Home Interior: ಮನೆಯಲ್ಲಿರುವ ಈ ವಸ್ತುಗಳಿಂದಲೇ ಕೊಳಕಾದ ನಿಮ್ಮ ಬಾತ್​ರೂಮ್​ನ ಶೈನ್​ಗೊಳಿಸಬಹುದು!

ಮನೆಯಲ್ಲಿ ಹೆಚ್ಚಾಗಿ ನೀರು ಬಳಸುವ ಸ್ಥಳವೆಂದರೆ ಸ್ನಾನದ ಗೃಹ (ಬಾತ್ ರೂಮ್). ಹಾಗಾಗಿ ದಿನ ಕಳೆದಂತೆ ಬಾತ್ರೂಮ್ನಲ್ಲಿನ ಅಂಚುಗಳು (ಟೈಲ್ಸ್) ಕೊಳಕಾಗುತ್ತದೆ. ಕೊಳಕಾಗಿರುವ ಬಾತ್ರೂಮ್ ಟೈಲ್ಸ್ಗಳನ್ನು ಹೊಳೆಯುವಂತೆ ಮಾಡಲು ಮಾರುಕಟ್ಟೆಯಲ್ಲಿ ಅನೇಕ ದ್ರವಗಳು (ಲಿಕ್ವಿಡ್) ಲಭ್ಯವಿದೆ.

ಹೀಗಿದ್ದರೂ ಇದೆಲ್ಲವನ್ನು ಬಾತ್ರೂಮ್ ಕ್ಲೀನ್ ಮಾಡಲು ಬಳಸಿದರೂ ಪ್ರಯೋಜನ ಆಗುತ್ತಿಲ್ವಾ? ಹಾಗಾದರೆ ನಮ್ಮ ಮನೆಯಲ್ಲಿಯೇ ಇರುವ ಕೆಲವು ವಸ್ತುಗಳಿಂದಲೇ ಬಾತ್ರೂಮ್ ಟೈಲ್ಸ್ಗಳನ್ನು ಹೊಳೆಯುವಂತೆ ಮಾಡಬಹುದು. ಈ ಬಗ್ಗೆ ನಿಮಗೆ ತಿಳಿದಿದ್ಯಾ? ಬಾತ್ರೂಮ್ ಟೈಲ್ಸ್ ಸ್ವಚ್ಛಗೊಳಿಸಲು ನಿಮಗಾಗಿ ಕೆಲವು ಟಿಪ್ಸ್ ಈ ಕೆಳಗಿನಂತಿದೆ.

ಅಡಿಗೆ ಸೋಡಾ ಮತ್ತು ನಿಂಬೆ: ಬಣ್ಣಬಣ್ಣದ ಬಾತ್ರೂಮ್ ಟೈಲ್ಸ್ ಸ್ವಚ್ಛಗೊಳಿಸಲು ಅಡಿಗೆ ಸೋಡಾ ಮತ್ತು ನಿಂಬೆ ಬಳಸಬಹುದು. ಇದಕ್ಕಾಗಿ ಮೊದಲು ಟೈಲ್ಸ್ ಮೇಲೆ ಬಿಸಿ ನೀರನ್ನು ಸುರಿಯಿರಿ. ಇದರಿಂದ ಟೈಲ್ಸ್ ನಲ್ಲಿರುವ ಕೊಳೆ ಕೊಂಚ ನೆನೆಯುತ್ತದೆ. ಇದಾದ ನಂತರ, ಅರ್ಧ ಬಕೆಟ್ ಬಿಸಿ ನೀರಿನಲ್ಲಿ ಅರ್ಧ ಕಪ್ ಅಡಿಗೆ ಸೋಡಾ ಮತ್ತು ಅರ್ಧ ಕಪ್ ನಿಂಬೆ ರಸವನ್ನು ಮಿಶ್ರಣ ಮಾಡಿ. ಬಳಿಕ, ಈ ಮಿಶ್ರಣವನ್ನು ಟೈಲ್ಸ್ ಮೇಲೆ ಸಿಂಪಡಿಸಿ ಮತ್ತು ಟೈಲ್ಸ್ ಅನ್ನು ಚೆನ್ನಾಗಿ ಉಜ್ಜಿ. ಇದನ್ನು 5 ನಿಮಿಷಗಳ ಕಾಲ ಬಿಡಿ. ನಂತರ ತಾಜಾ ನೀರಿನಿಂದ ಟೈಲ್ಸ್ ಸ್ವಚ್ಛಗೊಳಿಸಿ ತೊಳೆಯಿರಿ.

ವಿನೆಗರ್ ಅನ್ನು ಬಳಸಬಹುದು: ಚೈನೀಸ್ ಡಿಶ್ಗಳಲ್ಲಿ ವಿನೆಗರ್ ಅನ್ನು ಹೆಚ್ಚಾಗಿ ಬಳಸಲಾಗುತ್ತದೆ. ಆದರೆ ಕೊಳಕು ಬಾತ್ರೂಮ್ ಟೈಲ್ಸ್ ಹೊಳೆಯುವಂತೆ ಮಾಡಲು ಕೂಡ ನೀವು ವಿನೆಗರ್ ಅನ್ನು ಬಳಸಬಹುದು ಎಂಬ ವಿಚಾರ ನಿಮಗೆ ತಿಳಿದಿದ್ಯಾ? ಹೌದು, ಇದಕ್ಕಾಗಿ ಮೊದಲು ಬಿಳಿ ವಿನೆಗರ್ ಮತ್ತು ನೀರನ್ನು ಸಮಾನ ಪ್ರಮಾಣದಲ್ಲಿ ತೆಗೆದುಕೊಂಡು ಚೆನ್ನಾಗಿ ಮಿಶ್ರಣ ಮಾಡಿ. ಇದಾದ ನಂತರ, ಮಿಶ್ರಣದಲ್ಲಿ ಬಟ್ಟೆ ಅಥವಾ ಸ್ಪಾಂಜ್ವನ್ನು ಅದ್ದಿ, ಅದರಿಂದ ಅಂಚುಗಳನ್ನು ರಬ್ ಮಾಡಿ. ನಂತರ ನೀರಿನಿಂದ ತೊಳೆಯಿರಿ. ಹೀಗೆ ಮಾಡುವುದರಿಂದ ನಿಮ್ಮ ಬಾತ್ರೂಮ್ ಹೊಳೆಯುತ್ತದೆ.

ನೀವು ಬ್ಲೀಚ್ನೊಂದಿಗೆ ಸ್ನಾನದ ಅಂಚುಗಳನ್ನು ಸ್ವಚ್ಛಗೊಳಿಸಬಹುದು: ಬ್ಲೀಚ್ ಅನ್ನು ಅನೇಕ ವಿಷಯಗಳಿಗೆ ಬಳಸಲಾಗುತ್ತದೆ. ಬಣ್ಣಬಣ್ಣದ ಬಾತ್ರೂಮ್ ಟೈಲ್ಸ್ ಅನ್ನು ಸ್ವಚ್ಛಗೊಳಿಸಲು ಇದನ್ನು ಬಳಸಬಹುದು ಎಂದು ನಿಮಗೆ ಗೊತ್ತಿದ್ಯಾ? ಇದಕ್ಕಾಗಿ, ನೀವು 3: 1 ಅನುಪಾತದಲ್ಲಿ ನೀರು ಮತ್ತು ಬ್ಲೀಚ್ ಅನ್ನು ಮಿಶ್ರಣ ಮಾಡಿ.

ಬಳಿಕ, ದ್ರಾವಣದೊಂದಿಗೆ ಸ್ಪ್ರೇ ಬಾಟಲಿಯನ್ನು ತುಂಬಿಸಿ, ನಂತರ ಅದನ್ನು ಬಾತ್ರೂಮ್ ಟೈಲ್ಸ್ನಲ್ಲಿ ಸಿಂಪಡಿಸಿ, ನಂತರ ಅದನ್ನು ಬಟ್ಟೆಯಿಂದ ಸ್ವಚ್ಛಗೊಳಿಸಿ. ಹೀಗೆ ಮಾಡುವುದರಿಂದ ಹಳೆಯ ಟೈಲ್ಸ್ ಹೊಸ ಟೈಲ್ಸ್ ನಂತೆ ಹೊಳೆಯುತ್ತದೆ.

(Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)