Weight Loss Tips: ಹಸಿ ಮೆಣಸಿನಕಾಯಿಯಿಂದ ತೂಕ ಇಳಿಸಬಹುದಂತೆ! ಕಣ್ಣಲ್ಲಿ ನೀರು ಹಾಕ್ಬೇಡಿ, ಇದನ್ನ ಬಳಸೋದು ಹೇಗೆ ಅಂತ ತಿಳಿಯಿರಿ

ಹಸಿರು ಮೆಣಸಿನಕಾಯಿಗಳಲ್ಲಿ ಕ್ಯಾಪ್ಸೈಸಿನ್, ಕಬ್ಬಿಣ, ವಿಟಮಿನ್ ಸಿ, ವಿಟಮಿನ್ ಎ, ಕಬ್ಬಿಣ, ಪೊಟ್ಯಾಸಿಯಮ್ ಮತ್ತು ಡಯೆಟರಿ ಫೈಬರ್ ಎಂಬ ಆ್ಯಂಟಿ ಆಕ್ಸಿಡೆಂಟ್​ಗಳ ಸಮೃದ್ಧ ಮೂಲವಾಗಿದೆ.

ಕೆಲವರಿಗಂತೂ ಹಸಿ ಮೆಣಸಿನಕಾಯಿ ಇಲ್ಲದೇ ಅಡುಗೆ ಮಾಡುವುದೇ ಇಲ್ಲ. ಇನ್ನು ಕೆಲವರಿಗೆ ಹಸಿ ಮೆಣಸಿನಕಾಯಿ ಇದ್ದರೇ ಮಾತ್ರ ರುಚಿ. ಬಹುತೇಕ ಭಾರತೀಯ ಅಡುಗೆಗಳಲ್ಲಿ ಬಳಕೆ ಮಾಡಲಾಗುತ್ತದೆ. ಈ ಹಸಿ ಮೆಣಸಿನಕಾಯಿ ಚಯಾಪಚಯವನ್ನು ಹೆಚ್ಚಿಸುತ್ತದೆ. ಅಲ್ಲದೇ ತೂಕ ಇಳಿಸಲು ಸಹಾಯ ಮಾಡುತ್ತದೆ

ತಜ್ಞರ ಪ್ರಕಾರ ಹಸಿ ಮೆಣಸಿನಕಾಯಿ ಚಯಾಪಚಯ ಕ್ರಿಯೆಯನ್ನು 50%ಹೆಚ್ಚಿಸುತ್ತದೆ. ಸೀಮಿತ ಪ್ರಮಾಣದಲ್ಲಿ ಹಸಿರು ಮೆಣಸಿನಕಾಯಿ ಸೇವನೆ ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ.

ಮಸಾಲೆಯುಕ್ತ ಆಹಾರವು ನಿಮ್ಮ ಹಸಿವನ್ನು ನಿಗ್ರಹಿಸುತ್ತದೆ ಮತ್ತು ನಿಮಗೆ ದೀರ್ಘಕಾಲದವರೆಗೆ ಹಸಿವು ಆಗದಂತೆ ಮಾಡುತ್ತದೆ ಇದರಿಂದಾಗಿ ಕ್ಯಾಲೋರಿ ಸೇವನೆಯನ್ನು ಕಡಿಮೆ ಮಾಡುತ್ತದೆ ಎಂದು ಅಧ್ಯಯನಗಳು ಬಹಿರಂಗಪಡಿಸಿವೆ.

ಈ ಹಸಿ ಮೆಣಸಿನಕಾಯಿಯಲ್ಲಿ ಕಡಿಮೆ ಕ್ಯಾಲೋರಿ ಇದ್ದು ಇದು ತೂಕ ಇಳಿಸಲು ಬೋನಸ್ ಅಂಶವಾಗುತ್ತದೆ. ಬೀಜಗಳನ್ನು ಹಿಡಿದಿರುವ ಮೆಣಸಿನಕಾಯಿಯ ಬಿಳಿ ಪೊರೆ ಕ್ಯಾಪ್ಸೈಸಿನ್‌ನ ಶ್ರೀಮಂತ ಮೂಲವಾಗಿದೆ ಮತ್ತು ತೂಕ ಇಳಿಸಲು ಸಹಾಯ ಮಾಡುತ್ತದೆ.

ತೂಕ ಇಳಿಸಿಕೊಳ್ಳಲು, ತಜ್ಞರು ಹಸಿ ಮೆಣಸಿನಕಾಯಿಯನ್ನು ವೆಜ್​ ಕರಿಗಳಲ್ಲಿ ಬಳಸಲು ಅಥವಾ ಕೆಂಪು ಮೆಣಸಿನ ಪುಡಿಗೆ ಬದಲಿಯಾಗಿ ಬಳಸಲು ಸೂಚಿಸಿದ್ದಾರೆ. ಯಾಕೆಂದರೆ ಕೆಂಪು ಮೆಣಸಿನಪುಡಿಯಲ್ಲಿ ಬಣ್ಣಗಳನ್ನು ಸೇರಿಸಿರಬಹುದು.

ಅದಲ್ಲದೆ, ಈ ಮೆಣಸಿನಕಾಯಿಗಳನ್ನು ನಿಮ್ಮ ಉಪ್ಪಿನಕಾಯಿ, ಸಲಾಡ್‌ಗಳಲ್ಲಿ ಅಥವಾ ದಾಲ್, ಸಾಂಬಾರ್ ಹೀಗೆ ಎಲ್ಲ ಅಡುಗೆಗಳಲ್ಲಿ ಬಳಕೆ ಮಾಡಬಹುದು. ಒಂದು ದಿನದಲ್ಲಿ ಕೇವಲ 12-15 ಗ್ರಾಂ ಮೆಣಸಿನಕಾಯಿಯನ್ನು ಮಾತ್ರ ಸೇವನೆ ಮಾಡಬೇಕು ಎಂದು ತಜ್ಞರು ಸಲಹೆ ನೀಡಿದ್ದಾರೆ

ಇದು ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ತೂಕವನ್ನು ಕಳೆದುಕೊಳ್ಳುವ ಪ್ರಕ್ರಿಯೆಯನ್ನು ಸರಾಗಗೊಳಿಸಿ, ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ. ಆದರೆ ಹಸಿ ಮೆಣಸಿನಕಾಯಿಯ ಚಯಾಪಚಯ ವರ್ಧಕ ಗುಣಗಳು ಮತ್ತು ತೂಕ  ಇಳಿಸಲು ಸಹಾಯ ಮಾಡುವ ಅಂಶಗಳು ಪರೋಕ್ಷವಾಗಿ ಮಧುಮೇಹವನ್ನು ಕಡಿಮೆ  ಮಾಡುತ್ತದೆ.

ತರಕಾರಿ, ರೈತ, ಸಾಂಬಾರ್ ಮತ್ತು ಕೆಲ ಆಹಾರ ಪದಾರ್ಥಗಳ ಮೂಲಕ ಕೇವಲ 12 ಗ್ರಾಂ ಹಸಿರು ಮೆಣಸಿನಕಾಯಿಗಳನ್ನು ಸೇವನೆ ಮಾಡುವುದು ಸುರಕ್ಷಿತ ಮತ್ತು ಪ್ರಯೋಜನಕಾರಿ. ಅದನ್ನು ಮೀರಿ ಸೇವನೆ ಮಾಡುವುದು ಹೊಟ್ಟೆ ನೋವು, ಸೆಳೆತ, ಅತಿಸಾರಕ್ಕೆ ಕಾರಣವಾಗಬಹುದು ಮತ್ತು ಚರ್ಮದ ಅಲರ್ಜಿಗೂ ಕಾರಣವಾಗಬಹುದು.