Kitchen Hacks: ಲೋಳೆಯಾಗದಂತೆ ಬೆಂಡೆಕಾಯಿಂದ ಅಡುಗೆ ಮಾಡಬಹುದು, ಇಲ್ಲಿದೆ ಈಸಿ ಟಿಪ್ಸ್​!

ಬೆಂಡೆಕಾಯಿಯು ವಿವಿಧ ತರಕಾರಿಗಳಲ್ಲಿ ಒಂದು. ಇದನ್ನು ಅಸ್ತಮ ಇರುವವರು ತಿನ್ನಲೇ ಬಾರದು. ಈ ತರಕಾರಿಯಿಂದ ಸಾಂಬಾರ್​, ಪಲ್ಯ, ಗ್ರೇವಿ ಹೀಗೆ ಅನೇಕ ಪದಾರ್ಥಗಳನ್ನು ಮಾಡಬಹುದು.

ಆದರೆ ಈ ಬೆಂಡೆಕಾಯಿಯ ಅಡುಗೆ ಮಾಡ್ಬೇಕಾದ್ರೆ ಲೋಳೆ ಲೋಳೆ ಬರ್ತಾ ಇದ್ಯಾ? ಏನು ಮಾಡ್ಬೇಕು ಅಂತ ಯೋಚ್ನೆ ಮಾಡ್ತಾ ಇದ್ರೆ ಇಲ್ಲಿದೆ ನೋಡಿ ಒಂದಷ್ಟು ಅಡುಗೆಗೆ ಸಲಹೆಗಳು.

ನೀವು ಬೆಂಡೆಕಾಯಿ ಅಡುಗೆ ಮಾಡುವ ಮೊದಲು ಚೆನ್ನಾಗಿ ನೀರಿನಲ್ಲಿ ತೊಳೆದುಕೊಳ್ಳಬೇಕು. ನಂತರ ಒದ್ದೆಯಾದ ಬೆಂಡೆಕಾಯಿಯನ್ನು ಒಣಗಿರುವ ಬಟ್ಟೆಯಿಂದ ಚೆನ್ನಾಗಿ ಒರೆಸಿಕೊಳ್ಳಬೇಕು.

ಬಾಣಲೆಗೆ ಕೊಂಚ ಅಡುಗೆ ಎಣ್ಣೆಯನ್ನು ಹಾಕಿ, ಚಿಕ್ಕದಾಗಿ ಕತ್ತಿರಿಸಿದ ಬೆಂಡೆಕಾಯಿಯನ್ನು ಬಾಣಲೆಗೆ ಹಾಕಿ 5 ರಿಂದ 10 ನಿಮಿಷಗಳ ಕಾಲ ಚೆನ್ನಾಗಿ ಫ್ರೈ ಮಾಡಬೇಕು. ಆ ಬೆಂಡೆಕಾಯಿಯು ಕಂದು ಬಣ್ಣಕ್ಕೆ ಬರಬೇಕು. ಆಗ ಲೋಳೆ ರಸ ಹೋಗಿರುತ್ತದೆ.

ನೀವು ಬೆಂಡೆಕಾಯಿಯನ್ನು ಬೇಯಿಸುವಾಗ ಯಾವುದೇ ಕಾರಣಕ್ಕೂ ಮುಚ್ಚಿಡಬೇಡಿ. ಇದರಿಂದ ಹಬೆ ಹೆಚ್ಚಾಗಿ ಲೋಳೆ ಹಾಗೆಯೇ ಉಳಿದಿರುತ್ತದೆ.

ಬೆಂಡೆಕಾಯಿ ಫ್ರೈ ಮಾಡುವಾಗ ಅದಕ್ಕೆ ಮೊದಲೇ ಉಪ್ಪನ್ನು ಹಾಕಬೇಡಿ. ಸಂಪೂರ್ಣ ಎಲ್ಲಾ ಮಸಾಲೆಗಳನ್ನು ಹಾಕಿದ ನಂತರ, ಕೊನೆಯಲ್ಲಿ ಉಪ್ಪನ್ನು ಹಾಕಿ. ಹಾಗೆಯೇ ನಿಂಬೆ ರಸವನ್ನು ಕೂಡ ಹಾಕಬೇಡಿ.

ಬೆಂಡೆಕಾಯಿಯನ್ನು ಹುರಿಯುವಾಗ ಕೊಂಚ ಕಡಲೆ ಹಿಟ್ಟನ್ನು ಮಿಶ್ರಣ ಮಾಡಿದ್ರೆ ಆಗ ಲೋಳೆ ಆಗೋದಿಲ್ಲ. ಈ ಹಿಟ್ಟನ್ನು ಹಾಕಿ 3 ನಿಮಷವಾದ್ರೂ ಹುರಿಬೇಕು. ಆಗ ಫುಲ್​ ಲೋಳೆ ಹೋಗುತ್ತದೆ.

ಕಾಶ್ಮೀರಿ ಚಿಲ್ಲಿ ಮತ್ತು ಇತರ ಮಸಾಲೆಗಳನ್ನು ನೀವು ಈ ಕತ್ತರಿಸಿದ ಬೆಂಡೆಕಾಯಿಯೊಂದಿಗೆ ಹುರಿಯಬೇಕು. ಆಗ ಎಲ್ಲಾ ಮಸಾಲೆಗಳು ಇದರ ಒಳಗೆ ಹೋಗಿ ರುಚಿ ಹೆಚ್ಚಿಸುವುದರ ಜೊತೆಗೆ, ಎಲ್ಲಾ ಅಂಟಂಟು ಹೋಗಿ ಬಿಡುತ್ತದೆ.