Parenting Tips: ಮಕ್ಕಳು ನಡೆದಾಡಲು ಪ್ರಾರಂಭಿಸಿದಾಗ ಪೋಷಕರದಾವರು ಏನು ಮಾಡಬೇಕು ಗೊತ್ತಾ?

ಅಂಬೆಗಾಲಿನಲ್ಲಿ ನಡೆದಾಡುವ ಮಗು ತಿಂಗಳು ಕಳೆದಂತೆ ನಡೆಯಲು ಪ್ರಾರಂಭಿಸಿದಾಗ ಪೋಷಕರಿಗೆ ಅದರಿಂದ ಆಗುವ ಸಂತೋಷ ಅಷ್ಟಿಷ್ಟಲ್ಲ. ಈ ಸಮಯದಲ್ಲಿ ಪೋಷಕರು ಹೆಚ್ಚು ಎಚ್ಚರಿಕೆಯಿಂದ ಇರಬೇಕಾಗುತ್ತದೆ. ಮಕ್ಕಳನ್ನು ಒಬ್ಬರೇ ಬಿಡುವುದು ತುಂಬಾನೇ ಅಪಾಯ. ಏಕೆಂದರೆ ವಾಕಿಂಗ್ ಮಾಡುವಾಗ ಮಗು ಯಾವುದೇ ಸಮಯದಲ್ಲಿ ಬೀಳಬಹುದು. ಇದರಿಂದ ಅವರಿಗೆ ಗಂಭೀರ ಗಾಯವಾಗುವ ಸಾಧ್ಯತೆಯೂ ಇದೆ.

ಮನೆಯಲ್ಲಿ ಕಾರ್ಪೆಟ್ ಹಾಸಿ: ಮಕ್ಕಳು ಮೊದಲ ಬಾರಿಗೆ ನಡೆಯಲು ಪ್ರಾರಂಭಿಸಿದಾಗ ಆಗಾ ಬೀಳುತ್ತಾ ಏಳುತ್ತಾ ನಡೆಯುತ್ತಾರೆ. ಈ ಸಮಯದಲ್ಲಿ ಮನೆಯಲ್ಲಿ ಕಾರ್ಪೆಟ್ ಅಥವಾ ಚಾಪೆ ಹಾಸುವ ಮೂಲಕ ಮಕ್ಕಳಿಗೆ ಓಡಲು ಕಲಿಸಿ. ಮಕ್ಕಳನ್ನು ನಯವಾದ ಅಥವಾ ಒರಟಾದ ನೆಲದ ಮೇಲೆ ಬೀಳಿಸಬೇಡಿ ಎಂಬುದನ್ನು ನೆನಪಿನಲ್ಲಿಡಿ. ಮಕ್ಕಳು ನಯವಾದ ನೆಲದಲ್ಲಿ ಜಾರಿಬೀಳಲು ಹೆದರುತ್ತಾರೆ, ಒರಟು ನೆಲವು ಮಕ್ಕಳ ಸೂಕ್ಷ್ಮ ಪಾದಗಳನ್ನು ಸಹ ಗಾಯಗೊಳಿಸುತ್ತದೆ.

ವಾಕರ್ ದೂರವಿಡಿ: ಮಕ್ಕಳು ನಡೆಯಲು ಪ್ರಾರಂಭಿಸುವಾಗ ವಾಕರ್ ಬಳಸುತ್ತೇವೆ. ಆದರೆ ಮಗು ತಾನಾಗಿಯೇ ನಡಯಲು ಹಂಬಲಿಸುವ ಸಮಯದಲ್ಲಿ ವಾಕರ್ ಅನ್ನು ಮಕ್ಕಳಿಂದ ದೂರವಿಡುವುದು ಉತ್ತಮ. ವಾಸ್ತವವಾಗಿ, ವಾಕರ್ ಅನ್ನು ನೋಡಿ, ಮಕ್ಕಳು ವಾಕರ್ನಲ್ಲಿ ನಡೆಯಲು ಒತ್ತಾಯಿಸುತ್ತಾರೆ, ಇದರಿಂದಾಗಿ ಮಕ್ಕಳು ವಾಕರ್ಗೆ ಒಗ್ಗಿಕೊಳ್ಳುತ್ತಾರೆ.

ಪಾದದ ಮಸಾಜ್ ಮುಖ್ಯವಾಗಿದೆ: ಚಿಕ್ಕ ಮಕ್ಕಳ ಸ್ನಾಯುಗಳನ್ನು ಬಲಪಡಿಸಲು ಇಡೀ ದೇಹವನ್ನು ಮಸಾಜ್ ಮಾಡುವುದು ಅವಶ್ಯಕವಾದರೂ, ಆದರೆ ಮಕ್ಕಳು ನಡೆಯಲು ಕಲಿತಾಗ, ಪ್ರತಿದಿನ ಅವರ ಪಾದಗಳನ್ನು ಮಸಾಜ್ ಮಾಡಿ. ಮಕ್ಕಳ ಪಾದಗಳು ತಮ್ಮ ದೇಹದ ಭಾರವನ್ನು ನಿಭಾಯಿಸಲು ಸಾಧ್ಯವಾಗುತ್ತದೆ ಮತ್ತು ಮಕ್ಕಳು ವೇಗವಾಗಿ ನಡೆಯಲು ಪ್ರಾರಂಭಿಸುತ್ತಾರೆ.

ನಡೆಯಲು ಸಹಾಯ ಮಾಡಿ: ನಿಮ್ಮ ಮಗು ಮೊದಲು ನಡೆಯಲು ಕಲಿಯುವಾಗ ಅಹಾಯ ಮಾಡಲು ಪ್ರಯತ್ನಿಸಿ. ಅಂತಹ ಸಮಯದಲ್ಲಿ ಕೈ ಹಿಡಿದು ನಡೆಸಲು ಮುಂದಾಗಿ. ಮಗುವಿಗೆ ಪ್ರತಿದಿನ ನಡೆಯುವ ಅಭ್ಯಾಸವನ್ನು ನೀಡುವುದರಿಂದ, ನಿಮ್ಮ ಮಗು ಕೆಲವೇ ದಿನಗಳಲ್ಲಿ ಚೆನ್ನಾಗಿ ನಡೆಯಲು ಕಲಿಯುತ್ತದೆ.