Mucus Remedy: ಕಫ ಕಟ್ಟಿ ಉಸಿರಾಡಲು ಕಷ್ಟ ಆಗ್ತಿದ್ರೆ ಈ ಮನೆಮದ್ದು ಸೇವಿಸಿ, ಪಟ್ ಅಂತ ನಿವಾರಣೆಯಾಗುತ್ತೆ

ಹೆಚ್ಚುವರಿ ಕಫವನ್ನು ತೆಗೆದುಹಾಕಲು ಕೆಲವು ಮನೆಮದ್ದುಗಳು ಸಹಾಯ ಮಾಡುತ್ತದೆ. ಈ ಮನೆಮದ್ದುಗಳು ಸರಳ ಮಾತ್ರವಲ್ಲದೇ, ಮನೆಯಲ್ಲಿಯೇ ಸುಲಭವಾಗಿ ಸಿಗುತ್ತದೆ. ಹಾಗಾಗಿ ಕಫ ಸಮಸ್ಯೆ ಇದ್ದರೆ ಈ ಮನೆಮದ್ದುಗಳನ್ನು ಟ್ರೈ ಮಾಡಿ.

ಶುಂಠಿ
ಶುಂಠಿಯನ್ನು ನೈಸರ್ಗಿಕ ಡಿಕೊಂಜೆಸ್ಟೆಂಟ್ ಮತ್ತು ಆಂಟಿಹಿಸ್ಟಮೈನ್ ಆಗಿ ಬಳಸಬಹುದು. ಶುಂಠಿಯ ಆಂಟಿವೈರಲ್ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳಿದ್ದು, ಕಫ ನಿವಾರಿಸಲು ಸಹಾಯ ಮಾಡುತ್ತದೆ. ದಿನಕ್ಕೆ 2 ಬಾರಿ ಶುಂಠಿ ಚಹಾವನ್ನು ಕುಡಿಯುವುದು ಉತ್ತಮ.

ಮೆಣಸಿನಕಾಯಿ
ಮೆಣಸಿನಕಾಯಿಯ ಸಹಾಯದಿಂದ ಅತಿಯಾದ ಕೆಮ್ಮು ಮತ್ತು ಕಫ ನಿವಾರಿಸಬಹುದು. ಕ್ಯಾಪ್ಕೈಸಿನ್ ಮೆಣಸಿನಕಾಯಿಯಲ್ಲಿನ ಸಂಯುಕ್ತವಾಗಿದ್ದು, ಕಫವನ್ನು ಕರಗಿಸಲು ಸಹಾಯ ಮಾಡುತ್ತದೆ.

ಬೆಳ್ಳುಳ್ಳಿ
ಬೆಳ್ಳುಳ್ಳಿಯನ್ನು ನೈಸರ್ಗಿಕ ಕಫ ನಿವಾರಕವಾಗಿ ಬಳಸಬಹುದು, ಇದು ಕಫವನ್ನು ಕರಗಿಸಲು ಸಹಾಯ ಮಾಡುತ್ತದೆ. ಬೆಳ್ಳುಳ್ಳಿಯಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ವೈರಲ್, ಶಿಲೀಂಧ್ರ ಸೋಂಕಿನ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ನಿಮ್ಮ ಆಹಾರದಲ್ಲಿ ಹೆಚ್ಚು ಬೆಳ್ಳುಳ್ಳಿಯನ್ನು ಸೇರಿಸುವುದರಿಂದ ದೇಹದಿಂದ ಹೆಚ್ಚುವರಿ ಕಫವನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.

ಅನಾನಸ್
ಅನಾನಸ್ ಕಫದ ನಿವಾರಣೆಗೆ ಸಹಾಯ ಮಾಡುತ್ತದೆ. ಅನಾನಸ್ ರಸವು ಬ್ರೋಮೆಲೈನ್ ಎಂಬ ಕಿಣ್ವಗಳ ಮಿಶ್ರಣವನ್ನು ಹೊಂದಿರುತ್ತದೆ. ಇದು ಬಲವಾದ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ, ಇದು ಅಸ್ತಮಾ ಮತ್ತು ಅಲರ್ಜಿಗಳಿಗೆ ಸಂಬಂಧಿಸಿದ ಉಸಿರಾಟದ ಸಮಸ್ಯೆಗಳಿಗೆ ಸಹಾಯ ಮಾಡುತ್ತದೆ.

ಈರುಳ್ಳಿ
ಶೀತ, ಕೆಮ್ಮು, ಜ್ವರ, ಕಡಿಮೆ ರೋಗನಿರೋಧಕ ಶಕ್ತಿ ಹೀಗೆ ಇತರ ಸಮಸ್ಯೆಗಳಿಗೆ ಈ ಈರುಳ್ಳಿ ಸಹಾಯ ಮಾಡುತ್ತದೆ. ತುರಿದ ಈರುಳ್ಳಿಯನ್ನು ಸುಮಾರು 6 ರಿಂದ 8 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ. ಪ್ರತಿದಿನ 3 ರಿಂದ 4 ಚಮಚ ಈ ನೀರನ್ನು ಕುಡಿಯುವುದು ಕಫ ಹೋಗಲಾಡಿಸಲು ಸಹಾಯ ಮಾಡುತ್ತದೆ.

ಏಲಕ್ಕಿ
ಏಲಕ್ಕಿ ದೇಹದಲ್ಲಿ ಹೆಚ್ಚುವರಿ ಕಫದ ಸಂಗ್ರಹವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಏಲಕ್ಕಿಯನ್ನು ಜೀರ್ಣಕ್ರಿಯೆ ಸಮಸ್ಯೆ ಹೋಗಲಾಡಿಸಲು ಸಹಾಯ ಮಾಡುತ್ತದೆ. ಅಲ್ಲದೇ, ಕಫ ಕಟ್ಟದಂತೆ ಸಹ ತಡೆಯುತ್ತದೆ.

ಪುದೀನಾ ಟೀ
ಪುದೀನಾ ಸಹ ಕಫ ಕರಗಿಸಲು ಸಹಾಯ ಮಾಡುವ ಅಂಶವನ್ನು ಹೊಂದಿದೆ. ದಿನಕಕ್ಕೆ 2 ರಿಂದ 3 ಬಾರಿ ಇದನ್ನು ಕುಡಿಯುವುದು ನಿಮಗೆ ಸಹಾಯ ಮಾಡುತ್ತದೆ.