ಕ್ಯಾಲೋರಿ ಆಹಾರದ ಮೂಲಕ ಕೂಡ ತೂಕ ಇಳಿಸಿಕೊಳ್ಳಬಹುದು..!

ದೇಹ ತೂಕ ಇಳಿಸಿಕೊಳ್ಳಲು ಮಾಡುವ ನಾನಾ ಕಸರತ್ತು ಮಾಡುವವರೇ ಹೆಚ್ಚು. ಅದರಲ್ಲೂ ಡಯಟ್​ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುತ್ತಾರೆ. ಸಾಮಾನ್ಯವಾಗಿ ಡಯಟ್ ಅಂದಾಗಲೇ ಕ್ಯಾಲೋರಿ ಮುಕ್ತ ಆಹಾರ ಎಂಬ ತೀರ್ಮಾನಕ್ಕೆ ಹಲವರು ಬಂದಿರುತ್ತಾರೆ.

ಆದರೆ ಕೆಲವು ಕ್ಯಾಲೋರಿ ಇರುವ ಆಹಾರಗಳ ನಿಯಮಿತ ಸೇವನೆಯಿಂದ ಕುಡ ದೇಹತೂಕವನ್ನು ಇಳಿಸಬಹುದು. ಆರೋಗ್ಯವಂತ ದೇಹಕ್ಕೆ ಕ್ಯಾಲೋರಿ ಇರುವ ಆಹಾರ ಅತ್ಯವಶ್ಯಕ. ಹೀಗಾಗಿ ನಿಮ್ಮ ಡಯಟ್ ಜೊತೆಯಲ್ಲಿ ಹೈ ಕ್ಯಾಲೋರಿ ಪದಾರ್ಥಗಳ ಸೇವನೆ ಕೂಡ ಹೆಚ್ಚಿಸಿ. ಇದರಿಂದ ದೇಹ ತೂಕವನ್ನು ನಿಯಂತ್ತಿಸಬಹುದು. ಅಂತಹ ಆಹಾರಗಳ ಮಾಹಿತಿ ಇಲ್ಲಿದೆ ನೋಡಿ.

ತುಪ್ಪ: ಒಳ್ಳೆಯ ಕೊಬ್ಬಿನಾಂಶ ಇರುವ ಆಹಾರಗಳಲ್ಲಿ ತುಪ್ಪ ಕೂಡ ಒಂದು. ಇದರಲ್ಲಿ ಅತ್ಯುತ್ತಮ ಪೌಷ್ಠಿಕವಾದ ಕ್ಯಾಲೋರಿ ಇರುತ್ತದೆ. ಪ್ರತಿದಿನ ನೀವು ಒಂದು ಚಮಚ ತುಪ್ಪ ಸೇವಿಸುವುದರಿಂದ ದೇಹ ತೂಕ ಇಳಿಕೆಯ ವೇಗವನ್ನು ಹೆಚ್ಚಿಸಿಕೊಳ್ಳಬಹುದು.

ಬಾಳೆಹಣ್ಣು: ಬಾಳೆಹಣ್ಣಿನಲ್ಲೂ ಕ್ಯಾಲೋರಿ ಪ್ರಮಾಣ ಹೆಚ್ಚಿರುತ್ತದೆ. ವ್ಯಾಯಾಮ ಅಥವಾ ವರ್ಕೌಟ್ ಮೊದಲು ಅಥವಾ ನಂತರ ಬಾಳೆಹಣ್ಣು ತಿನ್ನುವುದು ಉತ್ತಮ. ಇದರಿಂದ ಕೂಡ ಫ್ಯಾಟ್ ಬರ್ನ್​ ವೇಗ ಹೆಚ್ಚಿಸಬಹುದು.

ಹಾಲು: ಇಂದು ಮಾರುಕಟ್ಟೆಯಲ್ಲಿ ಲೋ ಫ್ಯಾಟ್ ಮಿಲ್ಕ್, ಫ್ಯಾಟ್ ಫ್ರೀ ಹಾಲುಗಳು ಲಭ್ಯವಿದೆ. ನೀವು ಡಯಟ್​ನಲ್ಲಿದ್ರೆ ನಿಮ್ಮ ಆಯ್ಕೆ ಫುಲ್ ಫ್ಯಾಟ್ ಮಿಲ್ಕ್ ಸೇವಿಸುವುದು ಉತ್ತಮ. ಇದರಿಂದ ದೇಹಕ್ಕೆ ಬೇಕಾದ ಉತ್ತಮ ಫ್ಯಾಟ್​ ಸಿಗುವುದಲ್ಲದೆ, ವ್ಯಾಯಮದ ಮೂಲಕ ಕೆಟ್ಟ ಫ್ಯಾಟ್ ಹೊರ ಹಾಕಲು ಸಹಕಾರಿ.

ಮೊಟ್ಟೆ ಹಳದಿ: ಡಯಟ್​ನಲ್ಲಿರುವವರು ಸಾಮಾನ್ಯವಾಗಿ ಮೊಟ್ಟೆಯ ಬಿಳಿ ಭಾಗವನ್ನು ಮಾತ್ರ ಸೇವಿಸುತ್ತಾರೆ. ಇದಕ್ಕೆ ಒಂದು ಕಾರಣ ಕ್ಯಾಲೋರಿ ಹೆಚ್ಚಾಗಿರುವ ಹಳದಿ ಭಾಗ ಸೇವಿಸಿದ್ರೆ ದಪ್ಪ ಹೆಚ್ಚಾಗುತ್ತದೆ ಎಂಬ ಆತಂಕ. ಆದರೆ ಮೊಟ್ಟೆಯ ಹಳದಿಯಲ್ಲಿ ಅತ್ಯಧಿಕ ಪೋಷಕಾಂಶವಿರುತ್ತದೆ. ಇದನ್ನು ಸೇವಿಸುವುದರಿಂದ ನಿಮ್ಮ ಚಯಾಪಚಯ ಕ್ರಿಯೆ ಸುಧಾರಿಸುತ್ತದೆ. ನೀವು ಚೆನ್ನಾಗಿ ವರ್ಕೌಟ್ ಮಾಡಿದಂತೆ ಇದರಿಂದ ಕ್ಯಾಲೋರಿ ಕೂಡ ಚೆನ್ನಾಗಿ ಬರ್ನ್ ಆಗುತ್ತದೆ.

ಎಣ್ಣೆ : ಹಾಲಿನಂತೆ ಹಲವು ಕ್ವಾಲಿಟಿ ಎಣ್ಣೆಗಳೂ ಕೂಡ ಮಾರುಕಟ್ಟೆಯಲ್ಲಿದೆ. ಅದರಲ್ಲಿ ಮುಖ್ಯವಾಗಿ ಫ್ಯಾಟ್ ಫ್ರೀ ಆಯಿಲ್, ನೋ ಗ್ರೀಸ್ ಆಯಿಲ್ ಹೆಚ್ಚು ಗಮನ ಸೆಳೆಯುತ್ತದೆ. ಆದರೆ ಡಯಟ್​ ಸಮಯದಲ್ಲಿ ನೀವು ಎಣ್ಣೆ ಸೇವನೆಯಿಂದ ದೂರವಿರಬೇಡಿ. ನಮ್ಮ ದೇಹವು ಎಣ್ಣೆ ಪದಾರ್ಥಗಳಿಗೆ ಹೊಂದಿಕೊಂಡಿರುತ್ತದೆ. ಹೀಗಾಗಿ ಫ್ಯಾಟ್ ಫ್ರೀ ಎಣ್ಣೆಯಾದರೂ ಬಳಸುವುದು ಉತ್ತಮ.

ಪೀನಟ್ ಬಟರ್: ಪೀನಟ್ ಬಟರ್ ಅಥವಾ ಕಡಲೆಕಾಯಿ ಬೆಣ್ಣೆಯಲ್ಲೂ ಕ್ಯಾಲೋರಿ ಕಂಡು ಬರುತ್ತದೆ. ದೇಹದಲ್ಲಿನ ಬೇಡವಾದ ಕೊಬ್ಬು ಮತ್ತು ಕ್ಯಾಲೋರಿಯನ್ನು ಹೊರಹಾಕಲು ಪೀನಟ್ ಬಟರ್ ಕೂಡ ಸಹಕಾರಿ. ಹೀಗಾಗಿ ಡಯಟ್​ ವೇಳೆ ಇದರ ಸೇವನೆ ಕೂಡ ಉತ್ತಮ.