದೆ ಕೊಳಕು ಮತ್ತು ಬೆಳ್ಳಿ ಹೊಳೆಯಲು ಸಹಾಯ ಮಾಡುತ್ತದೆ. ಒಣ ಬಟ್ಟೆಯ ಮೇಲೆ ಕೆಲವು ಹನಿ ಸ್ಯಾನಿಟೈಸರ್ ಹಾಕಿ, ಬೆಳ್ಳಿಯನ್ನು ಉಜ್ಜಿ.

ಬೆಳ್ಳಿ ಪಾತ್ರೆಗಳ ಅಥವಾ ಒಡವೆಗಳ ಮೇಲೆ ಬಿಡದಂತಹ ಕಲೆ ಇದ್ದರೆ ನೀವು ಕಿಟಕಿ ಸ್ವಚ್ಛ ಮಾಡಲು ಬಳಸುವ ವಸ್ತುವಿನ ಜೊತೆ ಅಡುಗೆ ಸೋಡಾ ಸೇರಿಸಿ , ಪಾತ್ರೆಗಳನ್ನು ಚನ್ನಾಗಿ ಉಜ್ಜಿದರೆ ಬೆಳ್ಳಿ ಮತ್ತೆ ಹೊಸದರಂತೆ ಕಾಣುತ್ತದೆ.

ಬೆಳ್ಳಿ ಆಭರಣಗಳನ್ನು ಸ್ವಚ್ಛಗೊಳಿಸಲು ಇದು ಜನಪ್ರಿಯ ಮತ್ತು ಸುಲಭವಾದ ಮಾರ್ಗಗಳಲ್ಲಿ ಒಂದಾಗಿದೆ. ನಿಮ್ಮ ಬೆಳ್ಳಿಯ ಆಭರಣಗಳು ಹಳದಿ ಅಥವಾ ಕಪ್ಪು ಬಣ್ಣಕ್ಕೆ ತಿರುಗಿದರೆ ನೀವು ಈ ಸರಳ ವಿಧಾನವನ್ನು ಬಳಸಬಹುದು. ಇದಕ್ಕೆ ನೀವು ಯಾವುದೇ ದುಬಾರಿ ಉತ್ಪನ್ನವನ್ನು ಖರೀದಿಸುವ ಅಗತ್ಯವಿಲ್ಲ, ಮೊದಲು, ನೀರನ್ನು ಕುದಿಸಿ 1 ಚಮಚ ಅಡಿಗೆ ಸೋಡಾವನ್ನು ಸೇರಿಸಿ ಅದರಿಂದ ಪಾತ್ರೆಯನ್ನು ಉಜ್ಜಿದರೆ, 30 ನಿಮಿಷಗಳ ಒಳಗೆ ಪಾತ್ರೆ ಹೊಳೆಯುತ್ತದೆ.

ದಿನನಿತ್ಯದ ವಿಗ್ರಹಗಳು ಮತ್ತು ಪೂಜೆಯ ಪಾತ್ರೆಗಳನ್ನು ಸ್ವಚ್ಛಗೊಳಿಸಲು ಈ ವಿಧಾನವನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ನೀವು 3 ಟೇಬಲ್ಸ್ಪೂನ್ ಉಪ್ಪು ಮತ್ತು ಬಿಸಿನೀರಿನ ಬಟ್ಟಲಿನಲ್ಲಿ ನಿಂಬೆ ರಸ ಹಾಕಿ ಅದರಲ್ಲಿ ಪಾತ್ರೆಗಳನ್ನು ಹಾಕಿ 15 ನಿಮಿಷ ಇಡಿ. ನಂತರ ಮೃದುವಾದ ಬಟ್ಟೆಯಿಂದ ಉಜ್ಜಿದರೆ, ಕಲೆಯನ್ನು ಹೋಗಲಾಡಿಸಲು ಸಹಾಯವಾಗುತ್ತದೆ.

ಲಾಂಡ್ರಿ ಡಿಟರ್ಜೆಂಟ್ ಕೂಡ ಕಪ್ಪು ಕಲೆಯನ್ನು ತೆಗೆದುಹಾಕಲು ಹಳೆಯ ಪರಿಹಾರವಾಗಿದೆ. ನೀವು ಕೇವಲ ಒಂದು ಸಣ್ಣ ಕಪ್ ಡಿಟರ್ಜೆಂಟ್ ಅನ್ನು ಬಿಸಿನೀರಿನ ಬಟ್ಟಲಿಗೆ ಹಾಕಿ, ಬೆಳ್ಳಿಯ ಆಭರಣಗಳನ್ನು ಅದರ ಒಳಗೆ ಇಡಬೇಕು. 5 ರಿಂದ 7 ನಿಮಿಷಗಳ ಕಾಲ ಬಿಡಿ, ನಂತರ ತೆಗೆದುಹಾಕಿ ಮತ್ತು ಬಟ್ಟೆಯಿಂದ ಉಜ್ಜಿ.

ಟೂತ್‌ಪೇಸ್ಟ್ ಸುಲಭವಾದ DIY ಬೆಳ್ಳಿ ಶುಚಿಗೊಳಿಸುವ ವಿಧಾನಗಳಲ್ಲಿ ಒಂದಾಗಿದೆ. ಟೂತ್‌ಪೇಸ್ಟ್ ತೆಗೆದುಕೊಂಡು ಪಾತ್ರೆಗಳ ಮೇಲೆ ಹಾಕಿ ಚನ್ನಾಗಿ ಉಜ್ಜಿ. ಅದನ್ನು 5 ನಿಮಿಷಗಳ ಕಾಲ ಬಿಡಿ ಮತ್ತು ನಂತರ ನೀರಿನಿಂದ ತೊಳೆಯಿರಿ.

ವಿನೆಗರ್, ನೀರು ಮತ್ತು ಅಡಿಗೆ ಸೋಡಾ ಒಟ್ಟಿಗೆ ನಿಮ್ಮ ಬೆಳ್ಳಿ ಸೇರಿದಂತೆ ಅನೇಕ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ. ನೀವು 1/2 ಕಪ್ ಬಿಳಿ ವಿನೆಗರ್ ಅನ್ನು 2 ಟೇಬಲ್ಸ್ಪೂನ್ ಅಡಿಗೆ ಸೋಡಾದೊಂದಿಗೆ ಬೆಚ್ಚಗಿನ ನೀರಿನಲ್ಲಿ ಮಿಶ್ರಣ ಮಾಡಿ.ಅದರಲ್ಲಿ ಬೆಳ್ಳಿಯನ್ನು ಎರಡರಿಂದ ಮೂರು ಗಂಟೆಗಳ ಕಾಲ ನೆನೆಯಲು ಬಿಟ್ಟು, ನಂತರ ತೊಳೆಯಿರಿ.

ಬೆಳ್ಳಿ ವಸ್ತುಗಳನ್ನು ನೀವು ಗಾಳಿಯಲ್ಲಿ ಇಡುವುದರಿಂದ ಕಪ್ಪಾಗುತ್ತದೆ. ಸಾಧ್ಯವಾದಷ್ಟು ಅವುಗಳನ್ನು ಗಾಳಿಯಿಂದ ದೂರವಿಡಿ.