Holiday Plan: ಈ ವೀಕೆಂಡ್‌ಗೆ ಉತ್ತರ ಕನ್ನಡ ಜಿಲ್ಲೆಯ ಸಖತ್ ಸ್ಪಾಟ್‌ಗಳಿಗೆ ಟ್ರಿಪ್‌ ಪ್ಲಾನ್ ಮಾಡಿ, ಫುಲ್ ಡಿಟೇಲ್ಸ್ ಇಲ್ಲಿದೆ

ಮುರ್ಡೇಶ್ವರ: ಉತ್ತರ ಕನ್ನಡದ ಭಟ್ಕಳ ತಾಲೂಕಿನಲ್ಲಿರುವ ಮುರ್ಡೇಶ್ವರ ಕ್ಷೇತ್ರ ಪ್ರಸಿದ್ಧ ಧಾರ್ಮಿಕ ಹಾಗೂ ಪ್ರವಾಸಿ ತಾಣವಾಗಿದೆ. ಇಲ್ಲಿರುವ 123 ಅಡಿ ಎತ್ತರದ ಶಿವನ ಬೃಹತ್ ಮೂರ್ತಿ ವಿಶೇಷ ಆಕರ್ಷಣೆ. ಜೊತೆಗೆ 216 ಅಡಿ ಎತ್ತರದ ವಿಶ್ವದ ಅತೀ ಎತ್ತರದ ಗೋಪುರ ಇಲ್ಲಿದೆ. (ಕೃಪೆ: Instagram)

ಇಡಗುಂಜಿ: ಹೊನ್ನಾವರ ತಾಲೂಕಿನಲ್ಲಿರುವ ಇಡಗುಂಜಿ ಕ್ಷೇತ್ರ ಕರಾವಳಿಯ ಪ್ರಸಿದ್ಧ ಗಣೇಶನ ದೇಗುಲಗಳಲ್ಲಿ ಒಂದು. ದ್ವಿಭುಜ ಹೊಂದಿರುವ ಬಾಲ ಗಣೇಶನ ಮೂರ್ತಿಯು ಇಲ್ಲಿನ ವಿಶೇಷ ಆಕರ್ಷಣೆ. ನಾರದರಿಂದ ಪ್ರತಿಷ್ಠಾಪಿಸಲ್ಪಟ್ಟಿರುವ ಈ ಮೂರ್ತಿಯನ್ನು ನೋಡಲು ಪ್ರತಿವರ್ಷ 1 ಮಿಲಿಯನ್ಗೂ ಅಧಿಕ ಭಕ್ತಾಧಿಗಳು ಬರುತ್ತಾರಂತೆ. (ಕೃಪೆ: Instagram)

ಶಿರಸಿ: ಉತ್ತರ ಕನ್ನಡ ಜಿಲ್ಲೆಯ ಮಲೆನಾಡಿನ ಒಂದು ಜಿಲ್ಲೆ. ಅಡಿಕೆ, ತೆಂಗು ಹಾಗೂ ಅರಣ್ಯಗಳಿಂದ ಸದಾ ಕಂಗೊಳಿಸುವ ತಾಲೂಕು. ಮಾರಿಕಾಂಬೆ ದೇವಿ ಇಲ್ಲಿನ ಪ್ರಮುಖ ಆಕರ್ಷಣೆ. ಇಲ್ಲಿ ಪ್ರತಿ ಎರಡು ವರ್ಷಗಳಿಗೊಮ್ಮೆ ನಡೆಯುವ ಜಾತ್ರೆ ಕರ್ನಾಟಕದ ಅತಿ ದೊಡ್ಡ ಜಾತ್ರೆ ಎಂಬ ಹಿರಿಮೆ ಪಡೆದಿದೆ. (ಕೃಪೆ: Instagram)

ಹೊನ್ನಾವರ: ಉತ್ತರ ಕನ್ನಡ ಜಿಲ್ಲೆಯ ಒಂದು ಸುಂದರ ಬಂದರು ಪ್ರದೇಶ. ಅರಬ್ಬಿ ಸಮುದ್ರದ ತೀರದಲ್ಲಿ, ಶರಾವತಿ ನದಿ ದಂಡೆಯಲ್ಲಿ ಸ್ಥಿತವಾಗಿರುವ ಈ ಪಟ್ಟಣ ಐತಿಹಾಸಿಕ ಪ್ರದೇಶ ಕೂಡ. ಗೇರುಸೊಪ್ಪೆಯ ರಾಣಿ ಚೆನ್ನಭೈರಾದೇವಿ ಈ ಪ್ರದೇಶವನ್ನು ಆಳಿದ ದಾಖಲೆಗಳು ಇತಿಹಾಸ ಪುಟಗಳಲ್ಲಿ ಸಿಗುತ್ತವೆ. ಯಕ್ಷಗಾನ ಹಾಗೂ ತಾಳಮದ್ದಳೆ ಇಲ್ಲಿನ ಕಲಾ ವೈಶಿಷ್ಟ್ಯ. (ಕೃಪೆ: Instagram)

ಮಾಗೋಡು: ಈ ಜಲಪಾತ ಯಲ್ಲಾಪುರದಿಂದ 20 ಕಿಲೋಮೀಟರ್ ದೂರದಲ್ಲಿದೆ. ಬೇಡ್ತಿ ನದಿಯುಸುಮಾರು 200 ಮೀಟರ್ ಎತ್ತರದಿಂದ ಎರಡು ಘಟ್ಟಗಳಲ್ಲಿ ಧುಮುಕುತ್ತದೆ. ಈ ಜಲಪಾತದ ಸಮೀಪದಲ್ಲಿರುವ ಗುಡ್ಡದಲ್ಲಿ ಚಕ್ರವ್ಯೂಹಾಕಾರದ ಒಂದು ಪುರಾತನ ಕೋಟೆ ಇದೆ. ಸೋದೆ ಅರಸ ತನ್ನ ಪ್ರೇಯಸಿಯ ರಕ್ಷಣೆಗಾಗಿ ಇದನ್ನು ಕಟ್ಟಿಸಿದ್ಧ ಎನ್ನಲಾಗಿದೆ. (ಕೃಪೆ: Instagram)

ಓಂ ಬೀಚ್: ಉತ್ತರ ಕನ್ನಡ ಜಿಲ್ಲೆಯಲ್ಲಿರುವ ಕರಾವಳಿ ನಗರವಾದ ಗೋಕರ್ಣದಲ್ಲಿ ಓಂ ಕಡಲತೀರ ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿದೆ. ಓಂ ಕಡಲತೀರ ಮೇಲಿನಿಂದ ನೋಡಿದಾಗ ಹಿಂದೂ ಪೌರಾಣಿಕ ಚಿಹ್ನೆಯಾದ ‘ಓಂ’ನಂತೆ ಕಾಣುತ್ತದೆ. ಇದು ಗೋಕರ್ಣಕ್ಕೆ ಹೆಚ್ಚಿನ ಸಂಖ್ಯೆಯ ಅಂತರರಾಷ್ಟ್ರೀಯ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. (ಕೃಪೆ: Instagram)

ಯಾಣ: ದಟ್ಟವಾದ ಕಲ್ಲು ಬಂಡೆ ಅರಣ್ಯ ಪ್ರದೇಶದಿಂದ ಕೂಡಿದ ಹಳ್ಳಿ. ಇದು ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಪ್ರೇಕ್ಷಣೀಯ ಸ್ಥಳ. ಮೊನಚಾಗಿರುವ ಬೆಟ್ಟದಂತಿರುವ ಶಿಲೆಗಳ 61 ಶಿಖರಗಳನ್ನ ಒಳಪಟ್ಟಿದೆ. ಇದರಲ್ಲಿ 61 ಶಿಖರಗಳಿದ್ದರೂ ಕೂಡ, ಭೈರವೇಶ್ವರ ಶಿಖರ, ಮೋಹಿನಿ ಶಿಖರ ಮತ್ತು ಬೆಟ್ಟದ ಭೈರವೇಶ್ವರ ದೇವಾಲಯ ಹೆಚ್ಚಿನ ಪ್ರಖ್ಯಾತಿ ಪಡೆದಿದೆ. (ಕೃಪೆ: Instagram)

ಮಿರ್ಜಾನ್ ಕೋಟೆ: ಉತ್ತರ ಕನ್ನಡ ಜಿಲ್ಲೆಯ ಕುಮಟಾ ತಾಲೂಕಿನ ಅಘನಾಶಿನಿ ನದಿಯ ದಡದಲ್ಲಿದೆ ಈ ಐತಿಹಾಸಿಕ ಮಿರ್ಜಾನ್ ಕೋಟೆ. ಕಾಳುಮೆಣಸಿನ ರಾಣಿ ಎಂದೇ ಪ್ರಖ್ಯಾತಿಗೊಂಡಿದ್ದ ಸಾಳುವ ವಂಶದ ಗೇರುಸೊಪ್ಪೆಯ ರಾಣಿ ಚೆನ್ನಭೈರಾದೇವಿ ಈ ಕೋಟೆಯನ್ನು 16 ನೇ ಶತಮಾನದಲ್ಲಿ ನಿರ್ಮಿಸಿದ್ದಾಳೆ ಎಂದು ಇತಿಹಾಸದ ಪುಟಗಳಲ್ಲಿ ಉಲ್ಲೇಖಿಸಲಾಗಿದೆ. (ಕೃಪೆ: Instagram)

ರವೀಂದ್ರನಾಥ ಟಾಗೋರ್ ಬೀಚ್: ಕಾರವಾರ ಬಸ್ ನಿಲ್ದಾಣದಿಂದ 1 ಕಿ.ಮೀ ದೂರದಲ್ಲಿರುವ ಕಾರವಾರ ಬೀಚ್, ರವೀಂದ್ರನಾಥ ಟಾಗೋರ್ ಬೀಚ್ ಎಂದೂ ಕರೆಯಲ್ಪಡುತ್ತದೆ. ರವೀಂದ್ರನಾಥ ಟಾಗೋರ್ ಅವರೇ ಈ ಬೀಚ್ನ ಸೌಂದರ್ಯಕ್ಕೆ ಮಾರುಹೋಗಿದ್ದರಂತೆ. ಹೀಗಾಗಿ ಅವರ ಹೆಸರನ್ನೇ ಇಡಲಾಗಿದೆ. ಕಾಳಿ ನದಿ ಕಡಲತೀರದ ಅಂತ್ಯದಲ್ಲಿ ಅರೇಬಿಯನ್ ಸಮುದ್ರಕ್ಕೆ ಸೇರುತ್ತದೆ. ಕಾಳಿ ಸೇತುವೆಯಿಂದ ಸೂರ್ಯಾಸ್ತದ ನೋಟ ಅದ್ಭುತ ಮತ್ತು ಮರೆಯಲಾಗದ ಅನುಭವವಾಗಿದೆ. (ಕೃಪೆ: Instagram)

ಗೇರುಸೊಪ್ಪಾ: ಹೊನ್ನಾವರ ತಾಲ್ಲೂಕಿನಲ್ಲಿದೆ. ಒಂದು ಕಾಲದಲ್ಲಿ ಸಾಳ್ವ ರಾಣಿ ಚೆನ್ನಭೈರಾದೇವಿಯ ರಾಜಧಾನಿಯಾಗಿತ್ತು. ಸುತ್ತ ದಟ್ಟಾರಣ್ಯದಲ್ಲಿರುವ ಈ ಊರು, ಶರಾವತಿ ದಡದಲ್ಲಿದೆ. ದೂರದಲ್ಲಿ ಅರಬ್ಬಿ ಸಮುದ್ರ ಭೋರ್ಗರೆಯುತ್ತಿರುತ್ತದೆ. ಅನೇಕ ಜೀವ ಪ್ರಬೇಧಗಳಿಗೆ ಈ ಊರು ಆಶ್ರಯತಾಣ. ರಾಣಿ ಕಟ್ಟಿಸಿದ್ದ ಚತುರ್ಮುಖ ಬಸದಿ ಇಲ್ಲಿನ ಮತ್ತೊಂದು ಆಕರ್ಷಣೆ. (ಕೃಪೆ: Instagram)