Relationship Tips: ನಿಮ್ಮ ಲವರ್ ಜೊತೆ ಯಾವಾಗ್ಲೂ ಜಗಳವಾಡ್ತಾ ಇರ್ತೀರಾ? ಹಾಗಿದ್ರೆ ಕಿತ್ತಾಡೋದು ಬಿಡಿ, ಈ ರೂಲ್ಸ್ ಫಾಲೋ ಮಾಡಿ

ಪ್ರೀತಿಯನ್ನು ಯಾರು ಬೇಕಾದರೂ ಮಾಡುತ್ತಾರೆ. ಆದರೆ ಅದನ್ನ ಯಾವ ರೀತಿಯಾಗಿ ಮತ್ತು ಎಷ್ಟು ವರ್ಷಗಳ ತನಕ ಉಳಿಸಿಕೊಳ್ಳುತ್ತಾರೆ ಅನ್ನುವುದು ಬಹಳ ಮುಖ್ಯ. ಪ್ರೀತಿ ಇದ್ದಲ್ಲಿ ಜಗಳ ಮತ್ತು ಮುನಿಸು ಕಾಮನ್. ಆದರೆ ಇದು ಅತಿ ಆಗಬಾರದು. ಹೆಚ್ಚಾಗಿ ಜಗಳ ಆಗ್ತಾ ಇರುವಂತಹ ರಿಲೇಷನ್ಶಿಪ್ ಗೆ ಟಾಕ್ಸಿಕ್ ರಿಲೇಶನ್ಶಿಪ್ ಅಂತ ಹೇಳಲಾಗುತ್ತೆ. ಇದನ್ನ ಕಡಿಮೆ ಮಾಡೋದು ಹೇಗೆ ತಿಳಿಯೋಣ.

ಎಂದಿಗೂ ಪ್ರೀತಿಯ ವಿಷಯಕ್ಕೆ ಅಳುವುದು ಮತ್ತು ತಲೆಕೆಡಿಸಿಕೊಳ್ಳುವುದು ಉತ್ತಮವಲ್ಲ. ಎಲ್ಲರಿಗೂ ಅವರಿಗೆ ಆದಂತಹ ಒಂದಷ್ಟು ಸಮಯವಿದೆ. ಆಗಿ ಹೆಚ್ಚಾಗಿ ನಿಮ್ಮ ಪ್ರೀತಿಯ ಮದ್ಯದಲ್ಲಿ ಜಗಳ ಆಗ್ತಾ ಇದ್ರೆ ನಿಮ್ಮ ಪಾಡಿಗೆ ನೀವು ಸ್ವತಂತ್ರವಾಗಿ ಸೋಲೋ ಟ್ರಿಪ್ ಹೋಗಿ. ಮನಸ್ಸಿಗೆ ತುಂಬಾ ನೆಮ್ಮದಿ ಸಿಗುತ್ತೆ.

ನಿಮ್ಮ ಪ್ರೀತಿ ಪಾತ್ರರೊಂದಿಗೆ ಎಂದಿಗೂ ಜಗಳವಾಗ್ತಾ ಇದ್ರೆ, ಅದಕ್ಕೆ ಗುಡ್ ಬಾಯ್ ಹೇಳಿ. ಇದು ಸ್ವಲ್ಪ ಸಮಯದ ತನಕ ಮಾತ್ರ ನಿಮ್ಮ ಮನಸ್ಸಿಗೆ ಬೇಸರವನ್ನುಂಟು ಮಾಡುತ್ತೆ. ಆದರೆ ಜೀವನ ಪರ್ಯಂತ ಕೊರಗುವುದನ್ನು ತಡೆಯಬಹುದು. ನಿಮಗೆ ಅವರಿಂದ ಪ್ರೀತಿ ಅಥವಾ ಗೌರವ ಸಿಕ್ತಾ ಇಲ್ಲ ಅಂತ ಅನಿಸಿದಾಗ ಕೂಡಲೇ ಆ ಜೋನ್ ನಿಂದ ಹೊರ ಬರಬಹುದು.

ಯಾರದ್ದೇ ತಪ್ಪಿದ್ದರು ಕೂಡ Sorry ಎಂಬ ಒಂದು ಪದ ಸಾಕು ಆ ಸಂಬಂಧ ಸರಿ ಹೋಗಲು. ನಿನಗೆ ಆ ಪ್ರೀತಿ ಬೇಕು ಅಂತ ಇದ್ರೆ ಕ್ಷಮಿಸು ಅಥವಾ sorry ಎಂಬ ಒಂದು ಪದವನ್ನು ಹೇಳಿ ಪ್ರೀತಿಯನ್ನು ಮುಂದುವರಿಸಬಹುದು.

ಅದೆಷ್ಟು ಪ್ರೀತಿಯಲ್ಲಿ ಜಗಳ ಆಗೋದು ಭೂತಕಾಲದಲ್ಲಿ ನಡೆದಂತಹ ವಿಷಯಗಳಿಗೆ. ಮೊದಲು ಇದರಿಂದ ದೂರ ಬನ್ನಿ. ಯಾಕಂದ್ರೆ past is past. ಆದಷ್ಟು ವರ್ತಮಾನದಲ್ಲಿ ಬದುಕಿ ಹಾಗೆ ಫ್ಯೂಚರ್ ಬಗ್ಗೆ ಯೋಚಿಸಿ.

ಪ್ರೀತಿಯ ಗಲಾಟೆಯಲ್ಲಿ ನಿಮ್ಮ ಆರೋಗ್ಯದ ಬಗ್ಗೆ ನಿರ್ಲಕ್ಷಿಸಬೇಡಿ. ಸಮಯಕ್ಕೆ ಸರಿಯಾಗಿ ಆಹಾರವನ್ನು ಸೇವಿಸಿ. ಎಂದಿಗೂ ಅತ್ತುಕೊಂಡು ಅಥವಾ ಜಗಳವಾಡಿಕೊಂಡು ಇದ್ರೆ ನಮ್ಮ ಮಾನಸಿಕ ಆರೋಗ್ಯ ಹಾಳಾಗುತ್ತೆ ಹೊರತು ಬೇರೆ ಯಾವುದೂ ಅಲ್ಲ.

ನಿಮ್ಮ ಪ್ರೀತಿ ಪಾತ್ರರೊಂದಿಗೆ ಜಗಳವಾದ ತಕ್ಷಣ ಅದನ್ನು ಇನ್ನೊಬ್ಬರಿಗೆ ದೂರು ನೀಡುವುದನ್ನ ಮೊದಲು ತಪ್ಪಿಸಿ. ಇದರಿಂದ ಇನ್ನಷ್ಟು ನೀವು ಮತ್ತು ನಿಮ್ಮವರು ದೂರವಾಗಬಹುದು. ಇಬ್ಬರೂ ಕೂಡ ಸ್ವಾತಂತ್ರ್ಯವಾಗಿ ಇರಬೇಕು. ಪ್ರೀತಿಯಲ್ಲಿ ನೋವಾದ ಕೂಡಲೇ ಇನ್ನೊಬ್ಬರಲ್ಲಿ ಹೇಳಿಕೊಂಡು ಅಳುವ ಬದಲು ಒಬ್ಬರೇ ಕುಳಿತುಕೊಂಡು ಈ ರೀತಿ ಜಗಳವಾಡದೇ ಇರೋದು ಹೇಗೆ ಎಂಬುದರ ಬಗ್ಗೆ ಯೋಚನೆ ಮಾಡಿ.

ಪ್ರೀತಿಯನ್ನ ಉಳಿಸಿಕೊಳ್ಳಲೇಬೇಕು ಆದರೆ ಯಾವಾಗಲೂ ಜಗಳವಾಗುತ್ತೆ ಎಂಬ ಕೊರಗು ನಿಮ್ಮಲ್ಲಿ ಇದ್ದರೆ, ಇದಕ್ಕೆ ಸೂಕ್ತವಾದಂತಹ ಚಿಕಿತ್ಸಕರೊಂದಿಗೆ ಮಾತನಾಡಿ. ಪ್ರೀತಿಯ ಒಂದಷ್ಟು ಸಲಹೆಗಳನ್ನು ಪಡೆಯಬಹುದು.