Bread: ಹಸಿವಾದಾಗ, ಹುಷಾರಿಲ್ಲದಾಗ ಬ್ರೆಡ್​ ತಿನ್ನುತ್ತೀರಾ? ತಿನ್ನುವ ಮೊದಲು ಈ ವಿಚಾರ ಗೊತ್ತಿರಲಿ

ಅನೇಕ ವರ್ಷದಿಂದ ಬ್ರೆಡ್​ ಸೇವನೆ ಮಾಡುತ್ತಾ ಬಂದಿದ್ದೇವೆ. ಅದರಲ್ಲೂ  ಹುಷಾರಿಲ್ಲ ಎಂದಾಗ ಬ್ರೆಡ್ ತಂದು ಸೇವನೆ ಮಾಡುತ್ತೇವೆ. ಆಹಾರ ಸೇವನೆ ಅಸಾಧ್ಯವೆಂದಾದಾಗ ಬ್ರೆಡ್ ಮತ್ತು ಹಾಲನ್ನು ಸೇವಿಸುತ್ತಾರೆ.

ಹಾಗಂತ ಬ್ರೆಡ್ ಅನ್ನು ಯಾವಾಗ ಬೇಕು ಆವಾಗ ತಿನ್ನಲಾಗುವುದಿಲ್ಲ. ನಿರ್ದಿಷ್ಟ ಸಮಯದವರೆಗೆ ಇರಿಸಿ ಬ್ರೆಡ್ ಅನ್ನು ಸೇವಿಸಬಹುದಾಗಿದೆ. ಅದರಲ್ಲೂ ಬ್ರೆಡ್ ಮನೆಗೆ ತಂದು ಎರಡರಿಂದ ಮೂರು ದಿನಗಳ ಓಳಗೆ ಸೇವಿಸುವುದು ಬಹಳ ಮುಖ್ಯ. ಹಸಿಯಾಗಿ ತಿಂದರೆ  ಬೆಸ್ಟ್.

ಆದರೆ ಎರಡು ದಿನ ಕಳೆದರೆ ಬ್ರೆಡ್ ರೋಸ್ಟ್ ಮಾಡಿ ಅಥವಾ ಉಪ್ಮ, ಸ್ಯಾಂಡ್ವಿಚ್ ಮಾಡಿ ತಿಂದರೆ ಒಳ್ಳೆಯದು.ಆದರೆ ಅದಕ್ಕಿಂತ ಹೆಚ್ಚಿನ ದಿನವಿಟ್ಟಿದ್ದ ಬ್ರೆಡ್ ಸೇವನೆ ಆರೋಗ್ಯಕ್ಕೆ ಅಪಾಯಕಾರಿ. ಏಕೆಂದರೆ ಬ್ರೆಡ್​ನಲ್ಲಿ ಬೇಗನೆ ಫಂಗಸ್ ಕಾಣಿಸಿಕೊಳ್ಳುತ್ತದೆ.

ಫಂಗಸ್ ಹಿಡಿದ ಬ್ರೆಡ್ ಸೇವನೆಯಿಂದ ಫುಡ್ ಪಾಯ್ಸನಿಂಗ್ ಆಗಬಹುದು. ವಾಂತಿ ಬೇಧಿ ಕಾಣಿಸಿಕೊಳ್ಳಬಹುದು. ಹಾಗಾಗಿ ಬ್ರೆಡ್ ಪ್ಯಾಕೆಟ್​ನಲ್ಲಿ ಅದರ ಎಕ್ಸ್​ಪೈರ್ ದಿನಾಂಕ ನೋಡಿ ಸೇವಿಸುವುದು ಒಳಿತು.

ಸದ್ಯದ ಗಡಿಬಿಡಿಯ ಜೀವನ ಶೈಲಿಯಲ್ಲಿ ಬ್ರೆಡ್ ಸೇವನೆ ಸರಳ ಹಾಗೂ ಸುಲಭ ವಿಧಾನವಾಗಿದೆ. ಇದರಿಂದ ಅಷ್ಟೇ ಸುಲಭವಾಗಿ ರಕ್ತದೊತ್ತಡ, ಉದರ ಕಾಯಿಲೆ, ಫ್ರಕ್ಟೋಸ್, ಕೊಲೆಸ್ಟ್ರಾಲ್, ಅಧಿಕ ಕ್ಯಾಲೋರಿ, ಅನಗತ್ಯ ಪೋಷಕಾಂಶಗಳು, ಮಲಬದ್ಧತೆಯಂತಹ ಸಮಸ್ಯೆಗಳು ಕಾಡುತ್ತವೆ.

ಬ್ರೆಡ್ ತಯಾರಿಸುವ ಹಿಟ್ಟಿನಲ್ಲಿ ಗ್ಲುಟನ್ ಎಂಬ ಪ್ರೋಟೀನ್ ಮಿಶ್ರಣ ಇರುತ್ತದೆ. ಗ್ಲುಟನ್ ಎನ್ನುವುದು ಧಾನ್ಯಗಳ ಎಂಡೋಸ್ಪರ್ಮ್ ಗಳ ಪಿಷ್ಟದೊಂದಿಗೆ ಇರುತ್ತದೆ.ಇದು ಬೇಯಿಸಿದಾಗ ಬ್ರೆಡ್​ನ ಸೂಕ್ತ ವಿನ್ಯಾಸ ತರಲು ಸಹಕರಿಸುವುದು. ಬ್ರೆಡ್ ಹಿಟ್ಟಿನಲ್ಲಿ ಫೈಟಿಕ್ ಆಮ್ಲಗಳು ಇರುತ್ತವೆ. ಇದು ವಿರೋಧಿ ಪೋಷಕಾಂಶ ಎಂದು ಕರೆಯಲಾಗುತ್ತದೆ. ಇದು ಅಂಟುವ ಪರಿಣಾಮವನ್ನು ಉಂಟುಮಾಡುತ್ತದೆ.