ಶಾರುಖ್​ ಖಾನ್​-ಗೌರಿ ದಂಪತಿಯಿಂದ ವಿರುಷ್ಕಾವರೆಗೆ: ಸೆಲೆಬ್ರಿಟಿಗಳ Honeymoon Destinations

ಅಭಿಷೇಕ್​ ಬಚ್ಚನ್​ ಹಾಗೂ ಐಶ್ವರ್ಯಾ ರೈ ಅವರು ಮದುವೆಯಾದ ನಂತರ ಇಡೀ ಯುರೋಪ್​ನಲ್ಲಿ ಸುತ್ತಾಡಿದ್ದರು. ಅದು ಅವರ ಹನಿಮೂಪ್​ ಪ್ರವಾಸವಾಗಿತ್ತು. ಜೊತೆಗೆ ಅಭಿಷೇಕ್​ ಜೊತೆ ಐಶ್ವರ್ಯಾ ರೈ ಅವರು ಕೇನ್ಸ್​ ಫಿಲ್ಮ್​ ಫೆಸ್ಟಿವಲ್​ನಲ್ಲೂ ಭಾಗಿಯಾಗಿದ್ದರು.

ಬಾಲಿವುಡ್​ ಬೇಬೊ ಕರೀನಾ ಕಫೂರ್​ ಹಾಗೂ ಸೈಫ್​ ಅಲಿ ಖಾನ್​ 20212ರಲ್ಲಿ ವಿವಾಹವಾಗಿದ್ದರು. ಸಾಕಷ್ಟು ವಿವಾದಗಳನ್ನು ಎದುರಿಸುವ ಮೂಲಕ ಈ ಮದುವೆಯಾಗಿತ್ತಾದರೂ ಈ ಜೋಡಿ ಮಾತ್ರ Switzerland ಮಂಜು ತುಂಬಿದ ಬೆಟ್ಟಗಳ ನಡುವೆ ಕಾಲ ಕಳೆದಿದ್ದರು. Switzerland ಈ ಜೋಡಿಯ ನೆಚ್ಚಿನ ಪ್ರವಾಸಿ ಸ್ಥಳವಾಗಿದೆ.

30 ವರ್ಷಗಳಿಂದ ಯಶಸ್ಸಿ ದಾಂಪತ್ಯ ನಡೆಸುತ್ತಿರುವ ಶಾರುಖ್ ಖಾನ್​ ಹಾಗೂ ಗೌರಿ ಖಾನ್​ ಮೂರು ಸಲ ಮದುವೆಯಾಗಿರುವ ವಿಷಯ ತಿಳಿದೇ ಇದೆ. 1991ರಲ್ಲಿ ವಿವಾಹವಾದ ಈ ಜೋಡಿ ತಮ್ಮ ಜೀವನದಲ್ಲಿ ಸಾಕಷ್ಟು ಏರಿಳಿತಗಳನ್ನು ಕಂಡಿದ್ದಾರೆ. ಇನ್ನು ಮದುವೆಯಾದಾಗ ಶಾರುಖ್​ ಖಾನ್​ ಇನ್ನೂ ಉದಯೋನ್ಮುಖ ನಟರಾಗಿದ್ದರು. ಈ ಕಾರಣದಿಂದಲೇ ಕೈಯಲ್ಲಿ ಹಣವಿಲ್ಲ ಕಾರಣಕ್ಕೆ ಗೌರಿಯನ್ನು ತಮ್ಮ ಸಿನಿಮಾ ಶೂಟಿಂಗ್​ ನಡೆಯುತ್ತಿದ್ದ ಪ್ಯಾರಿಸ್​ಗೆ ಕರೆದುಕೊಂಢು ಹೋಗಿದ್ದರಂತೆ.

ಜರ್ಸಿ ಸಿನಿಮಾದ ಸ್ಟಾರ್​ ಶಾಹಿದ್​ ಕಪೂರ್​ ಅವರು ಕರೀನಾ ಕಪೂರ್​ ಜತೆ ಬ್ರೇಕಪ್​ ಆದ ನಂತರ ಮೀರಾ ರಾಜಪೂತ್​ ಜತೆ ಮದುವೆಯಾದರು. ತಮ್ಮ ಹನಿಮೂನ್​ಗಾಗಿ ಅವರು ಲಂಡನ್​ಗೆ ಹಾರಿದ್ದರು.

ರಾಜ್​ ಕುಂದ್ರಾ ಅವರಿಗೆ ಇದು ಎರಡನೇ ಮದುವೆಯಾದರೂ ಪ್ರೀತಿಸಿ ಶಿಲ್ಪಾ ಶೆಟ್ಟಿ ಅವರನ್ನು ವಿವಾಹವಾದರು. ಈ ಜೋಡಿ ಬಹಾಮಾ ದ್ವೀಪವನ್ನು ಹನಿಮೂನ್​ ಡೆಸ್ಟಿನೇಷನ್​ ಆಗಿ ಆಯ್ಕೆ ಮಾಡಿಕೊಂಡಿದ್ದರು. ತಿಳಿಯಾದ ನೀರಿನ ದ್ವೀದಲ್ಲಿ ಪ್ರಕೃತಿಯ ಸೌಂದರ್ಯವನ್ನು ಸವಿದಿದ್ದರು.

ವಿದೇಶದಲ್ಲಿ ಡೆಸ್ಟಿನೇಷನ್​ ವೆಡ್ಡಿಂಗ್​ ಮಾಡಿಕೊಂಡ ಅನುಷ್ಕಾ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ಜೋಡಿ ಫಿನ್​ಲ್ಯಾಂಡ್​ಗೆ ಹನಿಮೂನ್​ಗಾಗಿ ಹೋಗಿದ್ದರು. ಈ ಜೋಡಿ ತಮ್ಮ ವಿವಾಹ ಹಾಗೂ ಹನಿಮೂನ್​ ಡೆಸ್ಟಿನೇಷನ್​  ಅನ್ನು ಗುಟ್ಟಾಗಿ ಇಟ್ಟಿದ್ದರು. ತಮ್ಮ ವಿವಾಹದಿಂದ ಮಾಧ್ಯಮಗಳನ್ನು ದೂರ ಇಟ್ಟಿದ್ದರು.