Colours: ಮದುವೆ ನಂತ್ರ ಇದು ನಿಮ್ಗೆ ಮೊದಲ ಹೋಳಿ ಹಬ್ಬನಾ? ಹಾಗಾದ್ರೆ ಈ ರೀತಿ ಆಚರಿಸಿ, ಮಜಾವಾಗಿರುತ್ತೆ!

ಕಳೆದ 4 ತಿಂಗಳಲ್ಲಿ ಅತಿ ಹೆಚ್ಚು ವಿವಾಹಗಳು ನಡೆದಿವೆ. ದೇಶಾದ್ಯಂತ ಹಲವು ನವ ಜೋಡಿಗಳು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ವರ್ಷಾಂತ್ಯದವರೆಗೂ ಈ ನವಜೋಡಿಗೆ ಪ್ರತಿ ಹಬ್ಬವೂ ಮೊದಲ ಹಬ್ಬವಾಗಿರುತ್ತದೆ. ಅಲ್ಲದೇ ಫೆಬ್ರವರಿಯಲ್ಲಿ ಮದುವೆಯಾದವರಿಗೆ ಮಾರ್ಚ್ 8ರಂದು ನಡೆಯುವ ಹೋಳಿಯೇ ಮೊದಲ ಹಬ್ಬ. (ಸಾಂಕೇತಿಕ ಚಿತ್ರ)

ನವವಿವಾಹಿತರು ಈ ಹಬ್ಬವನ್ನು ಹೇಗೆ ಆಚರಿಸುತ್ತಾರೆ ಮತ್ತು ಅದನ್ನು ತಮ್ಮ ಜೀವನದುದ್ದಕ್ಕೂ ಹೇಗೆ ನೆನಪಿಸಿಕೊಳ್ಳುತ್ತಾರೆ ಎಂಬುದನ್ನು ನೋಡೋಣ. ಸಾಮಾನ್ಯವಾಗಿ ಮದುವೆಯಾದ ನಂತರ ಕುಟುಂಬ ಸದಸ್ಯರೊಂದಿಗೆ ದೇವಸ್ಥಾನಗಳಿಗೆ ಹೋಗುತ್ತಾರೆ. (ಸಾಂಕೇತಿಕ ಚಿತ್ರ)

ಮದುವೆಯಾದ ನಂತರ ನವವಿವಾಹಿತ ದಂಪತಿ ಶಾಶ್ವತವಾಗಿ ಒಟ್ಟಿಗೆ ಇರುತ್ತಾರೆ. ಈ ಹಿನ್ನೆಲೆ ಅನೇಕ ಪ್ರವಾಸಗಳಿಗೆ ಹೋಗಲು ಪ್ಲ್ಯಾನ್ ಮಾಡಿರುತ್ತಾರೆ. ಆದರೀಗ ಹಬ್ಬಗಳು ಬಂದಿರುವುದರಿಂದ ಎಲ್ಲಿಲ್ಲದ ಸಂಭ್ರಮ ಮನೆ ಮಾಡಿದೆ. ಟ್ರಿಪ್ ಹೋಗುವ ಬದಲು ಹಬ್ಬ ಆಚರಿಸುವಲ್ಲಿ ಜೋಡಿಗಳು ಬ್ಯುಸಿ ಆಗಿರುತ್ತಾರೆ. (ಸಾಂಕೇತಿಕ ಚಿತ್ರ)

ಹೌದು, ಇನ್ನೇನು ಕೆಲವೇ ದಿನಗಳಲ್ಲಿ ಹೋಳಿ ಬರಲಿದೆ. ಈ ಹೋಳಿಯನ್ನು ವಿಶೇಷ ಮತ್ತು ಶಾಶ್ವತವಾಗಿ ಸ್ಮರಣೀಯವಾಗಿಸಲು ಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿ. ಆದರೆ ಈ ಮುನ್ನ ಹೋಳಿಗೆ ಏನು ಮಾಡಬೇಕು ಎಂಬುವುದನ್ನು ಮೊದಲು ನಿರ್ಧರಿಸಿ. (ಸಾಂಕೇತಿಕ ಚಿತ್ರ)

ಬೆಳಗ್ಗೆ ವಿಶೇಷವಾಗಿದ್ದರೆ ಪ್ರತಿದಿನವೂ ಸಂತೋಷವಾಗಿರುತ್ತದೆ. ಹೋಳಿಯಲ್ಲಿಯೂ ಹಾಗೆಯೇ, ನಿಮ್ಮ ಸಂಗಾತಿಗಾಗಿ ನಗುಮೊಗದಿಂದ ದಿನವನ್ನು ಪ್ರಾರಂಭಿಸಿ. ನಿಮ್ಮ ಸಂಗಾತಿ ಇಷ್ಟಪಡುವ ಅಡುಗೆಗಳನ್ನು ಮಾಡಿ. ಹಾಗೆಯೇ ಇದೇ ಸಮಯದಲ್ಲಿ ಪ್ರೀತಿಯನ್ನು ವ್ಯಕ್ತಪಡಿಸುವುದನ್ನು ಮರೆಯಬೇಡಿ. (ಸಾಂಕೇತಿಕ ಚಿತ್ರ)

ಹೋಳಿ ಹಬ್ಬವು ಅನೇಕ ಜನರು ಒಟ್ಟಿಗೆ ಬಣ್ಣಗಳನ್ನು ಎರಚುವ ಹಬ್ಬವಾಗಿದೆ. ಈ ಹೋಳಿಯನ್ನು ಇಬ್ಬರು ಮಾತ್ರ ಮಾಡಿದ್ರೆ ಅಷ್ಟು ಖುಷಿ ಆಗುವುದಿಲ್ಲ. ಆದ್ದರಿಂದ ಅನೇಕ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರೊಂದಿಗೆ ಹೋಳಿ ಆಚರಿಸಿ. (ಸಾಂಕೇತಿಕ ಚಿತ್ರ)

ಹಬ್ಬದ ದಿನವಾಗಿರುವುದರಿಂದ ನಿಮ್ಮ ಸಂಗಾತಿಗೆ ಇಷ್ಟವಾದ ಡ್ರೆಸ್ ಖರೀದಿಸಿ. ಆಗ ನಿಮ್ಮ ಸಂಗಾತಿ ವಿವಿಧ ಬಟ್ಟೆಗಳನ್ನು ಸಂತೋಷದಿಂದ ಧರಿಸುತ್ತಾರೆ. ಅದರಲ್ಲಿಯೂ ಅವರಿಗೆ ಇಷ್ಟವಾಗುವಂತಹ ಉಡುಪುಗಳನ್ನು ಆಯ್ಕೆ ಮಾಡುವುದು ಉತ್ತಮ. (ಸಾಂಕೇತಿಕ ಚಿತ್ರ)

ಹೋಳಿ ವಿಶೇಷ ದಿನವಾಗಿರುವುದರಿಂದ ಸಂಗಾತಿಯಿಂದ ಉಡುಗೊರೆಯನ್ನು ನಿರೀಕ್ಷಿಸುವುದು ಸಹಜ ಸಂಗತಿ. ಹಾಗಾಗಿ ನಿಮ್ಮ ಸಂಗಾತಿಗೆ ಇಷ್ಟವಾದ ಉಡುಗೊರೆಯನ್ನು ನೀಡಿ. ಅವರಿಗೆ ಹೇಳದೇ ಸರ್ಪ್ರೈಸ್ ಕೊಟ್ಟರೂ ಆ ಸಮಯದಲ್ಲಿ ಬರುವ ಕಿಕ್ ಬೇರೆಯೇ ಆಗಿರುತ್ತದೆ. (ಸಾಂಕೇತಿಕ ಚಿತ್ರ)

ಹೋಳಿಯಲ್ಲಿ ವಿಶೇಷ ಡ್ಯಾನ್ಸ್ ಪಾರ್ಟಿ ಆಯೋಜಿಸಿ. ಇದು ನಿಮ್ಮ ಮೊದಲ ಹೋಳಿಯಾಗಿರುವುದರಿಂದ ಒಟ್ಟಿಗೆ ಕುಣಿದರೆ ಬಾಂಧವ್ಯ ಗಟ್ಟಿಯಾಗುವ ಸಾಧ್ಯತೆ ಇದೆ. ಆದ್ದರಿಂದ ಇವುಗಳನ್ನು ಪ್ರಯತ್ನಿಸಿ ಮತ್ತು ಬಾಂಧವ್ಯವನ್ನು ಬಲಪಡಿಸಿ. (ಸಾಂಕೇತಿಕ ಚಿತ್ರ)