Makeup Hacks: ಪರ್ಫೆಕ್ಟ್ ಆಗಿ ಲಿಪ್​ ಲೈನರ್ ಹಚ್ಚೋದು ಹೀಗಂತೆ

ಸ್ಕ್ರಬ್ ಮಾಡಿ: ತುಟಿಗಳಿಗೆ ಲಿಪ್​ಸ್ಟಿಕ್ ಅಥವಾ ಲಿಪ್ ಲೈನರ್ ಹಚ್ಚುವ ಮುನ್ನ ಸ್ಕ್ರಬ್​ ಮಾಡುವುದು ಬಹಳ ಮುಖ್ಯ. ಸ್ವಲ್ಪ ಸಕ್ಕರೆ ಮತ್ತು ಜೇನುತುಪ್ಪ ಮಿಕ್ಸ್ ಮಾಡಿ, 3 ನಿಮಿಷ ಸ್ಕ್ರಬ್ ಮಾಡಿ ಸಾಕು. ಇದು ನಿಮ್ಮ ತುಟಿಯ ಸತ್ತ ಚರ್ಮಗಳನ್ನು ನಿವಾರಿಸುತ್ತದೆ.

ಮಾಯಿಶ್ಚರೈಸರ್: ನಮ್ಮ ಚರ್ಮದ ಅಂದವನ್ನು ಕಾಪಾಡಿಕೊಳ್ಳುವಲ್ಲಿ ಮಾಯಿಶ್ಚರೈಸರ್ ಬಹಳ ಮುಖ್ಯವಾಗುತ್ತದೆ. ತುಟಿಗೆ ಸಹ ಇದನ್ನು ಬಳಸುವುದು ಲಿಪ್​ ಲೈನರ್​ ಚೆಂದವಾಗಿ ಅಂಟಿಕೊಳ್ಳಲು ಸಹಾಯ ಮಾಡುತ್ತದೆ. ಹಾಗೆಯೇ ಇದರಿಂದ ತುಟಿಯ ತೇವಾಂಶ ಸಹ ಹೆಚ್ಚು ಕಾಲ ಇರುತ್ತದೆ.

ಸರಿಯಾದ ಬಣ್ಣವನ್ನು ಆಯ್ಕೆ ಮಾಡಿ: ತುಟಿಗೆ ಲಿಪ್​ಸ್ಟಿಕ್​ ಹಚ್ಚುವಾಗ ಮಾತ್ರ ಅಲ್ಲ ಲಿಪ್​ ಲೈನರ್ ಹಚ್ಚುವಾಗ ಸಹ ಸರಿಯಾದ ಬಣ್ಣವನ್ನು ಆಯ್ಕೆ ಮಾಡುವುದು ಮುಖ್ಯವಾಗುತ್ತದೆ. ನಿಮ್ಮ ತುಟಿಗೆ ಹಚ್ಚುವ ಲಿಪ್​ಸ್ಟಿಕ್ ಸರಿಯಾಗಿ ಆಯ್ಕೆ ಮಾಡಿದ ಹಾಗೆಯೇ ಅದಕ್ಕೆ ಸೂಟ್​ ಆಗುವ ಲಿಪ್​ ಲೈನರ್ ಬಣ್ಣವನ್ನು ಆರಿಸಿದರೆ, ಸುಂದರವಾಗಿ ಕಾಣುತ್ತದೆ.

X ಆಕಾರವನ್ನು ಬರೆಯಿರಿ: ಮೊದಲು ಲಿಪ್​ ಲೈನರ್ ತೆಗೆದುಕೊಂಡು ನಿಮ್ಮ ತುಟಿಯ ಮೇಲೆ ಮೊದಲು X ಆಕಾರವನ್ನು ಬರೆಯಿರಿ. ಇದು ನಿಮಗೆ ಸುಲಭವಾಗಿ ಲೈನ್ ಎಳೆಯಲು ಸಹಾಯ ಮಾಡುತ್ತದೆ. ನಂತರ ಸ್ವಲ್ಪ ಮುಂದೆ  x ಲೈನ್​ ಅನ್ನು ಎಳೆಯಿರಿ.

ಸರಿಯಾಗಿ ಲೈನ್ ಎಳೆಯಿರಿ: ಈಗ ಆ ಲೈನ್​ಗಳನ್ನು ಉದ್ದವಾಗಿ ಎಳೆಯಿರಿ. ನಮ್ಮ ತುಟಿಯಲ್ಲಿಯೇ ನೈಸರ್ಗಿಕವಾಗಿ ಲೈನ್​ ಇರುತ್ತದೆ.. ಆ ಲೈನ್​ ಮೇಲೆಯೇ ಇದನ್ನು ಹಾಕಿದರೆ ವ್ಯತ್ಯಾಸ ಆಗುವುದಿಲ್ಲ.

ಫಿಲ್ ಮಾಡಿ: ಈಗ ಈ ಲೈನರ್​ ಅನ್ನು ನೀಟಾಗಿ ಫಿಲ್ ಮಾಡಿ, ಎಲ್ಲಿಯೂ ಆಹಾರ ಮಿಸ್ ಆಗದೇ ಇರುವ ರೀತಿ ಶೇಪ್ ಕೊಡಿ. ಹಾಗೆಯೇ ಯಾವುದೇ ಜಾಗದಲ್ಲಿ ಅರ್ಧವಾಗಿ ಹಚ್ಚಬೇಡಿ. ಇದು ನಿಮ್ಮ ತುಟಿಯ ಅಂದವನ್ನು ಹಾಳು ಮಾಡುತ್ತದೆ.

ಲಿಪ್​ಸ್ಟಿಕ್​ ಹಚ್ಚಿ: ಈಗ ನಿಮಗೆ ಬೇಕಾದ ಲಿಪ್​ಸ್ಟಿಕ್ ಹಚ್ಚಿ. ನೀವು ಯಾವ ಆಕಾರದಲ್ಲಿ ಲಿಪ್​ ಲೈನರ್ ಹಾಕಿರುತ್ತೀರೋ, ಅದೇ ಆಕಾರದಲ್ಲಿ ಲಿಪ್ ಸ್ಟಿಕ್ ಬರುತ್ತದೆ. ನಿಮ್ಮ ಲೈನರ್ ಹಾಗೂ ಲಿಪ್​ಸ್ಟಿಕ್​ ಬಣ್ಣ ಮ್ಯಾಚ್​ ಆಗಬೇಕು ಎಂಬುದನ್ನ ನೆನಪಿಡಿ.

ಕನ್ಸೀಲರ್ ಬಳಸಬಹುದು: ನಿಮಗೆ ಅಗತ್ಯವಿದ್ದರೆ ನೀವು ಇದರ ಮೇಲೆ ಕನ್ಸೀಲರ್ ಬಳಸಬಹುದು. ಅಥವಾ ಸ್ವಲ್ಪ ಕಾಂಪ್ಯಾಕ್ಟ್​ ಪೌಡರ್ ಹಚ್ಚಿದರೆ ಸಹ ನಿಮ್ಮ ಲಿಪ್​ಸ್ಟಿಕ್​ ಬೇಗ ಹೋಗುವುದಿಲ್ಲ , ತುಟಿ ಒಣಗಿದಂತೆ ಕಾಣುವುದಿಲ್ಲ.