Gray Hair: ಈ ಮನೆ ಮದ್ದು ಟ್ರೈ ಮಾಡಿದ್ರೆ ಕೇವಲ ಒಂದೇ ಗಂಟೆಯಲ್ಲಿ ನಿಮ್ಮ ಬಿಳಿಕೂದಲು ಕಪ್ಪಾಗುತ್ತೆ!

ಇತ್ತೀಚೆಗೆ ವಯಸ್ಸಿನ ಭೇದವಿಲ್ಲದೇ ಬಿಳಿ ಕೂದಲು ಸಮಸ್ಯೆ ಹೆಚ್ಚಾಗುತ್ತಿದೆ. ಆರೋಗ್ಯ ಪದ್ಧತಿ, ಜೀವನಶೈಲಿ, ವಿಟಮಿನ್ ಕೊರತೆ ಹೀಗೆ ಹಲವಾರು ಕಾರಣಗಳಿಂದಾಗಿ ಬಿಳಿ ಕೂದಲಿನ ಸಮಸ್ಯೆ ಬರುತ್ತಿದೆ. ಈ ಬಿಳಿ ಕೂದಲನ್ನು ಮರೆಮಾಚಲು ಅನೇಕರು ಡೈ ಮೊರೆ ಹೋಗುತ್ತಾರೆ. ಇದರಲ್ಲಿ ಅನೇಕ ಕೆಮಿಕಲ್​ಗಳಿದ್ದು, ನಮ್ಮ ದೇಹಕ್ಕೆ ಹಾನಿಯುಂಟು ಮಾಡಬಹುದು. ಹೀಗಾಗಿ ಮನೆಯಲ್ಲೇ ಇರುವ ಕೆಲವು ನೈಸರ್ಗಿಕ ಪದಾರ್ಥಗಳನ್ನು ಬಳಸಿ ನಿಮ್ಮ ಬಿಳಿ ಕೂದಲನ್ನು ಕಪ್ಪಾಗಿಸಬಹುದು.

ಆಮ್ಲಾ- ಮೆಹಂದಿ: ಒಂದು ಕಪ್​​ಗೆ 3 ಚಮಚ ಆಮ್ಲಾ ಪುಡಿ, ಅರ್ಧ ಕಪ್ ಮೆಹಂದಿ ಪುಡಿ ಮತ್ತು 1 ಚಮಚ ಕಾಫಿ ಪುಡಿಯನ್ನು ಹಾಕಿ ನೀರಿನೊಂದಿಗೆ ಬೆರೆಸಿ. ಬಳಿಕ ತಲೆಗೆ ಹಚ್ಚಿ 1 ಗಂಟೆ ಒಣಗಲು ಬಿಡಿ. ಚೆನ್ನಾಗಿ ಒಣಗಿದ ಬಳಿಕ ತಣ್ಣೀರಿನಿಂದ ಸ್ನಾನ ಮಾಡಿದರೆ ಬಿಳಿ ಕೂದಲು ಮಾಯವಾಗುತ್ತದೆ.

ಟೀ ಹೇರ್ ಪ್ಯಾಕ್: ಒಂದು ಪಾತ್ರೆಯಲ್ಲಿ ಒಂದು ಕಪ್ ನೀರಿಗೆ 2 ಟೀ ಚಮಚ ಟೀ ಪುಡಿ ಸೇರಿಸಿ ಚೆನ್ನಾಗಿ ಕುದಿಸಿ. ನಂತರ ಈ ಮಿಶ್ರಣದಲ್ಲಿರುವ ನೀರನ್ನು ಸೋಸಿ, ಎಲೆಗಳನ್ನು ಮಾತ್ರ ತೆಗೆದುಕೊಂಡು ಕೂದಲಿಗೆ ಹಚ್ಚಿ. 30 ನಿಮಿಷಗಳ ಬಳಿಕ ತಲೆ ಸ್ನಾನ ಮಾಡಿದರೆ ಒಳ್ಳೆಯ ಬದಲಾವಣೆ ಕಾಣುತ್ತದೆ.

ಕರಿಬೇವಿನ ಹೇರ್ ಮಾಸ್ಕ್: ಒಂದು ಗೊಂಚಲು ಕರಿಬೇವಿನ ಎಲೆಗಳನ್ನು ಮಿಕ್ಸಿಂಗ್ ಜಾರ್‌ನಲ್ಲಿ ರುಬ್ಬಿಕೊಳ್ಳಿ. 3 ಚಮಚ ಕೊಬ್ಬರಿ ಎಣ್ಣೆಯೊಂದಿಗೆ ಕರಿಬೇಬಿನ ಪೇಸ್ಟ್​ನ್ನು ತಲೆಗೆ ಹಚ್ಚಿ, 1 ಗಂಟೆಯ ನಂತರ ಸ್ನಾನ ಮಾಡಿ. ಇದರಿಂದ ಬಿಳಿಕೂದಲಿಗೆ ವಿದಾಯ ಹೇಳಬಹುದು.

ಮೆಹಂದಿ ಪೇಸ್ಟ್: 4 ಚಮಚ ಮೆಹಂದಿ ಪುಡಿಯನ್ನು ಒಂದು ಕಪ್‌ನಲ್ಲಿ ಸ್ವಲ್ಪ ನೀರಿನೊಂದಿಗೆ ಮಿಕ್ಸ್​ ಮಾಡಿ 8 ಗಂಟೆಗಳ ಕಾಲ ನೆನೆಸಿಡಿ. ನಂತರ 2 ಚಮಚ ಟೀ ಪುಡಿ, 1 ಚಮಚ ನಿಂಬೆರಸ ಮತ್ತು 1 ಚಮಚ ಸೀಬೆ ಪುಡಿಯನ್ನು ಸೇರಿಸಿ ಕೂದಲಿಗೆ ಹಚ್ಚಿದರೆ ಉತ್ತಮ ಫಲಿತಾಂಶ ಸಿಗುತ್ತದೆ.

ಆಲೂಗಡ್ಡೆ ರೆಮಿಡಿ: ಒಂದು ಪಾತ್ರೆಯಲ್ಲಿ 6 ಆಲೂಗೆಡ್ಡೆ ಸಿಪ್ಪೆಯನ್ನು 2 ಕಪ್ ನೀರು ಹಾಕಿ ಕುದಿಸಿ. ನಂತರ ಅದರಲ್ಲಿರುವ ನೀರನ್ನು ಮಾತ್ರ ಪ್ರತ್ಯೇಕವಾಗಿ ಫಿಲ್ಟರ್ ಮಾಡಿ ಸಂಗ್ರಹಿ. ಸ್ನಾನ ಮಾಡುವಾಗ ಈ ನೀರನ್ನು ತಲೆಗೆ ಹಚ್ಚಿದರೆ ಉತ್ತಮ ಬದಲಾವಣೆಯನ್ನು ಕಾಣಬಹುದು.

ಮೊಸರು-ಮೆಣಸು ಪ್ಯಾಕ್: ಮಿಕ್ಸರ್ ಜಾರ್‌ಗೆ ಒಂದು ಕಪ್ ಮೊಸರು ಮತ್ತು 2 ಗ್ರಾಂ ಕಾಳುಮೆಣಸನ್ನು ಹಾಕಿ ಚೆನ್ನಾಗಿ ರುಬ್ಬಿ. ನಂತರ ಈ ಮಿಶ್ರಣವನ್ನು ಕೂದಲಿಗೆ ಹಚ್ಚಿ 1 ಗಂಟೆಯ ನಂತರ ಸ್ನಾನ ಮಾಡಿ ಉತ್ತಮ ಫಲಿತಾಂಶ ಸಿಗುತ್ತದೆ.

ಮೆಂತ್ಯ ಕಾಳು: ಕಾಲು ಕಪ್ ಮೆಂತ್ಯ ಕಾಳುಗಳನ್ನು ಅರ್ಧ ಕಪ್ ತೆಂಗಿನ ಎಣ್ಣೆಯೊಂದಿಗೆ ಪೇಸ್ಟ್ ಮಾಡಿ. ಈ ಪೇಸ್ಟ್ ಅನ್ನು ನಿಮ್ಮ ಕೂದಲಿಗೆ ಹಚ್ಚಿ ಮತ್ತು ಮಸಾಜ್ ಮಾಡಿ ಮತ್ತು ಸುಮಾರು 8 ಗಂಟೆಗಳ ಕಾಲ ಇರಿಸಿ. ಬಳಿಕ ತಣ್ಣೀರಿನಿಂದ ತಲೆ ಸ್ನಾನ ಮಾಡಿ.

ಕಾಫಿ ಪೌಡರ್ ಹೇರ್ ಮಾಸ್ಕ್: ಅರ್ಧ ಕಪ್ ಕಾಫಿ ಪುಡಿ ಜೊತೆಗೆ ಒಂದು ಕಪ್ ಕಂಡೀಷನರ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಸ್ನಾನ ಮಾಡುವ ಒಂದು ಗಂಟೆ ಮೊದಲು ಈ ಮಿಶ್ರಣವನ್ನು ನಿಮ್ಮ ನೆತ್ತಿಗೆ ಹಚ್ಚಿ ಮತ್ತು ನಿಮ್ಮ ತಲೆಯನ್ನು ಶವರ್ ಕ್ಯಾಪ್​ನಿಂದ ಮುಚ್ಚಿ. ಬಳಿಕ ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ. (Disclaimer: ಈ ಲೇಖನದಲ್ಲಿ ನೀಡಲಾದ ಮಾಹಿತಿ ಮತ್ತು ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. ಇದನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ.)