Valentine's Day 2023: ಲವರ್ ಇಲ್ಲದೇ ಇದ್ದರೂ ವ್ಯಾಲೆಂಟೈನ್ಸ್ ಡೇಯನ್ನು ಸಿಂಗಲ್ಸ್ ಎಂಜಾಯ್ ಮಾಡಬಹುದು!

ಅನೇಕ ಜೋಡಿಗಳು ಪ್ರೇಮಿಗಳ ದಿನದ ಬಗ್ಗೆ ತುಂಬಾ ಉತ್ಸುಕರಾಗಿದ್ದಾರೆ. ಆದರೆ ಒಂಟಿಯಾಗಿರುವವರು ವ್ಯಾಲೆಂಟೈನ್ಸ್ ಡೇ ಆಚರಿಸಬೇಕು ಎಂದು ಅಂದುಕೊಂಡರೂ ಸಾಧ್ಯವಾಗುವುದಿಲ್ಲ.

ಆದರೆ ನೀವು ರಿಲೇಶನ್ ಶಿಪ್ನಲ್ಲಿ ಇಲ್ಲವಾದರೂ ವ್ಯಾಲೆಂಟೈನ್ಸ್ ಡೇ ಆಚರಿಸಲು ಇಷ್ಟಪಟ್ಟರೆ, ಕೆಲವು ಟಿಪ್ಸ್ ಫಾಲೋ ಮಾಡುವುದು ಬೆಸ್ಟ್. ಈ ಟಿಪ್ಸ್ ಮೂಲಕ ನೀವು ಈ ದಿನವನ್ನು ಶಾಶ್ವತವಾಗಿ ಸ್ಮರಣೀಯವಾಗಿಸಬಹುದು.

ಸಾಮಾನ್ಯವಾಗಿ ಜೋಡಿಗಳು ಮತ್ತು ರಿಲೇಶನ್ ಶಿಪ್ನಲ್ಲಿರುವವರು ಮಾತ್ರ ವ್ಯಾಲೆಂಟೈನ್ಸ್ ಡೇಯನ್ನು ಸೆಲೆಬ್ರೇಟ್ ಮಾಡುತ್ತಾರೆ ಎಂದು ಜನ ಹೇಳುತ್ತಾರೆ. ಆದರೆ ವಾಸ್ತವವಾಗಿ ಪ್ರೇಮಿಗಳ ದಿನ ಪ್ರೀತಿಯ ಹಬ್ಬವಾಗಿದೆ. ಹಾಗಾಗಿ ವ್ಯಾಲೆಂಟೈನ್ಸ್ ಡೇಯನ್ನು ನೀವು ರಿಲೇಶನ್ ಶಿಪ್ನಲ್ಲಿ ಇಲ್ಲವಾದರೂ ಆಚರಿಸಬಹುದು. ಪ್ರೇಮಿಗಳ ದಿನಚನ್ನು ಆಚರಿಸಲು ಸಿಂಗಲ್ಸ್ಗಳಿಗಾಗಿ ಕೆಲವು ಟಿಪ್ಸ್ ಈ ಕೆಳಗಿನಂತಿದೆ.

ಕುಟುಂಬ ಪ್ರವಾಸವನ್ನು ಯೋಜಿಸಿ : ಕುಟುಂಬದೊಂದಿಗೆ ಪ್ರೇಮಿಗಳ ದಿನವನ್ನು ಆಚರಿಸುವುದು ಸಹ ಅತ್ಯುತ್ತಮ ಆಯ್ಕೆಯಾಗಿದೆ. ನೀವು ಪ್ರೇಮಿಗಳ ದಿನದಂದು ಕುಟುಂಬದೊಂದಿಗೆ ಪಿಕ್ನಿಕ್ಗೆ ಪ್ಲ್ಯಾನ್ ಮಾಡಬಹು. ಅಲ್ಲದೇ, ಪ್ರೇಮಿಗಳ ದಿನದಂದು, ನೀವು ಕುಟುಂಬದೊಂದಿಗೆ ಮೀಟಿಂಗ್ ಯೋಜಿಸಬಹುದು ಅಥವಾ ರಾತ್ರಿ ಡಿನ್ನರ್ಗೆ ಹೋಗಬಹುದು. ಅದೇ ಸಮಯದಲ್ಲಿ ಕುಟುಂಬದ ಮೇಲಿನ ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಬಹುದು. ಕುಟುಂಬದ ಎಲ್ಲಾ ಸದಸ್ಯರಿಗೆ ನಿಮ್ಮನ್ನು ಪ್ರೀತಿಸುತ್ತೇನೆ ಎಂದು ಹೇಳಬಹುದು. (ಸಾಂಕೇತಿಕ ಚಿತ್ರ)

ಸ್ನೇಹಿತರೊಂದಿಗೆ ವ್ಯಾಲೆಂಟೈನ್ಸ್ ಡೇ: ನೀವು ಪ್ರೇಮಿಗಳ ದಿನವನ್ನು ಸ್ನೇಹಿತರೊಂದಿಗೂ ಆಚರಿಸಬಹುದು. ಮೂವಿಗೆ ಹೋಗುವುದು, ರಾತ್ರಿ ಡಿನ್ನರ್ಗೆ ಹೋಗುವುದು ಅಥವಾ ಪಾರ್ಟಿಗೆ ಹೋಗುವುದು ಹೀಗೆ ಕೆಲವು ಸಲಹೆಗಳನ್ನು ಅನುಸರಿಸುವ ಮೂಲಕ, ನೀವು ಸ್ನೇಹಿತರೊಂದಿಗೆ ಮೋಜು ಮಾಡುವುದಲ್ಲದೆ, ಆ ದಿನವನ್ನು ಕಂಪ್ಲೀಟ್ ಆನಂದಿಸಬಹುದು.(ಸಾಂಕೇತಿಕ ಚಿತ್ರ)

ಟ್ರಿಪ್ಗೆ ಪ್ಲ್ಯಾನ್ ಮಾಡಿ: ಪ್ರೇಮಿಗಳ ದಿನವನ್ನು ಸ್ಮರಣೀಯವಾಗಿಸಲು ನೀವು ಕೆಲವು ಸುಂದರ ತಾಣಗಳಿಗೆ ಹೋಗಬಹುದು. ಏಕಾಂಗಿಯಾಗಿ ನೀವು ಪ್ರಯಾಣಿಸಬಹುದು ಅಥವಾ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಯಾವುದಾದರೂ ಸುಂದರವಾದ ಸ್ಥಳಕ್ಕೆ ಭೇಟಿ ನೀಡಬಹುದು. ಇದು ನಿಮ್ಮ ಪ್ರೇಮಿಗಳ ದಿನವನ್ನು ಜೋಡಿಗಳಿಗಿಂತ ಹೆಚ್ಚು ಆಸಕ್ತಿಕರವಾಗಿಸುತ್ತದೆ.(ಸಾಂಕೇತಿಕ ಚಿತ್ರ)

ಶಾಪಿಂಗ್ : ಪ್ರೇಮಿಗಳ ದಿನದಂದು ನೀವು ನಿಮಗಾಗಿ ಸಮಯವನ್ನು ನೀಡಬೇಕು ಮತ್ತು ಶಾಪಿಂಗ್ ಮಾಡಬಹುದು. ಶಾಪಿಂಗ್ ಮಾಡುವುದರ ಜೊತೆಗೆ ಬೀದಿ ಬದಿಯ ಆಹಾರದ ಟೆಸ್ಟ್ ನೋಡುವುದು ನಿಮ್ಮ ದಿನವನ್ನು ವಿಶೇಷವಾಗಿಸಬಹುದು. ಅಲ್ಲದೆ, ಪ್ರೇಮಿಗಳ ದಿನದಂದು ನಿಮ್ಮ ನೆಚ್ಚಿನ ಸಿನಿಮಾ, ವೆಬ್ ಸರಣಿ ಅಥವಾ ಹವ್ಯಾಸವನ್ನು ನೀವು ಅನುಸರಿಸಬಹುದು.(;ಸಾಂಕೇತಿಕ ಚಿತ್ರ)