Colors: ಗರ್ಭಿಣಿಯರೇ ಹೋಳಿ ಆಡಲು ಭಯನಾ? ಚಿಂತೆ ಬಿಡಿ ಈ ಟಿಪ್ಸ್ ಫಾಲೋ ಮಾಡಿ ರಂಗಿನ ಹಬ್ಬ ಆಚರಿಸಿ

ಹೋಳಿ ಹಬ್ಬದಂದು ಬಣ್ಣ ಆಡುವುದಿಲ್ಲ. ಬಣ್ಣ ಆಡಲು ಆಗುವುದಿಲ್ಲ. ನಾನು ಗರ್ಭಿಣಿ ಎಂದು ಅನೇಕ ಮಂದಿ ಹಬ್ಬದಿಂದ ದೂರ ಉಳಿದಿರುತ್ತಾರೆ. ಗರ್ಭಾವಸ್ಥೆಯಲ್ಲಿ ಅನೇಕ ಮಂದಿಗೆ ಕಹಿ ಅನುಭವಗಳು ಆಗಿರುವುದನ್ನು ಕಂಡಿರುತ್ತಾರೆ. ಹಾಗಾಗಿ ಅನೇಕ ಗರ್ಭಿಣಿಯರು ಹೋಳಿ ಹಬ್ಬದ ದಿನದಂದು ಬಣ್ಣ ಆಡಲು ಹೆದರುತ್ತಾರೆ.

ಆದರೆ ಈ ಸಂತೋಷದಾಯಕ ಹಬ್ಬದಲ್ಲಿ ನಿಮ್ಮನ್ನು ಕಟ್ಟಿಹಾಕಿಕೊಂಡು ಮನಸ್ಸಿನ ಮೇಲೆ ಹತೋಟಿ ಸಾಧಿಸುತ್ತೀರಾ? ಹೀಗಿದ್ದರೂ ನಿಮಗೆ ಹೋಳಿ ಆಡುವ ಹಂಬಲವಿದ್ಯಾ? ಹಾಗಾದ್ರೆ ಗರ್ಭಿಣಿಯಾಗಿದ್ದಾಗ ಬಣ್ಣವನ್ನು ಆಡುವುದು ಹೇಗೆ? ಹಬ್ಬ ಆಚರಿಸುವಾಗ ಪ್ರತಿಯೊಬ್ಬರಿಂದಲೂ ಕಡ್ಡಾಯವಾಗಿ ಸುರಕ್ಷಿತವಾಗಿ ಅಂತರವನ್ನು ಕಾಯ್ದುಕೊಳ್ಳಬೇಕು.

ಅದರಲ್ಲಿಯೂ ನೀವು ಗರ್ಭಿಣಿಯಾಗಿದ್ದರೆ ಸ್ವಲ್ಪ ಜಾಗರೂಕರಾಗಿರಬೇಕು. ಕಾರಣ ನೀವು ಈ ಸಮಯದಲ್ಲಿ ಎಂಜಾಯ್ ಮಾಡಲು ಸಾಧ್ಯವಾಗುವುದಿಲ್ಲ. ಹಾಗಾಗಿ ಸ್ವಲ್ಪ ಹೆಚ್ಚು ಜಾಗೃತರಾಗಿರಿ. ಸದ್ಯ ಹೋಳಿಯನ್ನು ಗರ್ಭಿಣಿಯರು ಹೇಗೆ ಆಡಬೇಕು ಎಂಬ ಬಗ್ಗೆ ಒಂದಷ್ಟು ಟಿಪ್ಸ್ಅನ್ನು ನಾವು ಇಂದು ನಿಮಗೆ ನೀಡುತ್ತಿದ್ದೇವೆ.

ನೈಸರ್ಗಿಕ ಅಥವಾ ಗಿಡಮೂಲಿಕೆ ಬಣ್ಣಗಳನ್ನು ಬಳಸಿ: ರಕ್ತಪ್ರವಾಹದ ಮೂಲಕ ರಾಸಾಯನಿಕ ಬಣ್ಣಗಳು ಭ್ರೂಣಕ್ಕೆ ಹಾನಿಯಾಗಬಹುದು. ಬಣ್ಣಗಳೊಂದಿಗೆ ಆಟವಾಡುವಾಗ ನೀವು ಉಸಿರಾಡುವ ಗಾಳಿಯಲ್ಲಿ ತಾಮ್ರದ ಸಲ್ಫೇಟ್, ಸೀಸದ ಆಕ್ಸೈಡ್ ಮತ್ತು ಪಾದರಸದಂತಹ ಹಾನಿಕಾರಕ ರಾಸಾಯನಿಕಗಳು ಮಿಶ್ರಣಗೊಳ್ಳುತ್ತವೆ. ರಾಸಾಯನಿಕ ಬಣ್ಣಗಳು ನಿಮ್ಮ ಚರ್ಮಕ್ಕೆ ಸೇರಿಕೊಳ್ಳುತ್ತವೆ ಮತ್ತು ನರಮಂಡಲದ ಮೇಲೆ ಪರಿಣಾಮ ಬೀರಬಹುದು. ಆದ್ದರಿಂದ, ಕೆಮಿಕಲ್ ಬಣ್ಣಗಳನ್ನು ತ್ಯಜಿಸುವುದು ಮತ್ತು ನೈಸರ್ಗಿಕ(ನ್ಯಾಚುರಲ್) ಬಣ್ಣಗಳನ್ನು ಬಳಸುವುದು ಉತ್ತಮ. ಗಿಡಮೂಲಿಕೆಗಳ ಬಣ್ಣದಲ್ಲಿರುವ ಪೋಷಕಾಂಶಗಳು ಚರ್ಮಕ್ಕೆ ಸಹ ಪ್ರಯೋಜನಕಾರಿಯಾಗಿದೆ.

ಕರಿದ ಸಿಹಿತಿಂಡಿಗಳು ಅತಿಯಾಗಿ ತಿನ್ನಬೇಡಿ: ಹೆಚ್ಚು ಕರಿದ ಪದಾರ್ಥಗಳನ್ನು ಮತ್ತು ಸಕ್ಕರೆ ಹೆಚ್ಚಿರುವ ಆಹಾರವನ್ನು ಸೇವಿಸುವುದನ್ನು ತಪ್ಪಿಸುವುದು ಸದಾ ಒಳ್ಳೆಯದು. ಆದ್ದರಿಂದ ನೀವು ತಾಯಿಯಾಗಲು ಬಯಸಿದರೆ, ನೀವು ಈ ಆಹಾರಗಳಿಂದ ದೂರವಿರಬೇಕು. ಮಸಾಲೆಯುಕ್ತ ಚಾಟ್, ಭಾಂಗ್, ಕೆಫೀನ್ ಹೊಂದಿರುವ ಪಾನೀಯಗಳು, ಹುರುಳಿ, ಲಡ್ಡೂಗಳು ಮತ್ತು ಇತರ ತುಪ್ಪದ ಸಿಹಿತಿಂಡಿಗಳನ್ನು ತಿನ್ನಬಾರದು. ಇದು ಅಜೀರ್ಣ ಮತ್ತು ಹೊಟ್ಟೆಯ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಕಿಕ್ಕಿರಿದ ಸ್ಥಳಗಳಲ್ಲಿ ಇರಬೇಡಿ: ಸುತ್ತಲೂ ನೆಲದ ಮೇಲೆ ಹೆಚ್ಚು ನೀರು ಇದ್ದರೆ, ಹೆಚ್ಚಾಗಿ ಜಾರಿ ಬೀಳುವ ಅವಕಾಶವಿರುತ್ತದೆ. ಇದು ಭ್ರೂಣಕ್ಕೆ ಗಂಭೀರ ಹಾನಿಯನ್ನುಂಟುಮಾಡುತ್ತದೆ. ದೊಡ್ಡ ಜನಸಂದಣಿಯು ಉಸಿರುಗಟ್ಟುವಿಕೆಗೆ ಕಾರಣವಾಗಬಹುದು ಮತ್ತು ಕೊರೊನಾ ಸೋಂಕಿನ ಭಯವೂ ಇದೆ. ನೀವು ಕ್ಲಾಸ್ಟ್ರೋಫೋಬಿಕ್ ಆಗಿದ್ದರೆ ಜನಸಂದಣಿ ಇರುವ ಸ್ಥಳಕ್ಕೆ ಹೋಗಬೇಡಿ.

ಕಣ್ಣುಗಳನ್ನು ಸರಿಯಾಗಿ ರಕ್ಷಿಸಿ: ಸ್ಪಷ್ಟವಾದ ಕನ್ನಡಕ ಅಥವಾ ಸನ್ಗ್ಲಾಸ್ನೊಂದಿಗೆ ಕಣ್ಣುಗಳನ್ನು ರಕ್ಷಿಸಿ. ಹೋಳಿ ಪೌಡರ್ ಆಗಿರಲಿ, ಹೋಳಿ ನೀರಾಗಿರಲಿ ಅದು ನಿಮ್ಮ ಕಣ್ಣುಗಳಿಗೆ ನೇರವಾಗಿ ಬೀಳುತ್ತದೆ, ಇದು ಕಣ್ಣಿಗೆ ಗಂಭೀರ ಹಾನಿಯನ್ನುಂಟು ಮಾಡುತ್ತದೆ.