Snoring Remedy: ನಿದ್ರೆ ಹಾಳು ಮಾಡುವ ಗೊರಕೆಯಿಂದ ಮುಕ್ತಿ ನೀಡುತ್ತೆ ಈ ವಸ್ತುಗಳು

ಆಲಿವ್ ಎಣ್ಣೆ: ಆಲಿವ್ ಎಣ್ಣೆಯಲ್ಲಿರುವ ಉರಿಯೂತ ಗುಣಲಕ್ಷಣಗಳು ಗೊರಕೆ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನೀವು ಮಲಗುವ ಮುನ್ನ ಒಂದು ಚಮಚ ಆಲಿವ್ ಎಣ್ಣೆಯನ್ನು ಸೇವಿಸುವುದು ಉತ್ತಮ.

ಏಲಕ್ಕಿ: ಏಲಕ್ಕಿಯಲ್ಲಿರುವ ಅಂಶಗಳು ಶ್ವಾಸಕೋಶದಲ್ಲಿ ಗಾಳಿ ಹೋಗಲು ಅನುವು ಮಾಡಿಕೊಡುವ ಮೂಲಕ ಗೊರಕೆಯನ್ನು ನಿಲ್ಲಿಸುತ್ತದೆ. ಮಲಗುವ ಅರ್ಧಗಂಟೆ ಮೊದಲು ಏಲಕ್ಕಿ ಪುಡಿಯನ್ನು ಬೆಚ್ಚಗಿನ ನೀರಿಗೆ ಹಾಕಿ ಕುಡಿಯಬೇಕು.

ಅರಿಶಿನ: ಅರಿಶಿನ ಆ್ಯಂಟಿ ಬಾಯಾಟಿಂಕ್ ಮಾತ್ರವಲ್ಲದೇ ಉರಿಯೂತ ಕಡಿಮೆ ಮಾಡಲು ಸಹ ಸಹಕಾರಿ. ರಾತ್ರಿ ಮಲಗುವ 1 ಗಂಟೆ ಮೊದಲು ಬಿಸಿ ಹಾಲಿಗೆ ಒಂದು ಚಮಚ ಅರಿಶಿನ ಹಾಕಿ, ಚೆನ್ನಾಗಿ ಮಿಕ್ಸ್ ಮಾಡಿ ಕುಡಿಯಿರಿ.

ಬೆಳ್ಳುಳ್ಳಿ: ಬೆಳ್ಳುಳ್ಳಿಯಲ್ಲಿ ಸಹ ಗೊರಕೆ ಕಡಿಮೆ ಮಾಡುವ ಅಂಶಗಳಿದೆ. ರಾತ್ರಿ ಮಲಗುವ ಮುನ್ನ ಹಸಿ ಬೆಳ್ಳುಳ್ಳಿಯನ್ನು ಹಾಗೆಯೇ 2 ತಿಂದು, ಬಿಸಿ ಬಿಸಿ ನೀರು ಕುಡಿಯಿರಿ ಸಾಕು. ಕೆಲವೇ ದಿನಗಳಲ್ಲಿ ಗೊರಕೆ ನಿಲ್ಲುತ್ತದೆ.

ಕ್ಯಾಮೊಮೈಲ್ ಟೀ: ಈ ಕ್ಯಾಮೊಮೈಲ್​ ಟೀ ಅಸಿಡಿಟಿ ಸಮಸ್ಯೆ ಸೇರಿದಂತೆ ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ. ಇದನ್ನು ಮಲಗುವ ಮುನ್ನ ಕುಡಿಯುವುದು ಗೊರಕೆ ಕಡಿಮೆ ಮಾಡುತ್ತದೆ.

ಸ್ಟೀಮ್ ತೆಗೆದುಕೊಳ್ಳಿ: ಸ್ಟೀಮ್​ ತೆಗೆದುಕೊಳ್ಳುವುದು ಶೀತ, ತಲೆನೋವು ಕಡಿಮೆ ಮಾಡಲು ಮಾತ್ರ ಸಹಾಯ ಮಾಡುವುದಿಲ್ಲ, ಗೊರಕೆಯನ್ನು ಸಹ ಇದು ನಿಲ್ಲಿಸುತ್ತದೆ. ಹಾಗಾಗಿ ದಿನಕ್ಕೆ 2 ಬಾರಿಯಾದರೂ ಸ್ಟೀಮ್ ತೆಗೆದುಕೊಳ್ಳಿ.

ಪ್ರತಿದಿನ ವ್ಯಾಯಾಮ ಮಾಡಿ: ಪ್ರತಿದಿನ ವ್ಯಾಯಾಮ ಮಾಡುವುದು ನಿಮಗೆ ಸಹಾಯ ಮಾಡುತ್ತದೆ. ಇದು ಕೇವಲ ಗೊರಕೆ ನಿಲ್ಲಿಸಲು ಮಾತ್ರವಲ್ಲದೇ ನಿಮ್ಮ ತೂಕ ಇಳಿಸಲು ಹಾಗೂ ಒಟ್ಟಾರೆ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.

ಧೂಮಪಾನ ಹಾಗೂ ಮದ್ಯಪಾನ ಬಿಡಿ: ಧೂಮಪಾನ ಹಾಗೂ ಮದ್ಯಪಾನ ಮಾಡುವುದು ಸಹ ಗೊರಕೆ ಹೆಚ್ಚಾಗಲು ಕಾರಣವಾಗುತ್ತದೆ. ನಿಮಗೂ ಸಹ ಈ ಅಭ್ಯಾಸವಿದ್ದರೆ ಇದನ್ನು ಬಿಡುವುದು ಉತ್ತಮ. ಇದರಿಂದ ಒಟ್ಟಾರೆ ಆರೋಗ್ಯಕ್ಕೆ ಸಹ ಒಳ್ಳೆಯದು.